Click it and Unblock the Notifications
Just In
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഭർത്താവിന് പണികൊടുത്ത് രക്ഷപ്പെടാൻ ശ്രമിച്ച ഭാര്യയ്ക്ക് എട്ടിന്റെ പണികിട്ടി; സംഭവമിങ്ങനെ
ചെന്നൈ: വിവാഹത്തട്ടിപ്പ് വീരന്മാരെക്കുറിച്ച് ഒരുപാട് കേട്ടിട്ടുണ്ടാവും. എന്നാൽ കല്യാണം കഴിഞ്ഞ് നാളുകൾ കഴിയും മുമ്പ് ഭർത്താവിന് പണി കൊടുത്ത ഭാര്യയെക്കുറിച്ച് കേട്ടിട്ടുണ്ടോ... എന്നാൽ ഇനി പറയാൻ പോകുന്നത് അത്തരം ഒരു സംഭവമാണ്.
സാധാരണം വിവാഹം കഴിഞ്ഞ് ഭാര്യയെ പറ്റിച്ച് പൊന്നും പണവുമായി പോകുന്ന ഭർത്താക്കന്മാരെക്കുറിച്ചുള്ള വാർത്തകളാണ് കൂടുതലും പുറത്തുവന്നിട്ടുള്ളത്. എന്നാൽ ഇത് നേരെ തിരിച്ചായിരുന്നു. പക്ഷേ ഭർത്താവിന് പണികൊടുത്തു രക്ഷപ്പെടാമെന്ന യുവതിയുടെ ധാരണ ആകെ പാളിപ്പോയി...
വിവാഹം കഴിച്ച് ഒരു മാസം തികയും മുൻപ് യുവാവിന്റെ ആഭരണങ്ങളുമായി കടന്നുകളയുകയായിരുന്നു യുവതി. തമിഴ്നാട് മധുര സ്വദേശി അഭിനയ (28) ആണ് താംബരം സ്വദേശി നടരാജനെ (25) കബളിപ്പിച്ച് 17 പവൻ ആഭരണവും 20,000 രൂപയും പട്ടുസാരികളുമായി മുങ്ങിയത്. ഇവർ ഇതിനു മുൻപ് നാലോളം പേരെ ഇതേ രീതിയിൽ കബളിപ്പിച്ചിട്ടുണ്ടെന്ന് എന്നാണ് പൊലീസ് അറിയിച്ചത്. പ്രണയം നടിച്ച് നടരാജനെ അഭിനയ കല്യാണത്തിലേക്ക് എത്തിക്കുകയായിരുന്നു, ആഭരണവുമായി കടന്നുകളയാൻ ശ്രമിച്ച യുവതിയെ പോലീസ് പിടികൂടുകയായിരുന്നു...
ഭക്ഷണവിതരണ സ്ഥാപനത്തിലെ ജോലിക്കാരനായ നടരാജൻ ഏതാനും മാസം മുൻപാണ് മുടിച്ചൂർ ബേക്കറിയിൽ ജോലിചെയ്യുന്ന അഭിനയയുമായി ബന്ധത്തിലായത്. വീട്ടുകാർ അറിയാതെയാണ് താൻ ഇവിടെ എത്തിയതെന്നും വിവാഹിതയാകുന്ന വിവരം അറിഞ്ഞാൽ പ്രശ്നമുണ്ടാക്കുമെന്നും അഭിനയ, നടരാജനെ പറഞ്ഞ് വിശ്വസിപ്പിച്ചു. പിന്നാലെ നടരാജന്റെ മാതാപിതാക്കളുടെ സാന്നിധ്യത്തിലാണ് വിവാഹം നടത്തിയത്.
9ഓഗസ്റ്റ് 29നായിരുന്നു വിവാഹം. ഒക്ടോബർ 19ന് അഭിനയ ആഭരണവുമായി മുങ്ങി. ഫോണും സ്വിച്ചോഫ് ആക്കി. വീട്ടിലുണ്ടായിരുന്ന ആഭരണങ്ങളും പണവും നഷ്ടമായതോടെയാണ് താൻ കബളിപ്പിക്കപ്പെട്ടെന്ന് നടരാജന് മനസിലാക്കുന്നത്. തുടർന്ന് താംബരം പൊലീസിൽ പരാതി നൽകി. പഴയ മഹാബലിപുരത്തെ ഹോസ്റ്റലിൽ അഭിനയ താമസിക്കുന്നതായി വിവരം ലഭിച്ചതിനെ തുടർന്ന് പൊലീസ് അവിടെയെത്തി അഭിനയയെ അറസ്റ്റു ചെയ്യുകയായിരുന്നു. നാലു പവൻ ആഭരണം പിടിച്ചെടുത്തു.
അഭിനയയ്ക്ക് മധുരയിൽ ഭർത്താവും എട്ടു വയസ്സുള്ള മകനുമുണ്ടെന്ന് അന്വേഷണത്തിൽ കണ്ടെത്തി. 2011ൽ മന്നാർഗുഡി സ്വദേശിയെ ആദ്യം വിവാഹം കഴിച്ച ഇവർ 10 ദിവസത്തിനുള്ളിൽ വേർപിരിഞ്ഞ് മധുര സ്വദേശിയുമായി രണ്ടാം വിവാഹം കഴിച്ചു. ഇതിലാണ് എട്ടു വയസ്സുളള കുട്ടിയുള്ളത്. അവിടെനിന്നും വീണ്ടും കേളമ്പാക്കത്തുള്ള മറ്റൊരു യുവാവിനെ വിവാഹം കഴിച്ചു. 10 ദിവസത്തിന് ശേഷം അതും ഉപേക്ഷിച്ചു. തുടർന്നാണ് നടരാജനെ വിവാഹം കഴിച്ചത്.
