സ്ത്രീകൾക്ക് സർക്കാർ ജോലികളിൽ 33% സംവരണം: സിഎഎ നടപ്പിലാക്കും ബംഗാളിൽ പ്രകടന പത്രിക പുറത്തിറക്കി ബിജെപി

Updated: Sunday, March 21, 2021, 21:06 [IST]

കൊൽക്കത്ത: പശ്ചിമ ബംഗാൾ നിയമസഭാ തിരഞ്ഞെടുപ്പിനുള്ള പ്രകടന പുറത്തിറക്കി ബിജെപി. ബിജെപി നേതാവും കേന്ദ്ര ആഭ്യന്തര മന്ത്രിയുമായ അമിത് ഷായാണ് 'സങ്കൽപ് പത്ര' എന്ന് പേരിട്ടിരിക്കുന്ന പ്രകടന പത്രിക പുറത്തിറക്കിയത്. ഇത് ഒരു പ്രകടന പത്രിക മാത്രമല്ല, പശ്ചിമ ബംഗാളിന് രാജ്യത്തെ ഏറ്റവും വലിയ പാർട്ടിയുടെ പ്രമേയമാണെന്നും ഷാ വിശേഷിപ്പിച്ചു.

അസം നിയമസഭാ തെരഞ്ഞെടുപ്പ്, പ്രചാരണ ചിത്രങ്ങള്‍ കാണാം

സർക്കാർ ജോലികളിൽ സ്ത്രീ സംവരണം

സർക്കാർ ജോലികളിൽ സ്ത്രീകൾക്ക് 33 ശതമാനം സംവരണം നൽകുമെന്നാണ് പ്രകടന പത്രികയിൽ ബിജെപി മുന്നോട്ടുവെക്കുന്ന വാഗ്ധാനങ്ങളിലൊന്ന്. കെജി മുതൽ പിജി വരെയുള്ള സ്ത്രീകൾക്ക് സൌജന്യ വിദ്യാഭ്യാസം നൽകുമെന്നും പാർട്ടി പ്രകടന പത്രികയിൽ വ്യക്തമാക്കിയിട്ടുണ്ട്.

കർഷകർക്ക് പണം

3 വർഷത്തിനുശേഷം മമത ബാനർജി കർഷകർക്ക് നൽകാത്ത പ്രധാനമന്ത്രി കിസാൻ സമൻ നിധി യോജനയ്ക്ക് കീഴിലുള്ള 18,000 രൂപ സംസ്ഥാനത്തെ 75 ലക്ഷം കർഷകരുടെ ബാങ്ക് അക്കൗണ്ടുകളിലേക്ക് നിക്ഷേപിക്കുമെന്ന് ബിജെപി നേതാവ് അമിത് ഷാ പറഞ്ഞു.

അഭയാർത്ഥികൾക്ക് പൌരത്വം

ആദ്യത്തെ മന്ത്രിസഭാ സമ്മേളനത്തിൽ ഇത് നടപ്പാക്കുമെന്നും 70 വർഷമായി ബംഗാളിൽ താമസിക്കുന്ന അഭയാർഥികൾക്ക് പൗരത്വം നൽകുമെന്നും ഓരോ അഭയാർഥി കുടുംബത്തിനും 5 വർഷത്തേക്ക് പ്രതിവർഷം 10,000 രൂപ ലഭിക്കുമെന്നും പൗരത്വ ഭേദഗതി നിയമവുമായി ബന്ധപ്പെട്ട് ബിജെപി പ്രകടന പത്രികയിൽ വ്യക്തമാക്കിയിട്ടുണ്ട്. പശ്ചിമ ബംഗാളിലും അതിർത്തി പ്രദേശങ്ങളിലും നുഴഞ്ഞുകയറ്റക്കാരെ അനുവദിക്കില്ലെന്ന് ബിജെപി പ്രകടന പത്രികയിൽ വ്യക്തമാക്കിയിട്ടുണ്ട്.

അധികാരം പിടിക്കാൻ

294 അംഗ പശ്ചിമ ബംഗാൾ നിയമസഭയിലേക്കുള്ള തിരഞ്ഞെടുപ്പ് മാർച്ച് 27 മുതൽ എട്ട് ഘട്ടങ്ങളിലായി നടക്കും. അവസാനഘട്ട വോട്ടെടുപ്പ് ഏപ്രിൽ 29 ന് നടക്കും. വോട്ടെണ്ണൽ മെയ് 2 ന് നടക്കും. തൃണമൂൽ കോൺഗ്രസിൽ അധികാരം കൈക്കലാക്കി ബംഗാളിൽ സർക്കാർ രൂപീകരിക്കാമെന്നാണ് ബിജെപിയുടെ കണക്കുകുട്ടൽ. ഇതോടെ നിരവധി ബിജെപി നേതാക്കളാണ് പല ഘട്ടങ്ങളിലായി ബംഗാളിൽ പ്രചാരണത്തിനെത്തിയത്. ഇതിനിടെ തൃണമൂൽ കോൺഗ്രസിലെ കരുത്തനായ നേതാവ് സുവേന്ദു അധികാരിയും അദ്ദേഹത്തിനൊപ്പമുള്ളവരും പാർട്ടി വിട്ട് ബിജെപിയിൽ ചേർന്നത് അനുകൂല ഘടകമായാണ് ബിജെപി കണക്കാക്കുന്നത്.

ആയുഷ്മാൻ ഭാരത്

പശ്ചിമബംഗാളിലെ ഈ പ്രദേശം മത്സ്യത്തൊഴിലാളികൾക്ക് ഭൂരിപക്ഷമുള്ള പ്രദേശത്ത് ഞങ്ങളുടെ മത്സ്യത്തൊഴിലാളികൾക്ക് കർഷകർക്ക് നൽകുന്നതിന് സമാനമായി പ്രതിവർഷം 6,000 രൂപ വീതം നൽകും. സ്വർണ്ണ കരകൗശല വിദഗ്ധരുടെ നൈപുണ്യ വികസനത്തിന് വേണ്ടിയും സർക്കാർ പ്രവർത്തിക്കുമെന്നും അദ്ദേഹം വ്യക്തമാക്കി. ആയുഷ്മാൻ ഭാരത് പദ്ധതിയും പശ്ചിമബംഗാളിൽ നടപ്പിലാക്കുമെന്നും ആഭ്യന്തരമന്ത്രി അമിത് ഷാ കൂട്ടിച്ചേർത്തു.

ട്രെൻഡി ലുക്കിൽ നേഹ - ചിത്രങ്ങൾ കാണാം