Click it and Unblock the Notifications
Just In
Don't Miss
-
ഷൂട്ടിനിടെ തമിഴ് നടന് മോശമായി ടച്ച് ചെയ്തു, ആരും കൂടെ നിന്നില്ല, വഴക്ക് കേട്ടത് എനിക്ക്: മാല പാര്വ്വതി -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
ദിവസം 32 രൂപയ്ക്ക് മുകളിലുള്ളവര്‍ ദാരിദ്രരേഖയ്ക്ക് മുകളില്‍
ന്യൂഡല്‍ഹി: ദിവസം 32 രൂപയ്ക്ക് മുകളില്‍ വരുമാനമുള്ളവര്‍ ഇനിമുതല്‍ ദാരിദ്ര രേഖയ്ക്ക് മുകളില്‍. ഇതുസംബന്ധിച്ചു പഠിക്കാന്‍ നിയോഗിച്ച സി രംഗരാജന്‍ കമ്മറ്റിയാണ് പുതിയ ദാരിദ്രരേഖ പരിധി നിശ്ചയിച്ചത്. ഗ്രാമങ്ങളില്‍ 32ഉം നഗരങ്ങളില്‍ 47ഉം രൂപയ്ക്ക് മുകളിലാണെങ്കില്‍ ദാരിദ്ര രേഖയ്ക്ക് മുകളിലാണെന്നാണ് രംഗരാജന്റെ കണ്ടെത്തല്‍.
നേരത്തെ യുപിഎ സര്‍ക്കാര്‍ നിയോഗിച്ച സുരേഷ് തെണ്ടുല്‍ക്കര്‍ കമ്മറ്റി നഗരങ്ങളില്‍ 33 രൂപയും ഗ്രാമങ്ങളില്‍ 27 രൂപയുമായിരുന്നു ദാരിദ്രരേഖാ പരിധി നിശ്ചയിച്ചത്. ഇത് വന്‍ വിവാദമായതിനെ തുടര്‍ന്നാണ് യുപിഎ തന്നെ രംഗരാജന്‍ കമ്മറ്റിയെ നിയോഗിച്ചത്. റിസര്‍വ് ബാങ്ക് മുന്‍ ഗവര്‍ണര്‍ സി രംഗരാജന്‍ ഇതുസംബന്ധിച്ച പുതിയ റിപ്പോര്‍ട്ട് എന്‍ഡിഎ സര്‍ക്കാരിന് സമര്‍പ്പിച്ചു കഴിഞ്ഞു.
റിപ്പോര്‍ട്ട് അനുസരിച്ച് ഇന്ത്യയില്‍ 30 ശതമാനം പേര്‍ ദാരിദ്രരേഖയ്ക്ക് താഴെയാണ് കഴിയുന്നത്. 36.3 കോടിയാണ് ഇന്ത്യയിലെ ദരിദ്രരുടെ ആകെ എണ്ണം. തെണ്ടുല്‍ക്കറുടെ റിപ്പോര്‍ട്ടില്‍ അധികം മാറ്റമൊന്നും വരുത്താതെയാണ് രംഗരാജനും റിപ്പോര്‍ട്ട് സമര്‍പ്പിച്ചിട്ടുള്ളത്. കൊടിയ വിലക്കയറ്റത്തില്‍ പൊറുതി മുട്ടുന്ന ജനങ്ങള്‍ എങ്ങിനെയാണ് 32 രൂപയ്ക്ക് ഒരു ദിവസം കഴിച്ചു കൂട്ടുന്നതെന്ന് കമ്മറ്റി തന്നെ വിശദീകരിക്കേണ്ടിവരും.
മാസം 1000 രൂപ ചെലവഴിക്കാന്‍ കഴിവുളളവന്‍ ദരിദ്രരനല്ല എന്നായിരുന്നു തെണ്ടുല്‍ക്കര്‍ കമ്മിറ്റിയുടെ നേരത്തെയുള്ള നിര്‍ദ്ദേശം. രംഗരാജന്‍ കമ്മറ്റി ദിവസവേതനത്തില്‍ നാമമാത്ര വര്‍ദ്ധന ഉണ്ടാക്കിയതോടെ ദരിദ്രര്‍ വര്‍ദ്ധിച്ചെങ്കിലും യുക്തിരഹിതമായ റിപ്പോര്‍ട്ടാണ് ഇതെന്ന് വിദഗ്ധര്‍ വിമര്‍ശനം ഉന്നയിച്ചു കഴിഞ്ഞു. റിപ്പോര്‍ട്ട് അതേ രീതിയില്‍ നടപ്പാക്കുകയാണെങ്കില്‍ പലഭാഗത്തുനിന്നും എതിര്‍പ്പുണ്ടാകുമെന്നുറപ്പാണ്.
