ഛത്തിസ്​ഗഡിൽ ഫാക്ടറിയിലെ ചിമ്മിനി തകർന്ന് അപകടം; 25ലധികം തൊഴിലാളികൾ കുടുങ്ങിക്കിടക്കുന്നു

മും​ഗേലി: ഛത്തിസ്​ഗഡിലെ മും​ഗേലി ജില്ലയിൽ നിർമ്മാണത്തിലിരിക്കുന്ന കുസും പ്ലാന്റിൽ ചിമ്മിനി തകർന്ന് 25 ലധികം ആളുകൾ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായി റിപ്പോർട്ട്. 9 പേർ മരിച്ചതായാണ് പ്രാഥമിക റിപ്പോർട്ടുകൾ സൂചിപ്പിക്കുന്നത്. എന്നാൽ സ്ഥിരീകരിച്ചിട്ടില്ല.

സർ​ഗാവ് പോലീസ് സ്റ്റേഷൻ പരിധിയിലെ റാംബോഡ് ഏരിയയിലാണ് സംഭവം. അപകടം നടക്കുമ്പോൾ പ്ലാന്റിന്റെ ഇരുമ്പ് പൈപ്പുകൾ നിർമിക്കുകയായിരുന്നുവെന്നാണ് റിപ്പോർട്ട്. അപകടത്തെക്കുറിച്ചുള്ള വിവവരം ലഭിച്ച ഉടൻ തന്നെ ലോക്കൽ പോലീസ് എത്തി രക്ഷാപ്രവർത്തനം ആരംഭിച്ചു. ബിലാസ്പൂർ, പേന്ദ്ര, റായ്​ഗഡ്. ജഞ്ജ​ഗൻ - ചമ്പ തുടങ്ങിയ അയൽ ജില്ലകളിൽ നിന്നുമുള്ള ദുരന്ത നിവാരണ സംഘങ്ങളെ രക്ഷാപ്രവർത്തനങ്ങളിൽ സഹായിക്കാൻ വിളിച്ചിട്ടുണ്ടെന്നാണ് റിപ്പോർട്ട്.

നാട്ടുകാരും ജനപ്രതിനിധികളും സംഭവസ്ഥലത്ത് എത്തി രക്ഷാപ്രവർത്തനത്തിൽ പങ്കെടുക്കുന്നുണ്ട്. അപകട സാധ്യത കണക്കിലെടുത്ത് ജില്ലയിലെ എല്ലാ ആശുപത്രികളിലും ജാ​ഗ്രതാ നിർദ്ദേശം നൽകിയിട്ടുണ്ട്. രക്ഷാപ്രവർത്തനത്തിന് സമീപ പ്രദേശങ്ങളിൽ നിന്നുള്ള ജില്ലാ ഭരണകൂട സംഘങ്ങളും സ്ഥലത്ത് എത്തയിട്ടുണ്ട്.