മോദിയുടെ പിറന്നാൾ ദിനത്തിൽ കൊവിഡ് വാക്സിനേഷനിൽ റെക്കോർഡിടാൻ കേന്ദ്രസർക്കാർ: 20 ദിവസത്തെ പരിപാടികൾ

Updated: Friday, September 17, 2021, 15:48 [IST]

ദില്ലി: പ്രധാനമന്ത്രി നരേന്ദ്ര മോദിയുടെ 71-ാം ജന്മദിനത്തോടനുബന്ധിച്ച് കോവിഡ് വാക്സിനേഷനിൽ റെക്കോർഡ് ലക്ഷ്യമിട്ട് കേന്ദ്രസർക്കാർ. 20 ദിവസത്തെ മെഗാ ഇവന്റ് - "സേവനവും സമർപ്പൻ അഭിയാനും" ബിജെപി സംഘടിപ്പിക്കുന്നുണ്ട്. ഇതിനൊപ്പം മോദിയുടെ പൊതുസേവന രംഗത്ത് 20 വർഷം പിന്നിടുന്നത് 20 ദിവസത്തേക്ക് മെഗാ പരിപാടി ആഘോഷമാക്കാനാണ് പാർട്ടിയുടെ തീരുമാനം. മോദിക്ക് പിറന്നാൾ സമ്മാനമായി വാക്സിനേഷൻ ഊർജ്ജമാക്കാനാണ് നീക്കമെന്ന് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ കഴിഞ്ഞ ദിവസം വ്യക്തമാക്കിയിരുന്നു. കൊവിഡ് വാക്സിന്റെ ഒറ്റ ഡോസും സ്വീകരിക്കാത്തവർ ഈ ഘട്ടത്തിൽ ആദ്യ ഡോസ് സ്വീകരിക്കണമെന്നും അദ്ദേഹം ആവശ്യപ്പെടുന്നുണ്ട്.

ഭരണകക്ഷിയായ ബിജെപി നേതാക്കൾ വാക്സിനേഷൻ പ്രോത്സാഹിപ്പിക്കാൻ പ്രേരിപ്പിക്കുകയും ദിവസേനയുള്ള കൊവിഡ് വാക്സിനേഷൻ നിരക്ക് ഇരട്ടിയാക്കാനും അതാത് സംസ്ഥാനത്തെ ഉദ്യോഗസ്ഥരോട് ആവശ്യപ്പെടുകയും ചെയ്തിട്ടുണ്ട്. ഇന്ന് 2 കോടി ഡോസുകൾ ലക്ഷ്യം വെച്ച ബിജെപി എട്ട് ലക്ഷത്തോളം വളണ്ടിയർമാർക്ക് പരിശീലനം നൽകുകയും ചെയ്തിട്ടുണ്ട്. നേരത്തെ ഓഗസ്റ്റ് 27-ന് ഇന്ത്യ 1.33 കോടി ഡോസുകൾ നൽകിയിരുന്നു. ഇത് ഇതുവരെയുള്ള ഏറ്റവും ഉയർന്ന ഏകദിന കണക്കാണ്.

ഒക്ടോബർ 7 വരെ തുടരുന്ന 20 ദിവസത്തെ മെഗാ ഔട്ട് റീച്ച് പ്രോഗ്രാമാണ് ബിജെപി നടത്താനിരിക്കുന്നത്. 2001 ഒക്ടോബർ ഏഴിനായിരുന്നു നരേന്ദ്ര മോദി ഗുജറാത്ത് മുഖ്യമന്ത്രിയായി സത്യപ്രതിജ്ഞ ചെയ്തത്. ഇതിന്റെ സ്മരണയ്ക്ക് വേണ്ടിയാണിത്. ഇതിന് പിന്നാലെ രാജ്യത്ത് വൻ ശുചിത്വവും രക്തദാന കാമ്പെയ്‌നുകളും ബിജെപി നടത്താൻ പദ്ധതിയിട്ടിട്ടുണ്ട്. നടത്തും, കൂടാതെ അഞ്ച് കോടി പോസ്റ്റ്കാർഡുകൾ പ്രധാനമന്ത്രിക്ക് അയയ്ക്കുകയും ചെയ്യും.

സ്റ്റൈലിഷ്... അമല ഇതെന്തൊരു ലുക്കാണ്, വൈറലായി നടിയുടെ പുതിയ ചിത്രങ്ങൾ

"കൊവിഡ് പ്രതിസന്ധിക്കിടെ സൗജന്യ ഭക്ഷ്യധാന്യങ്ങൾ ലഭ്യമാക്കിയതിനൊപ്പം കൊവിഡ് വാക്സിനേഷൻ പൂർത്തിയാക്കിയതിനും അഭിനന്ദനമറിയിച്ച് പ്രധാനമന്ത്രി മോദിയ്ക്ക് നന്ദി അറിയിക്കുന്ന ഹോർഡിംഗുകളും പ്രചാരണത്തിന്റെ ഭാഗമായി സ്ഥാപിക്കുമെന്ന് ബിജെപി പ്രസ്താവനയിൽ പറഞ്ഞു. അടുത്ത വർഷം തിരഞ്ഞെടുപ്പ് നടക്കാനിരിക്കുന്ന ഉത്തർപ്രദേശിൽ പാർട്ടി പ്രവർത്തകർ 71 സ്ഥലങ്ങളിൽ ഗംഗാ നദി ശുചീകരിക്കാനുള്ള പ്രചാരണം നടത്തും.

"പ്രധാനമന്ത്രി മോദിയുടെ ജീവിതത്തിലും നേട്ടങ്ങളിലും ശ്രദ്ധ കേന്ദ്രീകരിക്കുന്ന പരിപാടികളിൽ പങ്കെടുക്കാൻ ബുദ്ധിജീവികളെയും പ്രശസ്ത വ്യക്തികളെയും പരിപാടിയിലേക്ക് ക്ഷണിക്കും. ഈ സന്ദേശം പൊതുജനങ്ങളിലേക്ക് എത്തുന്നുവെന്ന് ഉറപ്പുവരുത്തുന്നതിനായി വിവിധ ഭാഷകളിൽ പ്രമുഖ വ്യക്തികളുടെ അഭിപ്രായങ്ങളും ലേഖനങ്ങളും പ്രസിദ്ധീകരിക്കും," പാർട്ടി പ്രസ്താവനയിൽ പറയുന്നു.