സഹായമായി ലഭിച്ച 6.1 ലക്ഷം റെംഡെസിവർ വയലുകൾ, ഓക്സിജൻ എന്നിവ സംസ്ഥാനങ്ങൾക്ക് നൽകി; കേന്ദ്രം

ദില്ലി; വിവിധ രാജ്യങ്ങളിൽ നിന്നും സംഘടനകളിൽ നിന്നും ഇന്ത്യയ്ക്ക് ദുരിതാശ്നാസ സഹായമായി ലഭിച്ച 12874 ഓക്സിജൻ കോൺസെൻട്രേറ്ററുകൾ; 15,801 ഓക്സിജൻ സിലിണ്ടറുകൾ, 19 ഓക്സിജൻ ഉത്പാദന പ്ലാന്റുകൾ,9,925 വെന്റിലേറ്ററുകൾ,ഏകദേശം 6.1ലക്ഷം റെംഡെസിവിർ വൈലുകൾ എന്നിവ സംസ്ഥാനങ്ങൾക്ക് വിതരണം ചെയ്തതതായി കേന്ദ്രസർക്കാർ. ഏപ്രിൽ 27 മുതൽ 2021 മെയ് 17 വരെ ലഭിച്ചവയാണിവയെന്ന് സർക്കാർ പ്രസ്താവനയിൽ അറിയിച്ചു.

സ്പെയിൻ, ഒന്റാറിയോ, ന്യൂസിലാന്റ്, ദക്ഷിണ കൊറിയ, ജർമ്മനി എന്നിവിടങ്ങളിൽ നിന്നാമ് പ്രധാനമായും സഹായം ലഭിച്ചത്. 191 ഓക്സിജൻ കോൺസെൻട്രേറ്ററുകൾ,1399 വെന്റിലേറ്ററുകൾ, 500 ഇൻഫ്രാറെഡ് തെർമോമീറ്റർ എന്നിവയാണ് ലഭിച്ചത്.

വിവിധ രാജ്യങ്ങളിൽ നിന്നും സംഘടനകളിൽ നിന്നും ഏപ്രിൽ 27 മുതൽ ഇന്ത്യയിലേക്ക് കൊവിഡ് ദുരിതാശ്വാസ സഹായങ്ങൾ ലഭിക്കുന്നുണ്ട്.സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും സ്ഥാപനങ്ങൾക്കും വിദേശ ദുരിതാശ്വാസ സാമഗ്രികൾ അനുവദിക്കുന്നതും വിതരണം ചെയ്യുന്നതും കേന്ദ്ര ആരോഗ്യ മന്ത്രാലയം സമഗ്രമായി നിരീക്ഷിച്ചു വരികയാണെന്ന് മന്ത്രാലയം വ്യക്തമാക്കി.
ഈ പ്രവർത്തനങ്ങൾ ഏകോപിപ്പിക്കുന്നതിന് പ്രത്യേക സെൽ പ്രവർത്തിച്ച് വരുന്നുണ്ട്. 2021 മെയ് 2 മുതൽ പ്രത്യേക മാർഗനിർദ്ദേശം നടപ്പാക്കി വരുന്നുണ്ടെന്നും സർക്കാർ വ്യക്തമാക്കി.

English summary

Centre Provided 6.1 lakh aided remdesivir vial and oxygen to the States