മോദി പറഞ്ഞത് അക്ഷരംപ്രതി അനുസരിച്ച് ശശികലയുടെ പാര്ട്ടി..!വോട്ടിന് പകരം കൈക്കൂലിയും ക്യാഷ്ലെസ്സ്..!
ചെന്നൈ: നോട്ട് നിരോധനം നടപ്പാക്കിയതിന് ശേഷം രാജ്യം പൂര്ണമായും ക്യാഷ്ലെസ്സ് ഇടപാടുകളിലേക്ക് മാറണമെന്ന് ആവശ്യപ്പെട്ട നരേന്ദ്രമോദിയുടെ വാക്കുകള് അക്ഷരം പ്രതി അനുസരിച്ചിരിക്കുകയാണ് തമിഴ്നാട്ടില് ശശികലയുടെ പാര്ട്ടി. ജയലളിതയുടെ മണ്ഡലമായ ആര്കെ നഗറില് വരാനിരിക്കുന്ന ഉപതിരഞ്ഞെടുപ്പില് എഐഎഡിഎംകെ (അമ്മ) പാര്ട്ടി വോട്ടര്മാരെ സ്വാധീനിക്കുന്നത് സാധാരണപോലെ പണമോ മദ്യമോ നല്കിയിട്ടല്ല. മറിച്ച് സമ്മാനങ്ങള് നല്കിയിട്ടാണെന്ന് പനീര്ശെല്വം വിഭാഗം ആരോപിക്കുന്നു.
എന്നാല് തികച്ചും വ്യത്യസ്തമായ രീതിയിലാണ് ഈ സമ്മാനം നല്കല്. ആമസോണ്, ഫ്ളിപ്പ്കാര്ട്ട് പോലുള്ള കൊമേഴ്സ് വെബ്സൈറ്റുകള് വഴിയാണ് ശശികലയുടെ പാര്ട്ടി വോട്ടര്മാര്ക്ക് സമ്മാനങ്ങള് എത്തിച്ച് നല്കുന്നതത്രേ. ഇത്തരം സൈറ്റുകള് വഴി വന്ഓര്ഡറുകള് ചെയ്ത് തിരുവൊട്ടിയൂരിലെ എന്ബിടി ക്വാര്ട്ടേഴ്സില് എത്തിക്കുന്നതായി മുന് എംഎല്എ മനോജ് പാണ്ഡ്യന് ആരോപിക്കുന്നു. തുടര്ന്ന് ടോക്കണ് നല്കിയാണേ്രത വോട്ടര്മാരോട് സമ്മാനം വാങ്ങാന് ആവശ്യപ്പെടുന്നത്.
ഓപിഎസ്സ് വിഭാഗത്തിന്റെ നിയമ വിഭാഗമാണ് ശശികല പക്ഷം വോട്ടര്മാര്ക്ക് ഇത്തരത്തില് ഉപഹാരങ്ങള് നല്കുന്നതായുള്ള വിവരം കണ്ടെത്തിയത്. ഇക്കാര്യം ചൂണ്ടിക്കാണിച്ച് തെളിവുകള് സഹിതം ഓപിഎസ് പക്ഷം തിരഞ്ഞെടുപ്പ് കമ്മീഷന് പരാതി നല്കിയിട്ടുണ്ട്. മാത്രമല്ല ബുധനാഴ്ച പുലര്ച്ചെ മൂന്ന് മണിക്കും 7 മണിക്കും ഇടയില് ആര്കെ നഗറിലെ എല്ലാ വോട്ടര്മാര്ക്കും ശശികല വിഭാഗം നാലായിരം രൂപ വീതം നല്കിയെന്നും ഓപിഎസ് പക്ഷം പരാതി ഉന്നയിച്ചിട്ടുണ്ട്. ഇത്തരമൊരു വീഡിയോയും പുറത്ത് വന്നിട്ടുണ്ട്.