ചുംബനസമരം: അരുന്ധതിക്കെതിരെ ഹൈദരാബാദില് കേസ്
ഹൈദരാബാദ്: കേരളത്തിലെ പോലീസ്, ചുംബന സമരക്കാരെ സമരം നടത്താന് പോലും സമ്മതിച്ചില്ലെങ്കില് ഹൈദരാബാദിലെ സ്ഥിതി അല്പം കൂടി വ്യത്യസ്തമാണ്. സമരം ചെയ്തവര്ക്കെതിരെ പോലീസ് കേസെടുത്തിരിക്കുകയാണ്.
മലയാള സിനിമ താരവും അവതാരകയും ഹൈദരാബാദ് സര്വ്വകലാശാലയിലെ വിദ്യാര്ത്ഥിനിയും ആയ അരുന്ധതിക്കെതിരെയാണ് ഇപ്പോള് ഹൈദരാബാദ് പോലീസ് കേസെടുത്തിരിക്കുന്നത്. ചുമത്തിയ വകുപ്പ് അല്പം ആശ്ചര്യപ്പെടുത്തുന്നതാണ്.
പൊതു സ്ഥലത്ത് അശ്ലീല പ്രദര്ശനം നടത്തിയതിനാണ് കേസ്. എന്നാല് ഇന്ത്യന് ഭരണഘടനയോ, ശിക്ഷാ നിയമോ ചുംബനത്തെ ഒരു അശ്ലീല പ്രവൃത്തിയായി നിര്വ്വചിച്ചിട്ടില്ലെന്നതാണ് സത്യം.(ചിത്രങ്ങള് അരുന്ധതിയുടെ ഫേസ്ബുക്ക് അക്കൗണ്ടില് നിന്ന്)
കിസ്സ് ഓഫ് ലവ്
കേരളത്തിലെ ചുംബനക്കൂട്ടായ്മക്ക് ഐക്യദാര്ഢ്യം പ്രഖ്യാപിച്ചായിരുന്നു ഹൈദരാബാദ് സര്വ്വകലാശാലയിലെ ഒരു കൂട്ടം വിദ്യാര്ത്ഥികള് ചുംബന സമരവുമായി രംഗത്തെത്തിയത്.
ആക്രമണം
സമരത്തിനെതിരെ ആക്രമണവുമായി എബിവിപിക്കാരും എത്തിയിരുന്നു. കാമ്പസിലെ എസ്എഫ്ഐ പ്രവര്ത്തകരാണ് ചുംബനസമരക്കാരെ രക്ഷിച്ചത്.
പോലീസ് കേരളത്തെ പോലെ
ഹൈദരാബാദിലെ പോലീസും കേരള പോലീസിനെ പോലെ തന്നെ ആയിരുന്നു.സമരത്തെ എതിര്ത്ത് വന്ന എബിവിപിക്കാര്ക്കൊപ്പമായിരുന്നു അവര്
അടയാളപ്പെടുത്തുന്ന ചുംബനം
ചുംബനം അടയാളപ്പെടുത്താന് ലിപ്സ്റ്റിക് പുരട്ടിയാണ് സമരക്കാര് എത്തിയത്. ഒക്ടോവിയോ പാസിന്റേയും മാധവിക്കുട്ടിയുടേയും കവിത ചൊല്ലിക്കൊണ്ടായിരുന്നു കൂട്ടായ്മ.
ഇന്ത്യയുടെ പരിഛേദം
വിവിധ സംസ്ഥാനങ്ങളില് നിന്നുള്ള 350 ല്പരം വിദ്യാര്ത്ഥികള് കൂട്ടായ്മയില് പങ്കെടുത്തിരുന്നു.
സ്നേഹവീടിലെ റോസ്
മോഹന്ലാല് നായകനായ സ്നേഹവീട് എന്ന സിനിമയിലൂടെയാണ് അരുന്ധതി സിനിമാ ലോകത്ത് പ്രശസ്തയാകുന്നത്. വിവിധ മലയാളം ചാനലുകളില് അവതാരകയായിരുന്നു അരുന്ധതി.