ബാങ്ക് ജീവനക്കാരിയുടെ അശ്ലീല ചിത്രം ഫേസ്ബുക്കില്; യുവാവിനെതിരെ കേസ്
മുസാഫര്നഗര്: പ്രമുഖ ബാങ്കില് ഉദ്യോഗസ്ഥയായ യുവതിയുടെ അശ്ലീലചിത്രം ഫേസ്ബുക്കില് പോസ്റ്റ് ചെയ്തെന്ന പരാതിയില് യുവാവിനെതിരെ കേസ് രജിസ്റ്റര് ചെയ്തു. മുസാഫര് നഗര് സ്വദേശിനിയായ യുവതി ദേശീയ വനിതാ കമ്മീഷന് നല്കിയ പരാതിയെ തുടര്ന്നാണ് യുവാവിനെതിരെ ഐടി ആക്ട് പ്രകാരം കേസ് രജിസ്റ്റര് ചെയ്തിരിക്കുന്നത്.
യുവതിയുടെ കോളേജ് ബാച്ച്മേറ്റായിരുന്ന അമിത് കുമാറിനെതിരെയാണ് പരാതി. അമിത് കുമാര് യുവതിയുടെ ചിത്രം ഫേസ്ബുക്കില് പോസ്റ്റ് ചെയ്യുകയും ഫോണ് വഴി ശല്യം ചെയ്യുകയും ചെയ്തിരുന്നതായി പരാതിയില് വ്യക്തമാക്കിയിരുന്നു. ദേശീയ വനിതാ കമ്മീഷന്റെ നിര്ദ്ദേശപ്രകാരമാണ് കേസ് രജിസ്റ്റര് ചെയ്തിരിക്കുന്നത്.
യുവാവിനെതിരെ അന്വേഷണം ആരംഭിച്ചതായി പോലീസ് ഓഫീസര് സഞ്ജിവ് ഗുപ്ത പറഞ്ഞു. ഐടി ആക്ട് പ്രകാരമാണ് കേസ് രജിസ്റ്റര് ചെയ്തിരിക്കുന്നത്. പ്രതിയുടെ കമ്പ്യൂട്ടറും മറ്റും കസ്റ്റഡിയിലെടുത്ത് പരിശോധിക്കുമെന്നും തെളിവുകള് ശേഖരിക്കാന് ഫേസ്ബുക്ക് അധികൃതരെ ബന്ധപ്പെട്ടിട്ടുണ്ടെന്നും പോലീസ് പറഞ്ഞു.
യുവതിയുമായി നേരത്തെ പ്രതിക്ക് അടുപ്പമുണ്ടായിരുന്നെന്നാണ് വിവരം. ഇവര് പിണങ്ങിപ്പിരഞ്ഞതിനുശേഷം സ്ത്രീയെ പഴയ ചിത്രങ്ങള് കാട്ടി ഭീഷണിപ്പെടുത്തുകയായിരുന്നു. പല തവണ ഫോണില് വിളിച്ച് അശ്ലീലമായി സംസാരിച്ചതായും യുവതി പരാതിയില് വ്യക്തമാക്കിയിട്ടുണ്ട്.