Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പൗരത്വ നിയമത്തിനെതിരായ പ്രതിഷേധം; തമിഴ്‌നാട്ടില്‍ 8000 പേര്‍ക്കെതിരെ കേസ്, സ്റ്റാലിനും പ്രതി
ചെന്നൈ: ആയിരങ്ങള്‍ അണിനിരന്ന പൗരത്വ നിയമത്തിനെതിരായ പ്രതിഷേധത്തില്‍ പങ്കെടുത്തവര്‍ക്കെതിരെ ചെന്നൈ പോലീസ് കേസെടുത്തു. ഡിഎംകെ അധ്യക്ഷന്‍ എംകെ സ്റ്റാലിന്‍ ഉള്‍പ്പെടെ 8000ത്തോളം പേര്‍ക്കെതിരെയാണ് കേസ്. നിയമവിരുദ്ധമായി ഒത്തുചേര്‍ന്നു, സിറ്റി പോലീസ് ആക്ട് തുടങ്ങിയ വകുപ്പുകള്‍ പ്രകാരമാണ് കേസ്. തിങ്കളാഴ്ചയായിരുന്നു കേസിന് കാരണമായ പ്രതിഷേധം. ചൊവ്വാഴ്ച സേലത്ത് സമാനമായ പ്രതിഷേധ റാലി നടന്നു.
ചെന്നൈയില്‍ സ്റ്റാലിന്‍ നേതൃത്വം നല്‍കിയ റാലിയില്‍ മുതിര്‍ന്ന കോണ്‍ഗ്രസ് നേതാവ് പി ചിദംബരവും പങ്കെടുത്തിരുന്നു. റാലി നടത്താന്‍ പോലീസ് അനുമതി നല്‍കിയിരുന്നില്ല. പോലീസ് നിര്‍ദേശം ലംഘിച്ചാണ് റാലി നടത്തിയത്. ഇതാണ് കേസിന് ആധാരം.
പൗരത്വ ഭേദഗതി നിയമവും എന്‍ആര്‍സിയും മുസ്ലിങ്ങള്‍ക്ക് എതിരാണെന്ന ഡിഎംകെ എംപി കെ കനിമൊഴി പറഞ്ഞു. ഇന്ത്യന്‍ പൗരത്വം ലഭിക്കുമെന്ന പ്രതീക്ഷയില്‍ താമസിക്കുന്ന ശ്രീലങ്കന്‍ തമിഴരെ മറക്കരുതെന്നും കനിമൊഴി പറഞ്ഞു.
സ്റ്റാലിന്‍, ചിദംബരം, എംഡിഎംകെ നേതാവ് വൈക്കോ, ഇടതുപാര്‍ട്ടി നേതാക്കള്‍ എന്നിവരാണ് മാര്‍ച്ചിന് മുന്‍നിരയിലുണ്ടായിരുന്നത്. എഗ്മോറില്‍ നിന്ന് തുടങ്ങി രണ്ടു കിലോമീറ്റര്‍ പിന്നിട്ട് രാജരത്‌നം സ്റ്റേഡിയത്തിലാണ് മാര്‍ച്ച് സമാപിച്ചത്. എല്ലാ രാഷ്ട്രീയ, മത, യുവജന സംഘടനകളും മാര്‍ച്ചില്‍ പങ്കെടുക്കണമെന്ന് സ്റ്റാലിന്‍ നേരത്തെ ആവശ്യപ്പെട്ടിരുന്നു.
കേന്ദ്രസര്‍ക്കാര്‍ വിവാദ നിയമം പിന്‍വലിക്കുംവരെ സമരം ചെയ്യണമെന്നാണ് സ്റ്റാലിന്‍ പറഞ്ഞത്. ബിജെപി പറയുന്നത് പോലെ മറ്റു സമുദായങ്ങളെ സഹായിക്കല്‍ അല്ല നിയമത്തിന്റെ ലക്ഷ്യം. മുസ്ലിങ്ങളെ കൂടുതല്‍ പാര്‍ശ്വവല്‍ക്കരിക്കലാണെന്നും സ്റ്റാലിന്‍ ആരോപിച്ചു.
