കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ചിദംബരത്തെ പിന്തുടർന്ന് സിബിഐ; ഗേറ്റ് പൂട്ടി അകത്ത് കടന്ന് ചിദംബരം, മതിൽ ചാടി സിബിഐ സംഘം, വീഡിയോ

Google Oneindia Malayalam News

ദില്ലി: ഐഎൻഎക്സ് മീഡിയ കേസിൽ ദില്ലി ഹൈക്കോടതി മുൻകൂർ ജാമ്യം നിഷേധിച്ചതിന് പിന്നാലെ പി ചിദംബരം ഒളിവിലാണെന്ന വിമർശനങ്ങൾക്കിടെയാണ് മുൻ കേന്ദ്രധനമന്ത്രി കൂടിയായ ചിദംബരം എഐസിസി ആസ്ഥാനത്ത് വാർത്താ സമ്മേളനം നടത്താനെത്തിയത്. വാർത്താ സമ്മേളനത്തിനിടെ സിബിഐ സംഘം കോൺഗ്രസ് ആസ്ഥാനത്തേയ്ക്ക് എത്തുന്നുവെന്ന റിപ്പോർട്ടിനെ തുടർന്നാണ് ചിദംബരം കപിൽ സിബലിന്റെ കാറിൽ ജോർബാഗിലെ വസതിയിലേക്ക് മടങ്ങിയത്.

ഐഎൻഎക്സ് മീഡിയ കേസിൽ പി ചിദംബരം അറസ്റ്റിൽ; ദില്ലിയിൽ നാടകീയ രംഗങ്ങൾഐഎൻഎക്സ് മീഡിയ കേസിൽ പി ചിദംബരം അറസ്റ്റിൽ; ദില്ലിയിൽ നാടകീയ രംഗങ്ങൾ

ചിദംബരം വീട്ടിലേക്ക് മടങ്ങിയെന്ന് മനസിലാക്കിയ സിബിഐ സംഘം പിന്തുടർന്ന് എത്തിയപ്പോഴേക്കും ചിദംബരം വീടിന്റെ ഗേറ്റ് പൂട്ടി അകത്തേയ്ക്ക് പോയിരുന്നു. പിന്നാലെയെത്തിയ സിബിഐ ഉദ്യോഗസ്ഥർ അൽപ്പനേരം വീടിന് മുന്നിൽ കാത്തുനിൽക്കുകയായിരുന്നു. ഗേറ്റ് തുറക്കാത്തതിനെ തുടർന്ന് സിബിഐ ഉദ്യോഗസ്ഥർ മതിൽ ചാടി കടന്ന് വീട്ടുവളപ്പിലേക്ക് കടക്കുകയായിരുന്നു.

cbi

പിന്നാലെ എൻഫോഴ്സ്മെന്റ് ഉദ്യോഗസ്ഥരും മതിൽ ചാടിക്കടന്ന് വീട്ടുവളപ്പിൽ എത്തി. ഈ സമയം കപിൽ സിബലും, മനു അഭിഷേക് സിംഗ്വിയും അടക്കമുള്ള മുതിർന്ന അഭിഭാഷകർ ചിദംബരത്തിനൊപ്പം ഉണ്ടായിരുന്നു. ഇതിനിടെ ചിദംബരത്തിന്റെ വീടിന് മുമ്പിൽ കോൺഗ്രസ് പ്രവർത്തകരും ചിദംബരത്തിനെിരെ മുദ്രാവാക്യം മുഴക്കിയവരും തമ്മിൽ സംഘർഷം ഉണ്ടായി.

ഒരു മണിക്കൂറോളം നീണ്ട നാടകീയ സംഭവങ്ങൾക്കൊടുവിൽ സിബിഐ സംഘം പി ചിദംബരത്തെ അറസ്റ്റ് ചെയ്ത് സിബിഐ ആസ്ഥാനത്തേയ്ക്ക് കൂട്ടിക്കൊണ്ടു പോവുകയായിരുന്നു. ചിദംബരത്തെ വ്യാഴാഴ്ച സിബിഐ കോടതിയിൽ ഹാജരാക്കും.

English summary
CBI officers jumped over the wall to enter Chidambaram's home
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X