ഇന്ത്യയിലെ 37 പാർശ്വഫലങ്ങൾ കൊവിഡ് വാക്സിൻ മൂലമെന്ന് എഇഎഫ്ഇ റിപ്പോർട്ട്: 61 പേരിൽ ഗുരുതരമായ പാർശ്വഫലങ്ങൾ

Updated: Thursday, September 9, 2021, 17:54 [IST]

ദില്ലി: രാജ്യത്ത് കൊവിഡ് വാക്സിൻ സ്വീകരിച്ചവരിൽ പാർശ്വഫലങ്ങൾ റിപ്പോർട്ട് ചെയ്തതായി കേന്ദ്ര ആരോഗ്യമന്ത്രാലയം. വിശകലനത്തിനെടുത്ത 88 കേസുകളിൽ 61 പേരിലും ഗുരുതരമായ പാർശ്വഫലങ്ങൾ റിപ്പോർട്ട് ചെയ്തതായി എഇഎഫ്ഇ വ്യക്തമാക്കുന്നു. ഇതിൽ 37 എണ്ണവും സുസ്ഥിരവുമായ ആരോഗ്യ പ്രശ്നങ്ങളാണെന്നും വിശകലനത്തിൽ കണ്ടെത്തിയിട്ടുണ്ട്. ഈ കേസുകളിൽ അഞ്ച് മരണങ്ങളുണ്ടായെങ്കിലും ഇതൊന്നും കൊവിഡ് വാക്സിൻ സ്വീകരിച്ചതിനെ തുടർന്നുള്ള പാർശ്വഫലങ്ങളെത്തുടർന്നല്ലെന്നും സർക്കാർ റിപ്പോർട്ടുകളെ ഉദ്ധരിച്ച് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നത്.

ഇത് സർക്കാരിന്റെ അഞ്ചാമത്തെ എഇഎഫ്ഐ റിപ്പോർട്ടാണ്. വാക്സിനുകളുടെ സുരക്ഷ ശക്തിപ്പെടുത്തുന്നുവെന്നാണ് ഇതിന്റെ കണ്ടെത്തലുകളെന്നാണ് വിദഗ്ദ്ധർ ചൂണ്ടിക്കാണിക്കുന്നത്. ഇന്ത്യയിൽ ജനുവരി 16 ന് ശേഷം മാർച്ച് മുതൽ കൊറോണ വൈറസ് വാക്സിനേഷൻ ആരംഭിച്ചതിന് ശേഷം തിരഞ്ഞെടുത്തിട്ടുള്ള 88 കേസുകൾ തിരഞ്ഞെടുത്താണ് പഠനം നടത്തിയത്. മാർച്ച് 30 വരെയുള്ള ഈ കാലയളവിൽ 64.3 ദശലക്ഷം ഡോസുകൾ നൽകിക്കഴിഞ്ഞിട്ടുണ്ടെന്നാണ് സർക്കാർ നൽകിയിട്ടുള്ള കണക്കുകൾ.

അഞ്ച് മരണങ്ങൾക്ക് പുറമേ, മറ്റ് ഗുരുതരമായതും ഗുരുതരവുമായ എല്ലാ പ്രതികൂല കേസുകളും രോഗമുക്തി നേടിയിട്ടുണ്ട്. മൂന്ന് മരണങ്ങൾ യാദൃശ്ചികമാണെന്നും വാക്സിനേഷനുമായി ബന്ധപ്പെട്ടതല്ലെന്നും റിപ്പോർട്ടിൽ പറയുന്നു. ശേഷിക്കുന്ന രണ്ട് മരണങ്ങളെ അനിശ്ചിതത്വ വിഭാഗത്തിലെ വിദഗ്ധർ തരംതിരിച്ചിട്ടുണ്ട്. 22 കേസുകളിലുണ്ടായിരുന്ന മിക്ക പാർശ്വഫലങ്ങളും വാക്സിനേഷനെത്തുടർന്ന് ഉത്കണ്ഠയുമായി ബന്ധപ്പെട്ടതാണെന്നാണ് റിപ്പോർട്ടിൽ പറയുന്നത്. ഇത് വാക്സിനുമായി നേരിട്ടുള്ള പ്രശ്നമല്ല. മറിച്ച് രണ്ട് കേസുകളിൽ പാർശ്വഫലങ്ങൾ പ്രതിരോധ ശേഷിയുമായി ബന്ധപ്പെട്ടതാണെന്നും റിപ്പോർട്ട് കൂട്ടിച്ചേർത്തു.

പെയിന്റിംഗ് പോലുണ്ട്... വൈറലായി മാളവിക മോഹന്റെ പുതിയ ചിത്രങ്ങൾ

18 കൊവിഡ് മരണങ്ങളിൽ 3 മരണങ്ങൾ അടക്കമുള്ള ഉൾപ്പെടെ വാക്സിനേഷനുമായി ബന്ധമുള്ളതല്ല. 2 മരണങ്ങൾ ഉൾപ്പെടെ 9 മരണങ്ങൾ അനിശ്ചിതത്വത്തിലാണെന്നാണ് കേന്ദ്ര മന്ത്രാലയത്തിന്റെ എഇഎഫ്ഐ റിപ്പോർട്ടിൽ പറയുന്നു. ദേശീയ എഇഎഫ്ഐ കമ്മിറ്റിയുടെ സമഗ്രമായ അവലോകനം, അംഗീകാരം എന്നിവയ്ക്ക് ശേഷം ഈ 88 കേസുകളുടെ വിലയിരുത്തൽ 2021 ജൂൺ 28 നാണ് പൂർത്തിയായത്.