Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഐടി നിയമം ലംഘിച്ചു; 67 വെബ്സൈറ്റുകള് നിരോധിച്ച് കേന്ദ്ര സര്‍ക്കാര്‍
ന്യൂദല്‍ഹി: രാജ്യത്ത് 67 പോണ്‍ സൈറ്റുകള്‍ നിരോധിച്ച് കേന്ദ്ര സര്‍ക്കാര്‍. കോടതി ഉത്തരവിനെ തുടര്‍ന്നാണ് കേന്ദ്ര സര്‍ക്കാരിന്റെ നടപടി. 67 അശ്ലീല വെബ്സൈറ്റുകള് ബ്ലോക്ക് ചെയ്യാന്‍ ഇന്റര്‍നെറ്റ് കമ്പനികള്‍ക്ക് കേന്ദ്ര സര്‍ക്കാര്‍ നിര്‍ദേശം നല്‍കി. 2021-ല്‍ പുറപ്പെടുവിച്ച പുതിയ ഐ ടി നിയമങ്ങള്‍ ലംഘിച്ചതിന് കോടതി ഉത്തരവുകളെ തുടര്‍ന്ന് ആണ് നടപടി.
പൂനെ കോടതിയാണ് ഉത്തരവ് പുറപ്പെടുവിച്ചത്. ഇതിന്റെ അടിസ്ഥാനത്തില്‍ 63 വെബ്സൈറ്റുകള് ബ്ലോക്ക് ചെയ്യാനും ഉത്തരാഖണ്ഡ് ഹൈക്കോടതിയുടെ ഉത്തരവിന്റെ അടിസ്ഥാനത്തില്‍ 4 വെബ്സൈറ്റുകള് ബ്ലോക്ക് ചെയ്യാനും ആണ് ഇന്റര്‍നെറ്റ് സേവന ദാതാക്കള്‍ക്ക് അയച്ച ഇ-മെയിലില്‍ ഇലക്ട്രോണിക്സ് ആന്‍ഡ് ഐടി മന്ത്രാലയം വകുപ്പ് ആവശ്യപ്പെട്ടിരിക്കുന്നത്.
2021 ലെ ഇന്‍ഫര്‍മേഷന്‍ ടെക്നോളജി (ഇടനില മാര്‍ഗനിര്‍ദ്ദേശങ്ങളും ഡിജിറ്റല്‍ മീഡിയ എത്തിക്സ് കോഡും) റൂള്‍സ് അനുസൃതമായും ലഭ്യമായ ചില വിവരങ്ങള്‍ കണക്കിലെടുത്തും സ്ത്രീകളുടെ മാന്യതയ്ക്ക് കളങ്കം വരുത്തുന്ന ചുവടെ പരാമര്‍ശിച്ചിരിക്കുന്ന വെബ്സൈറ്റുകള് ഉടനടി നീക്കം ചെയ്യാന്‍ നിര്‍ദ്ദേശിച്ചിട്ടുണ്ട് എന്ന് ആണ് ഇലക്ട്രോണിക്സ് ആന്‍ഡ് ഐ ടി മന്ത്രാലയം വകുപ്പ് പ്രസ്താവനയില്‍ പറയുന്നത്.
നിയമപ്രകാരം ഭാഗികമായോ പൂര്‍ണമായോ നഗ്‌നത പ്രകടിപ്പിക്കുന്ന വെബ്സൈറ്റുകള് നിരോധിക്കാന്‍ കേന്ദ്ര സര്‍ക്കാരിന് ഉത്തരവിടാന്‍ അധികാരമുണ്ട്. കേന്ദ്ര സര്‍ക്കാര്‍ നിര്‍ദേശത്തിന്റെ അടിസ്ഥാനത്തില്‍ ഇത് നിരോധിക്കാനുള്ള ബാധ്യത ഇന്റര്‍നെറ്റ് സേവനദാതാക്കള്‍ക്കും ഉണ്ട്. എന്നാണ് പറയുന്നത്. നേരത്തേയും കേന്ദ്ര സര്‍ക്കാര്‍ ഇത്തരത്തില്‍ നിരോധനം കൊണ്ടു വന്നിരുന്നു. എന്നാല്‍ ഫലമുണ്ടായിരുന്നില്ല.
മിറര്‍ യു ആര്‍ എല്ലുകളിലൂടെ പല വെബ്‌സൈറ്റുകളും നിരോധനം മറികടന്നിരുന്നു. ഇപ്പോഴത്തെ നിരോധനവും വെബ്സൈറ്റുകള് ഈ രീതിയില്‍ മറികടന്നേക്കാം എന്നാണ് സൈബര്‍ വിദഗ്ധര്‍ ചൂണ്ടിക്കാണിക്കുന്നത്.
2018ല്‍, ഉത്തരാഖണ്ഡ് ഹൈക്കോടതി ഡെറാഡൂണില്‍ നടന്ന കൂട്ടബലാത്സംഗത്തെക്കുറിച്ചുള്ള റിപ്പോര്‍ട്ടുകളെ തുടര്‍ന്ന് വിഷയം ഏറ്റെടുത്തിരുന്നു. 857 സൈറ്റുകള്‍ ബ്ലോക്ക് ചെയ്യാനുള്ള ഉത്തരവ് എന്തുകൊണ്ട് നടപ്പാക്കിയില്ലെന്ന് കോടതി ചോദിച്ചിരുന്നു.
