സിബിഎസ്ഇ പന്ത്രണ്ടാം ക്ലാസ് ഫലം പ്രഖ്യാപിച്ചു; വിജയശതമാനം 87.98, മുന്നിൽ തിരുവനന്തപുരം മേഖല

Updated: Monday, May 13, 2024, 12:32 [IST]

സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ സി ബി എസ് ഇ പന്ത്രണ്ടാം ക്ലാസ് ബോർഡ് പരീക്ഷകളുടെ ഫലങ്ങൾ പുറത്തുവിട്ടു.. മൊത്തം 87.98 ശതമാനം വിദ്യാർത്ഥികൾ സി ബി എസ് ഇ 12 ക്ലാസ് ബോർഡ് പരീക്ഷ പാസായി. കഴിഞ്ഞ വർഷത്തെ അപേക്ഷിച്ച് 0.65 ശതമാനം വർദ്ധന രേഖപ്പെടുത്തി. 99.9% വിജയത്തോടെ തിരുവനന്തപുരം മേഖലയാണ് മുന്നിൽ. 98. 47 ശതമാനവുമായി ചെന്നൈ രണ്ടാമതാണ്. 96.95 ശതമാനത്തോടെ ബെംഗളൂരു മൂന്നാം സ്ഥാനത്താണ്.

ഫലം കാത്തിരിക്കുന്ന വിദ്യാർത്ഥികൾക്ക് ഔദ്യോഗിക വെബ്സൈറ്റുകളിൽ ഫലം പരിശോധിക്കാം. സി ബി എസ് ഇ ബോർഡ് ഫലങ്ങൾ 2024: പരിശോധിക്കേണ്ട വെബ്‌സൈറ്റുകൾ:

cbse.nic.in, cbse.gov.in, cbseresults.nic.in, results.cbse.nic.in എന്നിവയിൽ ഫലങ്ങൾ ആക്‌സസ് ചെയ്യാൻ കഴിയും, കൂടാതെ digilocker.gov.in-ലും ലഭ്യമാകും. സി ബി എസ് ഇ ബോർഡ് പരീക്ഷാ ഫലങ്ങൾ ആക്സസ് ചെയ്യുന്നതിന് വിദ്യാർത്ഥികൾക്ക് അവരുടെ റോൾ നമ്പർ, സ്കൂൾ നമ്പർ, അഡ്മിറ്റ് കാർഡ് ഐ ഡി എന്നിവ ആവശ്യമാണ്.

ഈ വർഷം സി ബി എസ് ഇ പത്താം ക്ലാസ് പരീക്ഷാ ഫലങ്ങൾ ഫെബ്രുവരി 15 നും മാർച്ച് 13 നും ഇടയിലാണ് നടത്തിയത്. 12-ാം ക്ലാസ് പരീക്ഷകൾ ഫെബ്രുവരി 15 മുതൽ ഏപ്രിൽ 2 വരെ നടന്നു . ഏകദേശം 39 ലക്ഷം വിദ്യാർത്ഥികൾ 2024-ലെ ബോർഡ് പരീക്ഷകൾ എഴുതി.

സി ബി എസ് ഇ ഫലങ്ങൾ ഡിജിോക്കറിൽ നിന്ന് വിദ്യാർത്ഥികൾക്ക് ആക്സസ് ചെയ്യുന്നതിനുള്ള നടപടികൾ. cbseservices.digilocker.gov.in/activatecbse ൽ കയറുക. " Get Started With Account Confirmation" എന്നതിൽ ക്ലിക്ക് ചെയ്യുക. നിങ്ങളുടെ ക്ലാസ് തിരഞ്ഞെടുക്കുക: 10 അല്ലെങ്കിൽ 12. നിങ്ങളുടെ സ്കൂൾ കോഡ്, റോൾ നമ്പർ, നിങ്ങളുടെ സ്കൂൾ നൽകിയ 6 അക്ക ആക്സസ് കോഡ് എന്നിവ നൽകുക. Next ക്ലിക്ക് ചെയ്യുക.

നിങ്ങളുടെ 10 അക്ക മൊബൈൽ നമ്പർ നൽകു. സബ്മിറ്റ് ബട്ടൺ ക്ലിക്ക് ചെയ്യുക. നിങ്ങളുടെ "ജനന തീയതി" നൽകുക (ക്ലാസ് 12-ന് മാത്രം). നിങ്ങളുടെ മൊബൈൽ നമ്പറിലേക്ക് ഒരു OTP അയയ്ക്കും. ലഭിച്ച OTP നൽകി സബ്മിറ്റ് നൽകുക എന്നതിൽ ക്ലിക്കുചെയ്യുക. നിങ്ങളുടെ ഡിജിലോക്കർ അക്കൗണ്ട് സജീവമാക്കും. "ഗോ ടു ഡിജി ലോക്കർ അക്കൗണ്ട് " എന്നതിൽ ക്ലിക്ക് ചെയ്യുക. "ഇഷ്യുഡ് ഡോക്യൂമെന്റ് സെക്ഷൻ വിഭാഗത്തിലേക്ക്" നാവിഗേറ്റ് ചെയ്യുക." നിങ്ങളുടെ ഫലം സ്ക്രീനിൽ ദൃശ്യമാകും.