ചെന്നൈ സില്ക്സ് തീപിടുത്തം; പ്രവര്ത്തനം പുനരാരംഭിച്ചു
സമീപത്തുള്ള പ്രധാന കടകളും പ്രവര്ത്തനം പുനരാരംഭിച്ചു
ചെന്നൈ: തീപിടുത്തമുണ്ടായ ചെന്നൈ സില്ക്ക്സ് നാലു ദിവസങ്ങള്ക്കു ശേഷം ഞായറാഴ്ച മുതല് തുറന്നു പ്രവര്ത്തിക്കാന് തുടങ്ങി. നഗരത്തിലെ സൗത്ത് ഉസ്മാന് റോഡിലുള്ള കെട്ടിടം ഇതുവരെ പൂര്വ്വസ്ഥിതിയിലായിട്ടില്ല. തകര്ന്ന നിലകളുടെ നിര്മ്മാണ പ്രവര്ത്തനങ്ങള് ഇപ്പോഴും നടന്നുവരികയാണ്. ഇതുവരെ 30% മാത്രമേ നിര്മ്മാണ പ്രവര്ത്തനങ്ങള് മാത്രമേ പൂര്ത്തിയായിട്ടുള്ളൂ. സമീപത്തുള്ള പ്രധാന കടകളും പ്രവര്ത്തനം പുനരാരംഭിച്ചിട്ടുണ്ട്. എങ്കിലും കെട്ടിടത്തിനു സമീപമുള്ള മേല്പ്പാലം ഇപ്പോഴും അടച്ചിട്ടിരിക്കുകയാണ്. എല്ലാ കടകളും ബുധനാഴ്ചക്കു ശേഷമേ പൂര്ണ്ണമായും പ്രവര്ത്തനം പുനരാരംഭിക്കൂ.
ഇക്കഴിഞ്ഞ് ബുധനാഴ്ച പുലര്ച്ചെയാണ് ചെന്നെ സില്ക്ക്സില് തീപിടുത്തം ഉണ്ടായത്. സംഭവമറിഞ്ഞതോടെ ഫയര്ഫോഴ്സ് ഉദ്യോഗസ്ഥര് എത്തി തീയണയ്ക്കാനുള്ള ശ്രമങ്ങള് ആരംഭിക്കുകയായിരുന്നു. എന്നാല് തീപിടിച്ച് പുക പടര്ന്നതോടെ ഫയര് ഫോഴ്സ് ഉേേദ്യാഗസ്ഥര്ക്ക് ഷോറൂമിനുള്ളിലേയ്ക്ക് കടക്കാന് കഴിഞ്ഞിരുന്നില്ല. ഷോറൂമിന്റെ ഏഴാം നിലയിലെ ക്യാന്റീനിലുണ്ടായിരുന്നവരെ ഫയര്ഫോഴ്സ് ജീവനക്കാരാണ് രക്ഷിച്ചത്. ഷോര്ട്ട് സര്ക്യൂട്ടാണ് തീപിടുത്തത്തിന് പിന്നിലെന്നാണ് പ്രാഥമിക നിഗമനം.
തീപിടുത്തത്തില് കെട്ടിടത്തിലെ നാലു നിലകള് പൂര്ണ്ണമായും തകര്ന്നിരുന്നു. പുക ശമിക്കാത്തതിനെ തുടര്ന്ന് നഗരത്തില് ഗതാഗതവും സ്തംഭിച്ചിരുന്നു.