ഡ്രൈവറെ കൈയ്യേറ്റം ചെയ്തു; ബിജെപി എംഎല്എ പരസ്യമായി കോണ്സ്റ്റബിളിന്റെ മുഖത്തടിച്ചു,വീഡിയോ കാണൂ...
മുംബൈ: മഹാരാഷ്ട്ര ബിജെപി എംഎല്എ പോലീസ് സ്റ്റേഷനില് വെച്ച് പരസ്യമായി കോണ്സ്റ്റബിളിന്റെ മുഖത്തടിച്ചത് വിവാദമാവുന്നു. രാമചന്ദ്ര അവ്സാരെയാണ് തന്റെ ഡ്രൈവറെ കൈയ്യേറ്റം ചെയ്തെന്ന കാരണത്താല് ബണ്ടാര സിറ്റി പോലീസ് സ്റ്റേഷന് കോണ്സറ്റബിള് രാജു സത്വനയുടെ മുഖത്തടിച്ചത്.
എംഎല്എ സംഘടിപ്പിച്ച തിരംഗ യാത്ര എന്ന മോട്ടോര് സൈക്കിള് റാലിയാണ് സംഭവത്തിനു പിന്നില്. റാലി കാരണം 800 കിലോമീറ്ററോളം ഗതാഗത കുരുക്കനുഭവപ്പെടാന് തുടങ്ങിയതിനാല് കോണ്സ്റ്റബിള് ഇടപെടുകയായിരുന്നു. ഇതു സംബന്ധിച്ച് എംഎല്എയുടെ ഡ്രൈവറുമായി വാഗ്വാദമുണ്ടാവുകയും തുടര്ന്ന് കൈയ്യേററത്തില് കലാശിക്കുകയും ചെയ്തു.
കാറില് റാലിയെ പിന്തുടര്ന്നു പോവുകയായിരുന്നു ഡ്രൈവര്. വിവരമറിഞ്ഞ് സ്റ്റേഷനിലെത്തിയ എംഎല്എ ഡ്രൈവറെ കൈയ്യേറ്റം ചെയ്തതില് പ്രകോപിതനായി കോണ്സ്റ്റബിളിനെ അടിക്കുകയായിരുന്നു. കഴിഞ്ഞ ആഴ്ച്ചയും സംസ്ഥാനത്ത് സമാനസംഭവം നടന്നിരുന്നു.
എന്സിപി എംഎല് എ സുരേഷ് ലാഡ് ആണ് ഡെപ്യുട്ടി കളക്ടറുടെ മുഖത്ത് അടിച്ചത്. ഭൂമി ഏറ്റെടുക്കലുമായി ബന്ധപ്പെട്ട യോഗത്തിനിടെ കളക്ടറെ എംഎല്എ പരസ്യമായി അടിക്കുകയായിരുന്നു.