Click it and Unblock the Notifications
Just In
Don't Miss
-
ചാണക്യനീതി: അര്ത്ഥപൂര്ണമായ ജീവിതം, മരണശേഷവും കുടുംബം സന്തോഷത്തോടെ -
ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും -
IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള് -
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
അവസാനഘട്ട മത്സരത്തിന് ബീഹാർ, പ്രചാരണം അവസാനിച്ചു, 78 സീറ്റുകൾ, 1200 സ്ഥാനാര്‍ത്ഥികള്‍
പാറ്റ്ന: ബീഹാറില്‍ മൂന്നാമത്തേയും അവസാനത്തേയും ഘട്ട തിരഞ്ഞെടുപ്പിന്റെ പ്രചാരണത്തിന് അവസാനം. ഏഴാം തിയ്യതിയാണ് ബീഹാറിലെ മൂന്നാം ഘട്ട തിരഞ്ഞെടുപ്പ്. മൂന്നാംഘട്ടത്തില്‍ 2.35 കോടിയോളം വോട്ടര്‍മാരാണ് പോളിംഗ് ബൂത്തിലേക്ക് എത്തുന്നത്. 1200 സ്ഥാനാര്‍ത്ഥികള്‍ ഈ ഘട്ടത്തില്‍ ബീഹാറില്‍ ജനവിധി തേടും.
സംസ്ഥാനത്തെ സ്പീക്കറും മന്ത്രിസഭയിലെ അംഗങ്ങളും അടക്കമുളളവര്‍ മൂന്നാംഘട്ടത്തില്‍ ജനവിധി തേടുന്നവരുടെ കൂട്ടത്തിലുണ്ട്. വടക്കന്‍ ബീഹാറിലെ 19 ജില്ലകളിലായുളള 78 നിയമസഭാ സീറ്റുകളിലേക്കാണ് തിരഞ്ഞെടുപ്പ് നടക്കാനുളളത്. മൂന്നാംഘട്ടത്തില്‍ കൊണ്ടു പിടിച്ച പ്രചാരണമാണ് സംസ്ഥാനത്തുടനീളം മുന്നണികള്‍ നടത്തിയത്. പ്രധാനമന്ത്രി നരേന്ദ്ര മോദിയും കോണ്‍ഗ്രസ് മുന്‍ അധ്യക്ഷന്‍ രാഹുല്‍ ഗാന്ധിയും അടക്കമുളളവര്‍ തിരഞ്ഞെടുപ്പ് പ്രചാരണത്തിന് കൊഴുപ്പേകാനെത്തി.
എന്‍ഡിഎയ്ക്ക് വേണ്ടി വോട്ട് തേടാനെത്തിയ പ്രധാനമന്ത്രി അരാരിയ, സഹസ്ര പോലുളള ഗ്രാമങ്ങളിലാണ് പ്രചാരണ പരിപാടികളില്‍ പങ്കെടുത്തത്. സംസ്ഥാനത്ത് ഒട്ടാകെ 12 റാലികളില്‍ ആണ് പ്രധാനമന്ത്രി പങ്കെടുത്തത്. മുഖ്യമന്ത്രി നീതീഷ് കുമാറിന് എതിരെ റാലികളില്‍ അടക്കം വലിയ ജനരോഷം ഉയരുന്ന പശ്ചാത്തലത്തില്‍ നരേന്ദ്ര മോദിയെ കേന്ദ്രീകരിച്ചാണ് എന്‍ഡിഎയുടെ തിരഞ്ഞെടുപ്പ് പരിപാടികള്‍.
കോണ്‍ഗ്രസ് മുന്‍ അധ്യക്ഷന്‍ രാഹുല്‍ ഗാന്ധിയും മഹാസഖ്യത്തിന് വേണ്ടി മൂന്നാംഘട്ട തിരഞ്ഞെടുപ്പ് പ്രചാരണത്തില്‍ സജീവമായിരുന്നു. മധേപുരയിലേയും അരാരിയയിലേയും തിരഞ്ഞെടുപ്പ് റാലികളെ രാഹുല്‍ ഗാന്ധി ്അഭിസംബോധന ചെയ്തു. അതേസമയം മുഖ്യമന്ത്രി നിതീഷ് കുമാര്‍ മൂന്നാം ഘട്ട പ്രചാരണത്തിനിടെ രാഷ്ട്രീയത്തില്‍ നിന്നും വിരമിക്കല്‍ പ്രഖ്യാപിച്ചിരിക്കുകയാണ്. ഈ തിരഞ്ഞെടുപ്പോടെ വിരമിക്കും എന്നാണ് നിതീഷ് കുമാറിന്റെ പ്രഖ്യാപനം. തിരഞ്ഞെടുപ്പ് റാലികള്‍ക്കിടെ പലതവണ നിതീഷ് കുമാറിന് ജനരോഷം ഏല്‍ക്കേണ്ടി വന്നിരുന്നു.
