പട്ടാപ്പകല് കൊളെജിന് മുന്നില് നിന്നും 19കാരിയെ തട്ടിക്കൊണ്ട് പോയി, സിസിടിവി ദൃശ്യങ്ങള് പുറത്ത്
ഗുഡ്ഗാവ്: ഹരിയാനയിലെ ഗുഡ്ഗാവില് കൊളെജിന് മുന്നില് നിന്നും 19കാരിയായ വിദ്യാര്ഥിനിയെ തട്ടിക്കൊണ്ട് പോയി. കാറിലെത്തിയ രണ്ടംഗ സംഘമാണ് പെണ്കുട്ടിയെ തട്ടിക്കൊണ്ട് പോയത്. പട്ടാപ്പകല് പെണ്കുട്ടിയെ തട്ടിക്കൊണ്ട് പോകുന്നതിന്റെ സിസിടിവി ദൃശ്യങ്ങള് പുറത്ത് വന്നു. തിങ്കളാഴ്ചയാണ് സംഭവം നടക്കുന്നത്.
ഒരു വെളുത്ത സ്വിഫ്റ്റ് കാറിലെത്തിയ സംഘമാണ് റോഡില് നിന്നും പെണ്കുട്ടിയെ കാറില് തട്ടിക്കൊണ്ട് പോയത്. കാറിന് നമ്പര് ഉണ്ടായിരുന്നില്ല. രാവിലെ 9.40 ഓടെയാണ് സംഭവം നടക്കുന്നത്. റോഡിലൂടെ പെണ്കുട്ടിയെ ബലമായി പിടിച്ച് കൊണ്ട് കാറില് കയറ്റുകയായിരുന്നു.
ഡോര് തുറന്ന് പുറത്ത് ചാടാന് പെണ്കുട്ടി ശ്രമിച്ചുവെങ്കിലും രക്ഷപ്പെടാന് കഴിഞ്ഞില്ല. വീണ്ടും കാറിനുള്ളിലാക്കി അക്രമികള് പോവുകയായിരുന്നു. കാറിനുള്ളില് രണ്ട് പേരാണ് ഉണ്ടായിരുന്നതെന്ന് ദൃക്സാക്ഷികള് പറയുന്നു. പെണ്കുട്ടിയെ രക്ഷപ്പെടുത്താന് ചിലര് കാറിന് പിന്നാലെ ഓടിയെങ്കിലും അമിത വേഗത്തില് മറയുകയായിരുന്നു അക്രമികള്. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.