മോഹൻ ഭാഗവതിന്റെ വ്യാഹവ്യൂഹം ഇടിച്ച് ആറ് വയസ്സുകാരൻ മരിച്ചു: അപകടം രാജസ്ഥാനിൽ നിന്ന് മടങ്ങുംവഴി!!
മുംബൈ: ആർഎസ്എസ് തലവൻ മോഹൻ ഭാഗവതിന്റെ വാഹന വ്യൂഹം ബൈക്കിലിടിച്ച് ആറ് വയസ്സുകാരൻ കൊല്ലപ്പെട്ടു. കുട്ടി സഞ്ചരിച്ച ഇരുചക്രവാഹനത്തിലാണ് വാഹന വ്യൂഹം ഇടിച്ചത്. ബുധനാഴ്ച മോഹൻ ഭാഗവത് രാജസ്ഥാനിലെ ടിജാരയിൽ നിന്ന് മടങ്ങിവരുന്ന വഴി മുണ്ടവാർ റോഡിൽ വെച്ചാണ് അപകടം സംഭവിച്ചത്. പ്രാദേശിക സർപഞ്ച് ഛേത്രാം യാദവിന്റെ വാഹനമാണ് അപടകത്തിൽപ്പെട്ടത്. യാദവിന്റെ ചെറുമകൻ സച്ചിനാണ് അപകടത്തിൽ കൊല്ലപ്പെട്ടത്.
പാകിസ്താന് വന് തിരിച്ചടി; കശ്മീരില് യുഎന് ഇടപെടില്ല, ഐക്യരാഷ്ട്രസഭ ഇന്ത്യന് നിലപാടിനൊപ്പം
രാജസ്ഥാനിലെ പുഷ്കറിൽ നടന്ന ആർഎസ്എസിന്റെ ത്രിദിന യോഗത്തിൽ പങ്കെടുക്കാനായിരുന്നു മോഹൻ ഭാഗവത് രാജസ്ഥാനിലേക്ക് പോയത്. പുഷ്കറിലാണ് സംഭവം. കോ ഓർഡിനേഷൻ യോഗത്തിൽ ആർഎസ്എസിന്റെ 35 വിഭാഗങ്ങളിൽ നിന്നായി 200 ഓളം പേരാണ് യോഗത്തിൽ പങ്കെടുത്തത്. 2019ലെ ലോക്സഭാ തിരഞ്ഞെടുപ്പിന് ശേഷം ആർഎസ്എസ് വിളിച്ചുചേർക്കുന്ന ആദ്യത്തെ യോഗമാണ് പുഷ്കറിൽ നടന്ന്.
കഴിഞ്ഞ മേയ് മാസത്തിൽ മോഹൻ ഭാഗവതിന്റെ വാഹന വ്യൂഹം പശുവിനെ ഇടിക്കാതിരിക്കാൻ വെട്ടിച്ചിരുന്നു. റോഡിന്റെ മധ്യഭാഗത്ത് നിൽക്കുന്ന പശുവിന്റെ ജീവൻ രക്ഷിക്കാൻ ശ്രമിക്കുന്നതിനിടെയാണ് സംഭവം. മഹാരാഷ്ട്രയിലെ വാറോറയിൽ വെച്ചായിരുന്നു സംഭവം. അപകടത്തിൽ ഒരു സിഐഎസ്എഫ് ഉദ്യോഗസ്ഥനും പരിക്കേറ്റിരുന്നു.