ഓഹരി വിപണി തകര്ന്നിട്ടും നേട്ടമുണ്ടാക്കി നായിഡു; ഭാര്യയുടെ ആസ്തി 5 ദിവസം കൊണ്ട് വര്ധിച്ചത് 535 കോടി
ഹൈദരാബാദ്: ലോക്സഭാ, ആന്ധ്ര പ്രദേശ് നിയമസഭാ തിരഞ്ഞെടുപ്പുകളില് ടി ഡി പി മികച്ച പ്രകടനം കാഴ്ച വെച്ചതിന് പിന്നാലെ ചന്ദ്രബാബുവിന്റെ കുടുംബത്തിന്റെ ആസ്തിയില് കുതിച്ചുചാട്ടം. ചന്ദ്രബാബു നായിഡു സ്ഥാപിച്ച ഹെറിറ്റേജ് ഫുഡ്സിന്റെ ഓഹരികള് കഴിഞ്ഞ അഞ്ച് ദിവസത്തിനുള്ളില് 55 ശതമാനമാണ് ഉയര്ന്നത്. ഇത് ചന്ദ്രബാബു നായിഡുവിന്റെ ഭാര്യ നാരാ ഭുവനേശ്വരിയുടെ ആസ്തിയില് 535 കോടി രൂപയുടെ വര്ധനവാണ് ഉണ്ടാക്കിയത്.
തിരഞ്ഞെടുപ്പ് ഫലം പ്രഖ്യാപിക്കുന്നതിന് മണിക്കൂറുകള്ക്ക് മുമ്പ് ജൂണ് 3 ന് ഓഹരി 424 രൂപയിലായിരുന്നു. എന്നാല് വെള്ളിയാഴ്ച ആയപ്പോഴേക്ക് ഹെറിറ്റേജ് ഫുഡ്സ് ഓഹരി 661.25 രൂപയിലാണ്. 1992 ല് ആണ് ചന്ദ്രബാബു നായിഡു ഹെറിറ്റേജ് ഫുഡ്സ് സ്ഥാപിച്ചത്. 'ഇന്ത്യയിലെ ഏറ്റവും വേഗത്തില് വളരുന്ന പബ്ലിക്-ലിസ്റ്റഡ് കമ്പനികളിലൊന്ന്' എന്നാണ് കമ്പനിയുടെ വെബ്സൈറ്റില് വിശേഷിപ്പിച്ചിരിക്കുന്നത്.
ഡയറി, പുനരുപയോഗ ഊര്ജ്ജം എന്നിങ്ങനെ രണ്ട് ബിസിനസ് ഡിവിഷനുകളാണ് കമ്പനിക്കുള്ളത്. നിലവില് ആന്ധ്രാപ്രദേശ്, തെലങ്കാന, കര്ണാടക, കേരളം, തമിഴ്നാട്, മഹാരാഷ്ട്ര, ഒഡീഷ, എന് സി ആര് ഡല്ഹി, ഹരിയാന, രാജസ്ഥാന്, ഉത്തരാഖണ്ഡ്, ഉത്തര്പ്രദേശ് എന്നിവിടങ്ങളില് ഹെറിറ്റേജിന്റെ പാലും പാലുല്പ്പന്നങ്ങളും വിപണിയിലുണ്ട്. ബി എസ് ഇ കണക്കുകള് പ്രകാരം 2,26,11,525 ഓഹരികള് കൈവശം വച്ചിരിക്കുന്ന കമ്പനിയുടെ മുന്നിര ഓഹരി ഉടമയാണ് നാരാ ഭുവനേശ്വരി.
നായിഡുവിന്റെ മകന് നാരാ ലോകേഷിന് ഹെറിറ്റേജ് ഫുഡ്സിന്റെ 1,00,37,453 ഓഹരികളുണ്ട്. ഓഹരി കുതിച്ചുയര്ന്നതിന് ശേഷം, ലോകേഷിന്റെ ആസ്തിയും 237.8 കോടി രൂപ ഉയര്ന്നു. ലോക്സഭാ തിരഞ്ഞെടുപ്പ് ഫലം പുറത്തുവരാന് തുടങ്ങിയതിന് തൊട്ടുപിന്നാലെയാണ് ഉയര്ച്ച ആരംഭിച്ചത്. ഫലപ്രഖ്യാപന ദിനത്തിലെ കൂട്ടത്തകര്ച്ചയിലും ഹെറിറ്റേജ് ഫുഡ്സിന്റെ ഓഹരി വില കയറുകയായിരുന്നു.
തിരഞ്ഞെടുപ്പ് ഫലത്തിന് മുന്നോടിയായി ഓഹരി വിപണി മുമ്പെങ്ങുമില്ലാത്ത തരത്തില് വലിയ തകര്ച്ചയാണ് അഭിമുഖീകരിച്ചത്. ലോക്സഭയിലേക്ക് ടി ഡി പി മത്സരിച്ച 17 സീറ്റുകളില് 16 ലും വിജയിക്കുകയും തിരഞ്ഞെടുപ്പില് എന് ഡി എ വിജയിക്കുന്നതില് നിര്ണായക പങ്ക് വഹിക്കുകയും ചെയ്തിരുന്നു. 543 അംഗ ലോക്സഭയില് 293 സീറ്റുകളാണ് എന് ഡി എ നേടിയത്. കഴിഞ്ഞ രണ്ട് തവണയും മികച്ച ഭൂരിപക്ഷം നേടിയ ബി ജെ പിക്ക് ഇത്തവണ കേവല ഭൂരിപക്ഷം പോലും നേടാനായിരുന്നില്ല.
-
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google