Click it and Unblock the Notifications
Just In
Don't Miss
-
ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത് -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ദളിത് കുട്ടികളുടെ കൊലപാതകം സിബിഐ അന്വേഷിക്കും
ഫരീദാബാദ്: ഹരിയാണയിലെ ദളിത് കുടുംബത്തെ സവര്‍ണജാതിക്കാര്‍ ചുട്ടെരിച്ച സംഭവം സിബിഐ അന്വേഷിക്കും. ഹരിയാണ സര്‍ക്കാര്‍ ഇതുസംബന്ധിച്ച നിര്‍ദ്ദേശം പുറപ്പെടുവിച്ചു. സംഭവം രാജ്യത്തിനകത്തും പുറത്തും വിവാദമായ സാഹചര്യത്തില്‍ കേന്ദ്ര ആഭ്യന്തരമന്ത്രി സിബിഐ അന്വേഷണം നടത്താമെന്ന് അറിയിച്ചതിന് പിന്നാലെയാണ് സംസ്ഥാന സര്‍ക്കാര്‍ സിബിഐ അന്വേഷണത്തിന് നിര്‍ദ്ദേശം നല്‍കിയത്.
ഫരീദാബാദിലെ സന്‍പേഡ് ഗ്രാമത്തില്‍ കുട്ടികളുടെ വീടു സന്ദര്‍ശിച്ച കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയും സിബിഐ അന്വേഷണം ആവശ്യപ്പെട്ടിരുന്നു. ഹരിയാണ സര്‍ക്കാരിനെയും കേന്ദ്ര സര്‍ക്കാരിനെയും രാഹുല്‍ ഗാന്ധി രൂക്ഷമായി വിമര്‍ശിക്കുകയും ചെയ്തു. ഹരിയാണ മുഖ്യമന്ത്രി മനോഹര്‍ ലാല്‍ ഖട്ടറും നരേന്ദ്ര മോഡിയും ബിജെപിയും ആര്‍എസ്എസും ചേര്‍ന്ന് പാവപ്പെട്ടവരെ അടിച്ചമര്‍ത്തുകയാണെന്ന് രാഹുല്‍ ആരോപിച്ചു.
സംഭവത്തില്‍ കുട്ടികളുടെ പിതാവ് ജിതേന്ദര്‍ മാത്രമാണ് കാര്യമായ പരിക്കില്ലാതെ രക്ഷപ്പെട്ടത്. കുട്ടികളുടെ അമ്മ 70 ശതമാനത്തോളം പൊള്ളലേറ്റ് ഗുരുതരാവസ്ഥയില്‍ ചികിത്സയിലാണ്. രാഹുല്‍ ഗാന്ധി ഇവരുടെ വിവരങ്ങള്‍ തിരക്കുകയും ആവശ്യമായ സഹായങ്ങള്‍ കോണ്‍ഗ്രസിന്റെ ഭാഗത്തുനിന്നും ഉണ്ടാകുമെന്ന് വാഗ്ദാനം ചെയ്യുകയും ചെയ്തു.
രാജ്യത്തെ പലഭാഗത്തും തീവ്രചിന്താഗതിക്കാരുടെ അക്രമങ്ങള്‍ വര്‍ധിച്ചവരുന്നത് കേന്ദ്ര സര്‍ക്കാരിന് മാനക്കേടായിട്ടുണ്ട്. പ്രധാനമന്ത്രി നരേന്ദ്ര മോദി ഇക്കാര്യത്തില്‍ കാര്യമായി പ്രതികരിക്കാത്തത് അക്രമത്തിനുള്ള പരോക്ഷ പിന്തുണയാണെന്നാണ് ആരോപണം. അന്തര്‍ദേശീയ മാധ്യമങ്ങളും വിഷയം ഏറ്റെടുത്തതോടെ കേന്ദ്രസര്‍ക്കാരിന്റെ പ്രതിച്ഛായയ്ക്ക് കാര്യമായ കോട്ടം സംഭവിച്ചുകഴിഞ്ഞു.
