Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
50000 പോലീസുകാര്‍; യുദ്ധ സമാനം ദില്ലി... ബാരിക്കേഡും കമ്പിവേലിയും, കര്‍ഷകരെ നേരിടാന്‍ സര്‍ക്കാര്‍
ദില്ലി: കര്‍ഷകരുടെ റോഡ് ഉപരോധം തടയാന്‍ പോലീസിന്റെ വന്‍ സന്നാഹം. ദില്ലിയിലും സമീപ പ്രദേശങ്ങളിലും 50000 പോലീസുകാരെയാണ് വിന്യസിച്ചിരിക്കുന്നത്. റിപബ്ലിക് ദിനത്തില്‍ ട്രാക്ടര്‍ റാലിക്കിടെ സംഘര്‍ഷമുണ്ടായ സാഹചര്യത്തിലാണ് ഛക്ക ജാം (റോഡ് ഉപരോധം) സമരത്തിന് പോലീസ് സുരക്ഷ ശക്തമാക്കിയത്. ഇന്ന് ഉച്ചയ്ക്ക് 12 മണി മുതല്‍ മൂന്ന് മണി വരെ മൂന്ന് മണിക്കൂറാണ് റോഡ് ഉപരോധം.
ഉത്തര്‍ പ്രദേശ്, ഉത്തരാഖണ്ഡ്, ദില്ലി എന്നീ സംസ്ഥാനങ്ങളെ സമരത്തില്‍ നിന്ന് ഒഴിവാക്കിയിട്ടുണ്ട്. ഇവിടെ കര്‍ഷകര്‍ക്ക് സമര ഭൂമിയിലേക്ക് എത്തുന്നതിനുള്ള സൗകര്യം ഒരുക്കാനാണ് സമരം ഒഴിവാക്കിയത്. വിവാദ കാര്‍ഷിക നിയമങ്ങള്‍ റദ്ദാക്കണം എന്നാവശ്യപ്പെട്ടാണ് സംയുക്ത കിസാന്‍ മോര്‍ച്ച റോഡ് ഉപരോധം ആഹ്വാനം ചെയ്തിരിക്കുന്നത്. സമരക്കാരെ ഏത് സമയവും ദില്ലിയിലേക്ക് വിളിക്കുമെന്നും അതിന് വേണ്ടിയാണ് ചില സംസ്ഥാനങ്ങളെ റോഡ് ഉപരോധത്തില്‍ നിന്ന് ഒഴിവാക്കിയതെന്നും സമര നേതാവ് രാകേഷ് ടിക്കായത്ത് പറഞ്ഞു.
ദില്ലിയിലേക്കുള്ള എല്ലാ പ്രധാന വഴികളിലും വന്‍തോതില്‍ പോലീസിനെ വിന്യസിച്ചിരിക്കുകയാണ്. 50000 പോലീസുകാരെയാണ് വിന്യസിച്ചിരിക്കുന്നത്. ബാരിക്കേഡുകളും കമ്പിവേലികളും സ്ഥാപിച്ചു. കര്‍ഷകര്‍ ദില്ലിയിലേക്ക് കടക്കുന്നത് ഒഴിവാക്കുകയാണ് ലക്ഷ്യം. സമര ഭൂമികളായ സിംഘു, തിക്രി, ഗാസിപൂര്‍ എന്നിവിടങ്ങളിലാണ് കൂടുതല്‍ പോലീസിനെ വിന്യസിച്ചത്. സമരത്തിന് അന്താരാഷ്ട്ര തലത്തില്‍ പിന്തുണയേറുന്നത് കേന്ദ്രസര്‍ക്കാരിനും ബിജെപിക്കും ആശങ്ക ഇരട്ടിയാക്കിയിട്ടുണ്ട്.
കോണ്‍ക്രീറ്റ് കട്ടകള്‍, കമ്പികള്‍, ഇരുമ്പ് വല എന്നിവ ഉള്‍പ്പെടെ സജ്ജമാക്കിയാണ് പോലീസ് കര്‍ഷകരെ പ്രതിരോധിക്കാന്‍ ഒരുങ്ങിയിട്ടുള്ളത്. പോലീസ്, അര്‍ധസൈനിക വിഭാഗം, ദ്രുതകര്‍മ സേന എന്നിവരെയാണ് ദില്ലിയിലെ പ്രധാന ഭാഗങ്ങളില്‍ വിന്യസിച്ചിട്ടുള്ളത്. 8 മെട്രോ സ്‌റ്റേഷനുകള്‍ അടച്ചു. 12 സ്‌റ്റേഷനുകളില്‍ ജാഗ്രതാ നിര്‍ദേശം നല്‍കി. ഇന്റര്‍നെറ്റ് സേവനം റദ്ദാക്കിയിട്ടുണ്ട്. ഇന്റര്‍നെറ്റ് പുനസ്ഥാപിക്കണമെന്നും സമാധാനപരമായ സമരത്തിന് കര്‍ഷകര്‍ക്ക് അവസരം നല്‍കണമെന്നും അമേരിക്ക ആവശ്യപ്പെട്ടു.
Recommended Video
