സുനിത വില്യംസിന്റെ തിരിച്ചുവരവ്; ഇന്ത്യയിലും ആഘോഷം, ഗുജറാത്തിലെ ഗ്രാമത്തിൽ പടക്കം പൊട്ടിച്ച് ആഘോഷം

ഡൽഹി: ബഹിരാകാശത്ത് നിന്ന് സുനിത വില്യംസും സംഘവും തിരിച്ചെത്തിയത് ആഘോഷമാക്കി ഇന്ത്യയും. സുനിത വില്യംസിന്റെ ജന്മനാടായ ജുലാലൻ ​ഗ്രാമത്തിലാണ് ആഘോഷം. നിരവധിപേരാണ് സുനിത വില്യംസിന്റെ തിരിച്ചുവരവ് ആഘോഷിക്കാൻ എത്തിയത്. പടക്കം പൊട്ടിച്ചും ആരതി ഉഴിഞ്ഞും പ്രാർത്ഥന നടത്തിയും ആയിരുന്നു ആഘഷം.

ക്രൂ - 9 അം​ഗങ്ങശായ ബുച്ച് വിൽമോർ, നിക്ക് ഹേ​ഗ്, റഷ്യൻ ബഹിരാകാശയാത്രികൻ അലക്സാണ്ടർ ​ഗോർബുനോവ് എന്നിവരോടൊപ്പം സുനിത വില്യംസിനെ ഭൂമിയിലേക്ക് തിരികെ കൊണ്ടുവന്ന ഡ്രാ​ഗൺ ബഹിരാകാശ പേടകത്തിന്റെ വിജയകരമായ സ്പ്ലാഷ് ഡൗണിന് ശേഷമാണ് ആഘോഷങ്ങൾ ആരംഭിച്ചത്.

സുനിതാ വില്യംസും സംഘവും സഞ്ചരിച്ച ക്രൂ - 9 ഡ്രാ​ഗൺ പേടകം മെക്സിക്കൻ ഉൾക്കടലിൽ ഫ്ലോറിഡയുടെ തീരത്തോട് ചേർന്ന് മൂന്നരയോടെ ലാൻഡ് ചെയ്തു. സ്പേസ് എക്സിന്റെ എം വി മേ​ഗൻ എന്ന കപ്പൽ പേടകത്തെ കടലിൽ നിന്ന് വീണ്ടെടുത്ത് യാത്രക്കാരെ കരയ്ക്കെത്തിച്ചു.

ചൊവ്വാഴ്ച ഇന്ത്യയൻ സമയം രാവിലെ 10. 35 നാണ് ഫ്രീഡം -ഡ്രാ​ഗൺ പേടകം അന്താരാഷ്ട്ര ബഹിരാകാശ നിലയത്തിൽ നിന്ന് അൺഡോക്ക് ചെയ്തത്.

എട്ട് ദിവസത്തെ ദൗത്യത്തിനായി പോയ സംഘം സ്റ്റാർലൈനൻ പ്രതിസന്ധി കാരണം അന്താരാഷ്ട്ര ബഹിരാകാശ നിലയത്തിൽ തുടരുകയായിരുന്നു. 9 മാസത്തിന് ശേഷമാണ് സുനിത വില്യംസും ബുച്ച വിൽമോറും ഭൂമിയിലേക്ക് തിരിച്ചെത്തിയത്. 2024 ജൂൺ 5 നായിരുന്നു ബോയിം​ഗിന്റെ സ്റ്റാർലൈനൻ പരീക്ഷണ പേടകത്തിൽ സുനിത വില്യംസും ബുച്ച് വിൽമോറും ണം അന്താരാഷ്ട്ര ബഹിരാകാശ നിലയത്തിൽലേക്ക് പോയത്.

എന്നാൽ സാങ്കേതിക തകരാർ മൂലം ഇരുവർക്കും തിരിച്ച് വരാൻ കഴിഞ്ഞില്ല. ഇരുവരുമില്ലാതെയാണ് പേടകം ലാൻഡ് ചെയ്യിച്ചത്. സുനിതാ വില്യംസിനെയും ബുച്ച് വിൽമോറിനെയും മടക്കിക്കൊണ്ടുവരാനായി നാസയും സ്പെയ്സ് എക്സും ചേർന്ന് വിക്ഷേപിച്ച ക്രൂ 10 ദൗത്യം ഞായറാഴ്ച ആണ് അന്താരാഷ്ട്ര ബഹിരാകാശ നിലയത്തിൽ ( ഐ എസ് എസ് ) എത്തിയത്.
‌
നാസയുടെ ആമി മക്ലെയിൻ, നിക്കോൾ അയേഴ്സ്, ജപ്പാൻ ഏജൻസിയായ ജാക്സയുടെ തകുയ ഒനിഷി, റഷ്യ ഏജൻസിയായ റോസ്കോസ്മോസിന്റെ കിറിൽ പെസ്കോവ് എന്നിവരാണ് ക്രൂ 10 സംഘത്തിൽ ഉണ്ടായിരുന്നത് . ശനിയാഴ്ച പുലർച്ചെയാണ് ഫ്ലോറിഡയിലെ സ്പെയ്സ് എക്സിന്റെ വിക്ഷേപണ കേന്ദ്രത്തിൽ നിന്ന് ഡ്രാ​ഗൺ പേടകത്തിൽ ക്രൂ 10 ദൗത്യ നിലയത്തിലേക്ക് പോയത്.
‌