വ്യാജ പാസ്പോര്ട്ട് കേസ്, ഛോട്ടാ രാജനും കുറ്റക്കാരനാണെന്ന് കോടതി, പാസ്പോര്ട്ട് ഓഫീസര്മാരും പെടും
ജ പാസ്പോര്ട്ട് കേസില് ഛോട്ട രാജന് എന്ന രാജേന്ദ്രസദാശിവ് നിഖല്ജേ കുറ്റവാളിയാണെന്ന് കോടതി. ദില്ലിയിലെ പ്രത്യേക സിബിഐ കോടതിയിലെ വിരേന്ദ്ര കുമാര് ഗോയലാണ് ഛോട്ടാ രാജന് കുറ്റവാളിയാണെന്ന്....
ദില്ലി: വ്യാജ പാസ്പോര്ട്ട് കേസില് ഛോട്ട രാജന് എന്ന രാജേന്ദ്രസദാശിവ് നിഖല്ജേ കുറ്റവാളിയാണെന്ന് കോടതി. ദില്ലിയിലെ പ്രത്യേക സിബിഐ കോടതിയിലെ വിരേന്ദ്ര കുമാര് ഗോയലാണ് ഛോട്ടാ രാജന് കുറ്റവാളിയാണെന്ന് കണ്ടെത്തിയത്.
ക്രിമിനല് ഗൂഢാലോചന, വഞ്ചന, വ്യാജരേഖ ഉണ്ടാക്കല് തുടങ്ങിയ കുറ്റങ്ങളാണ് ഛോട്ടാ രാജന് അടക്കമുള്ളവര്ക്കെതിരെ സിബിഐ ചുമത്തിയിരിക്കുന്നത്. 1998-99 കാലത്ത് ഛോട്ടാ രാജന് ബെംഗളൂരില് നിന്ന് വ്യാജ പാസ്പോര്ട്ട് സംഘടിപ്പിച്ചുവെന്നാണ് കേസ്.
മോഹന്കുമാറിന്റെ പേരില് രഹ്തേ, ഷാ, ലക്ഷമണ് എന്നീ വ്യാജ പേരുകളിലാണ് ഛോട്ട രാജന് വ്യാജ പാസ്പോര്ട്ടുണ്ടാക്കിയത്. കൊലപാതകം, കവര്ച്ച, കള്ളകടത്ത് തുടങ്ങി 85 കേസുകളാണ് ഛോട്ടാ രാജനെതിരെയുള്ളത്.
മഹാരാഷ്ട്ര, ഉത്തര്പ്രദേശ്, ദില്ലി, ഗുജറാത്ത് എന്നീ സംസ്ഥാനങ്ങളില് ഛോട്ടാ രാജനെതിരെ കേസുകളുണ്ട്. വ്യാജ പാസ്പോര്ട്ട് കേസില് പാസ്പോര്ട്ട് ഉദ്യോഗസ്ഥര് അടക്കമുള്ളവര് കുറ്റക്കാരാണെന്നും കോടതി കണ്ടെത്തിയിട്ടുണ്ട്.