ആദ്യ ദൗത്യം പാളി: ചന്ദ്രയാൻ 2 വിക്ഷേപണം നീട്ടിവെച്ചു, സാങ്കേതിക തകരാറെന്ന് ഐഎസ്ആർഒ!!

ദില്ലി: ഇന്ത്യയുടെ രണ്ടാമത്തെ ചാന്ദ്രദൗത്യം റദ്ദാക്കി. ജിഎസ്എൽവിയുടെ ടി 56 മിനുറ്റിൽ സാങ്കേതിക പ്രശ്നമുണ്ടായതിനെ തുടർന്നാണ് വിക്ഷേപണം റദ്ദാക്കിയത്. ഇത് പരിശോധിച്ച ശേഷം ചന്ദ്രയാൻ 2 വിക്ഷേപിക്കുന്നത് സംബന്ധിച്ച തിയ്യതി പ്രഖ്യാപിക്കും. ജിഎസ്എൽവി ക്രയോജനിക് എൻജിനിലാണ് തകരാർ കണ്ടെത്തിയത്. ഇതോടെയാണ് തിങ്കാഴ്ച പുലർച്ചെ 2.51ന് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്ന് വിക്ഷേപിക്കാനിരുന്ന ചന്ദ്രയാൻ 2 ദൌത്യം നിർത്തിവെച്ചത്. ഇതോടെ ഇന്ന് രാവിലെ ആരംഭിച്ച 20 മണിക്കൂര്‍ നീളുന്ന കൗണ്ട് ഡൗണ്‍ നിർത്തിവെച്ചിട്ടുണ്ട്. . ജിഎസ്എല്‍വി എംകെ 3 റോക്കറ്റാണ് 3.8 ടണ്‍ ഭാരമുള്ള ചന്ദ്രയാന്‍-2നെ വഹിച്ച് ചന്ദ്രനിലേക്ക് കുതിക്കുക. ഒരു വര്‍ഷം നീളുന്നതാണ് ഐഎസ്ആർഒയുടെ പദ്ധതി. പുതിയ തിയ്യതി പിന്നീട് പ്രഖ്യാപിക്കുമെന്ന് ഐഎസ്ആർഒ അറിയിച്ചിട്ടുണ്ട്.

English summary

Chandrayaan 2 launching_live updates