• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പ്രതീക്ഷിച്ചത് ധനമന്ത്രിസ്ഥാനം, കിട്ടിയത് റെയിൽവേ വകുപ്പ്, വിശ്വസ്തനെ കൈവിടാതെ മോദിയും ഷായും

ദില്ലി: രണ്ടാം മോദി സർക്കാരിലെ മന്ത്രിമാരുടെ വകുപ്പുകൾ പ്രഖ്യാപിച്ചു. അമിത് ഷായ്ക്ക് ആഭ്യന്തര വകുപ്പും രാജ്നാഥ് സിംഗിന് പ്രതിരോധ വകുപ്പും ലഭിച്ചു, പീയൂഷ് ഗോയലിന് ധനമന്ത്രിസ്ഥാനം ലഭിച്ചേക്കുമെന്ന് സൂചനകളുണ്ടായിരുന്നെങ്കിലും നിർമലാ സീതാരാമനാണ് പുതിയ ധനമന്ത്രി. രണ്ടാം മോദി സർക്കാരിലെ റെയിൽവേ മന്ത്രിയാകും പീയുഷ് ഗോയൽ.

നരേന്ദ്ര മോദിയുടെ അടുത്ത സർപ്രൈസ്, മോദി മന്ത്രിസഭയിൽ ഷാ ആഭ്യന്തര മന്ത്രി! രാജ്നാഥ് സിംഗിന് പ്രതിരോധം

ഒന്നാം മോദി സർക്കാരിൽ ഏറ്റവും കൂടുതൽ വകുപ്പുകൾ കൈകാര്യം ചെയ്ത മന്ത്രിമാരിൽ ഒരാളാണ് പീയുഷ് ഗോയൽ. മോദി സർക്കാരിന്റെ കാലാവധി അവസാനിക്കുമ്പോൾ കേന്ദ്ര റെയിൽ വേ വകുപ്പ് മന്ത്രിയായിരുന്നു അദ്ദേഹം. നിരവധി വിവാദ പ്രസ്താവനകളും നടത്തിയിട്ടുണ്ട് ഇക്കാലയളവിൽ പീയുഷ് ഗോയൽ.

 മന്ത്രിസ്ഥാനങ്ങൾ

മന്ത്രിസ്ഥാനങ്ങൾ

പതിനാറാം ലോക്സഭയിൽ ഊർജ്ജ മന്ത്രാലയത്തിന്റെ സ്വതന്ത്ര്യ ചുമതലയുള്ള മന്ത്രിയായിട്ടായിരുന്നു പീയുഷ് ഗോയലിന്റെ തുടക്കം. തുടർന്ന് റെയിൽവേ മന്ത്രിയായി അദ്ദേഹത്തെ നിയമിച്ചു. ഇതിനിടയിൽ ഇടക്കാല ധനമന്ത്രിയുടെ ചുമതലയും അദ്ദേഹത്തിന് ലഭിച്ചു. വൃക്കരോഗത്തെ തുടർന്ന് ധനമന്ത്രിയായിരുന്ന അരുൺ ജെയ്റ്റ്ലി വിദഗ്ധ ചികിത്സയ്ക്ക് പോയതിനെ തുടർന്നായിരുന്നു ഇത്. മോദി സർക്കാരിന്റെ 2019ലെ കേന്ദ്ര ബജറ്റ് അവതരിപ്പിച്ചത് പീയുഷ് ഗോയലാണ്.

തുടക്കം

തുടക്കം

1964 ജൂൺ 13ന് മുംബൈയിലാണ് പീയുഷ് ഗോയലിന്റെ ജനനം. ഗോയലിന്റെ മാതാപിതാക്കളും ബിജെപിയുടെ സജീവ പ്രവർത്തകരായിരുന്നു. അമ്മ ചന്ദ്രകാന്ത ഗോയൽ മൂന്ന് വട്ടം മഹാരാഷ്ട്രയിലെ ബിജെപി എംഎൽഎ ആയിരുന്നു. പിതാവ് വേദ് പ്രകാശ് ഗോയൽ വാജ്പേയി മന്ത്രിസഭയിലെ ഷിപ്പിംഗ് വകുപ്പ് മന്ത്രിയായിരുന്നു.

രണ്ടാം റാങ്കുകാരൻ

രണ്ടാം റാങ്കുകാരൻ

അക്കാദമിക് രംഗത്ത് മികവ് തെളിയിച്ച വ്യക്തിയാണ് പീയുഷ് ഗോയൽ. ചാർട്ടേഡ് അക്കൗണ്ട് പരീക്ഷയിൽ ദേശീയ തലത്തിൽ രണ്ടാം റാങ്ക് നേടിയിട്ടുണ്ട്. മുംബൈ യൂണിവേഴ്സിറ്റിയിൽ നിന്നും രണ്ടാം റാങ്കോടെയാണ് നിയമ ബിരുദം നേടിയത്.

ധനകാര്യ സേവനം

ധനകാര്യ സേവനം

സജീവ രാഷ്ട്രീയത്തിലേക്ക് ഇറങ്ങും മുമ്പ് ബാങ്കിംഗ് മേഖലയിലായിരുന്നു ചാർട്ടേഡ് അക്കൗൺന്റായ പീയുഷ് ഗോയലിന്റെ പ്രവർത്തനം. സ്റ്റേറ്റ് ബാങ്ക് ഓഫ് ഇന്ത്യ, ബാങ്ക് ഓഫ് ബറോഡ തുടങ്ങിയ ബാങ്കുകളിൽ സേവനം അനുഷ്ഠിച്ചിട്ടുണ്ട് പീയുഷ് ഗോയൽ. പിന്നാക്ക വിഭാഗക്കാരുടെ വിദ്യാഭ്യാസം, വികസനം എന്നിവ ലക്ഷ്യം വെച്ച് പ്രവർത്തിക്കുന്ന നിരവധി എൻജിഒകളുടെ ഭാഗമാണ് അദ്ദേഹം.

ബിജെപിയിലേക്ക്

ബിജെപിയിലേക്ക്

മാതാപിതാക്കളുടെ പാത പിന്തുടർന്ന് 1984ലാണ് പീയുഷ് ഗോയൽ ബിജെപിയിൽ ചേരുന്നത്. പാർട്ടിയിലെ സുപ്രധാന പദവികൾ അദ്ദേഹത്തിന് ലഭിച്ചിട്ടുണ്ട്. ഭാരതീയ ജനതാ യുവമോർച്ചയിൽ അംഗമായിരുന്നു പീയുഷ് ഗോയൽ. ബിജെപിയുടെ ദേശീയ ട്രഷററായും പ്രവർത്തിച്ചിട്ടുണ്ട്. 2014ലെ ലോക്സഭാ തിരഞ്ഞെടുപ്പ് പ്രചാരണ ഘട്ടത്തിൽ സോഷ്യൽ മീഡിയ വഴിയുള്ള പാർട്ടിയുടെ പ്രചാരണത്തിന്റെ ചുമതല പീയുഷ് ഗോയലിനായിരുന്നു. നിലവിൽ മഹാരാഷ്ട്രയിൽ നിന്നുള്ള രാജ്യസഭാംമാണ് പീയുഷ് ഗോയൽ.

English summary
Cabinet Ministers of india 2019: Piyush Goyal is the new railway minister
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more