എയർ ഇന്ത്യ വിൽക്കാനൊരുങ്ങുന്നു; സ്വകാര്യവത്കരിക്കാതെ മുന്നോട്ടുപോകാനാകില്ലെന്ന് കേന്ദ്രം!
ദില്ലി: എയർ ഇന്ത്യയുടെ 100 ശതമാനം ഓഹരികളും കേന്ദ്ര സർക്കാർ വിറ്റഴിക്കാൻ ഒരുങ്ങുന്നു. 2018ല് 76 ശതമാനം ഓഹരികള് വിറ്റഴിക്കാന് കേന്ദ്രം ശ്രമിച്ചിരുന്നു. എന്നാല് ആരും താത്പര്യം പ്രകടിപ്പിക്കാതിരുന്നതിനെ തുടര്ന്നാണ് 100 ശതമാനം ഓഹരികളും വിറ്റഴിക്കാനുള്ള തീരുമാനത്തിലെത്തിയിരിക്കുന്നത്. കനത്ത സാമ്പത്തിക ബാധ്യതയാണ് കമ്പനിക്കെന്നും സ്വകാര്യവത്കരിക്കാതെ മുന്നോട്ടുപോകാനാകില്ലെന്നും സര്ക്കാര് പറയുന്നു.
ഓഹരി വില്പന സംബന്ധിച്ച് എയര് ഇന്ത്യ താത്പര്യപത്രം ക്ഷണിച്ചിട്ടുണ്ട്. 2020 മാര്ച്ച് 17 വരെയാണ് താത്പര്യപത്രം സമര്പ്പിക്കേണ്ട അവസാന തീയതി. 2020 മാര്ച്ച് 17 വരെയാണ് താത്പര്യപത്രം സമര്പ്പിക്കേണ്ട അവസാന തീയതി. വിദേശ കമ്പനികളാണ് വാങ്ങാന് താത്പര്യപ്പെടുന്നതെങ്കിലും വിദേശകമ്പനികള്ക്ക് പൂര്ണമായും ഓഹരികള് വാങ്ങുന്നതിന് നിയന്ത്രണമുണ്ട്.
വിദേശ കമ്പനികള്ക്ക് ഇന്ത്യന് പങ്കാളിയുമായി ചേര്ന്ന് മാത്രമേ എയര് ഇന്ത്യയെ വാങ്ങാന് സാധിക്കു. എന്നാല് എയര് ഇന്ത്യയുടെ നിര്ണായക ഓഹരികള് ഇന്ത്യന് കമ്പനിയുടെ പക്കലായിരിക്കണമെന്നും വ്യവസ്ഥയുണ്ടെന്നാണ് കേന്ദ്രസര്ക്കാര് പറയുന്നത്. കമ്പനിയുടെ 326 കോടി ഡോളര് വരുന്ന കടവും മറ്റ ബാധ്യതകളും പൂർണ്ണമായും ഓഹരി വാങ്ങുന്നവർ ഏറ്റെടുക്കേണ്ടി വരും.
സ്വതന്ത്ര ഇന്ത്യയുടെ ഔദ്യോഗിക വിമാന സേവന ദാതാവാണ് എയർ ഇന്ത്യ. എയർ ഇന്ത്യ ലോകത്തിലെ എല്ലാ പ്രധാന നഗരങ്ങളിലേക്കും വിമാന സേവനം നൽകുന്നുണ്ട്. എയർബസ്സും ബോയിങ്ങും ആണ് ഉപയോഗിക്കുന്ന വിവിധ തരം വിമാനങ്ങൾ. ഇന്ത്യയിൽ പ്രധാനമായും രണ്ട് പ്രധാന കേന്ദ്രങ്ങൾ എയർ ഇന്ത്യക്കുണ്ട്, അത് ദില്ലിയിലും മുംബൈയിലുമാണ്.