• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ലോക്ക് ഡൗണ്‍ നീട്ടുന്ന കാര്യം കേന്ദ്രം പരിഗണിക്കുന്നു; സംസ്ഥാനങ്ങള്‍ ആവശ്യപ്പെട്ടു, റിപ്പോര്‍ട്ട്

  • By Desk

ദില്ലി: ഏപ്രില്‍ 14ന് ശേഷവും ലോക്ക് ഡൗണ്‍ നീട്ടിയേക്കുമെന്ന് റിപ്പോര്‍ട്ട്. ഇക്കാര്യം കേന്ദ്രസര്‍ക്കാര്‍ സജീവമായി പരിഗണിക്കുന്നു. ഏഴ് സംസ്ഥാനങ്ങളും ആരോഗ്യ വിദഗ്ധരും ലോക്ക് ഡൗണ്‍ നീട്ടണമെന്ന് ആവശ്യപ്പെട്ട സാഹചര്യത്തിലാണ് കേന്ദ്രം ഈ രീതിയില്‍ ചര്‍ച്ച ചെയ്യുന്നതെന്ന് കേന്ദ്ര സര്‍ക്കാര്‍ വൃത്തങ്ങളെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. അന്തിമ തീരുമാനം ഇതുവരെ എടുത്തിട്ടില്ല. രാജ്‌നാഥ് സിങിന്റെ നേതൃത്വത്തിലുള്ള മന്ത്രിതല സമിതി വിഷയം ചര്‍ച്ച ചെയ്തുവരികയാണ്.

കൊറോണ വൈറസ് ഭീതി നീങ്ങിയിട്ടില്ലാത്ത സാഹചര്യത്തില്‍ ലോക്ക് ഡൗണ്‍ നീട്ടണമെന്നാണ് ചില സംസ്ഥാനങ്ങളുടെ ആവശ്യം. ലോക്ക് ഡൗണ്‍ പിന്‍വലിക്കുകയാണെങ്കില്‍ കര്‍ശന നിയന്ത്രണങ്ങള്‍ തുടരണമെന്നും ചില സംസ്ഥാനങ്ങള്‍ ആവശ്യപ്പെട്ടിട്ടുണ്ട്. അന്തര്‍സംസ്ഥാന യാത്രകള്‍ക്ക്് നിയന്ത്രണം വേണമെന്ന് ഛത്തീസ്ഗഢ് കേന്ദ്രസര്‍ക്കാരിനെ അറിയിച്ചു. മറ്റു സംസ്ഥാനങ്ങളില്‍ നിന്ന് വരുന്നവര്‍ക്ക് പ്രത്യേക പെര്‍മിറ്റ് ഏര്‍പ്പെടുത്തണമെന്നാണ്് അസം സര്‍ക്കാരിന്റെ പ്രതികരണം. ലോക്ക് ഡൗണ്‍ നീട്ടണമെന്ന് ജാര്‍ഖണ്ഡ് സര്‍ക്കാരും ആവശ്യപ്പെട്ടിട്ടുണ്ട്.

കൂടാതെ, ഉത്തര്‍ പ്രദേശ്, തെലങ്കാന, മഹാരാഷ്ട്ര സംസ്ഥാനങ്ങള്‍ ലോക്ക് ഡൗണ്‍ തുടരണം എന്നാണ് അഭിപ്രായപ്പെട്ടത്. ഇളവുകളോടെ ലോക്ക് ഡൗണ്‍ തുടരാമെന്ന് അഭിപ്രായപ്പെട്ട സംസ്ഥാനങ്ങളമുണ്ട്. രണ്ടാഴ്ച ലോക്ക് ഡൗണ്‍ നീട്ടേണ്ടി വരുമെന്നാണ് തെലങ്കാന മുഖ്യമന്ത്രി കെ ചന്ദ്രശേഖര റാവു തിങ്കളാഴ്ച രാത്രി പറഞ്ഞത്. ഘട്ടങ്ങളായി മാത്രമേ ലോക്ക ഡൗണ്‍ പിന്‍വലിക്കാവൂ എന്ന് രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട അഭ്യര്‍ഥിച്ചു.

സൗദി അറേബ്യയില്‍ ശമ്പളം വെട്ടിക്കുറയ്ക്കുന്നു; ജോലി സമയവും, യുഎഇയിലും പുതിയ പരിഷ്‌കാരം

സംസ്ഥാനങ്ങളുടെ അഭ്യര്‍ഥന മാനിച്ച് ജനങ്ങള്‍ വന്‍ തോതില്‍ ഒത്തുചേരുന്നതിന് നിയന്ത്രണം തുടരുമെന്നാണ് സൂചന. ഷോപ്പിങ് മാളുകള്‍, സിനിമാ തിയ്യറ്ററുകള്‍, ആരാധനാ കേന്ദ്രങ്ങള്‍ എന്നിവിടങ്ങളില്‍ നിയന്ത്രണം തുടരും. തീവണ്ടി യാത്ര അനുവദിക്കും. പക്ഷേ, ടിക്കറ്റ് ബുക്ക് ചെയ്യുമ്പോള്‍ യാത്രയുടെ കാരണം വിശദീകരിക്കേണ്ടിവരും. ഐടി കമ്പനികള്‍, സ്വകാര്യ കമ്പനികള്‍ തുടങ്ങിയവയിലെ ജീവനക്കാര്‍ക്ക് വീട്ടില്‍ തന്നെ ജോലി ചെയ്യുന്നത് തുടരാന്‍ നിര്‍ദേശം നല്‍കുമെന്നും റിപ്പോര്‍ട്ടുകള്‍ സൂചിപ്പിക്കുന്നു.

cmsvideo
    ലോക്ക് ഡൗണ്‍ കാലയളവ് നീട്ടുന്നു? സത്യം ഇതാണ് | Oneindia Malayalam

    എന്നാല്‍ ചില സ്ഥലങ്ങളില്‍ ലോക്ക് ഡൗണിന് ഇളവ് നല്‍കാനും മറ്റു ചില സ്ഥലങ്ങളില്‍ ലോക്ക് ഡൗണ്‍ നീട്ടാനും സാധ്യതയേറെയാണ്. കൊറോണ രോഗം വ്യാപകമായി റിപ്പോര്‍ട്ട് ചെയ്തിട്ടില്ലാത്ത പ്രദേശങ്ങളില്‍ സര്‍ക്കാര്‍ ഓഫീസുകള്‍ ഘട്ടങ്ങളായി തുറന്നുപ്രവര്‍ത്തിക്കും. കേന്ദ്രമന്ത്രിസഭയിലെ അംഗങ്ങളോട് പത്ത് സുപ്രധാന തീരുമാനങ്ങളുടെ പട്ടിക കൈമാറാന്‍ മോദി ആവശ്യപ്പെട്ടിട്ടുണ്ട്. ലോക്ക് ഡൗണ്‍ അവസാനിച്ചാല്‍ ശ്രദ്ധ കേന്ദ്രീകരിക്കേണ്ട മേഖലകള്‍ ഏത് എന്ന് മുന്‍ഗണനാ ക്രമത്തില്‍ പറയാനും ആവശ്യപ്പെട്ടു. ഓരോ മന്ത്രാലയവും നല്‍കുന്ന മുന്‍ഗണനാ പട്ടിക പ്രകാരമായിരിക്കും നടപടികള്‍ സ്വീകരിക്കുക.

    English summary
    Centre Discussing States' Request To Extend Lockdown
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more