Click it and Unblock the Notifications
Just In
Don't Miss
-
തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ -
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
സുവര്‍ണ ക്ഷേത്രത്തില്‍ ഏറ്റുമുട്ടല്‍
ദില്ലി: ഓപ്പറേഷന്‍ ബ്ലൂസ്റ്റാറിന്റെ മുപ്പതാം വാര്‍ഷികത്തില്‍ സുവര്‍ണക്ഷേത്രത്തില്‍ ഇരുവിഭാഗം സിഖുമതക്കാരും തമ്മില്‍ സംഘര്‍ഷം. സംഭവത്തില്‍ ഒരു കുട്ടിയ്ക്കടക്കം പന്ത്രണ്ട് പേര്‍ക്ക് പരിക്കേറ്റു. ഇതുമായി ബന്ധപ്പെട്ട് 21 പേരെ പൊലീസ് അറസ്റ്റ് ചെയ്തു.
ഓപ്പറേഷന്‍ ബ്ലൂസ്റ്റാര്‍ വാര്‍ഷികം ആചരിക്കാന്‍ ക്ഷേത്ര വളപ്പില്‍ നടത്തിയ ചടങ്ങിനിടെയാണ് സംഘര്‍ഷം. സുവര്‍ണ ക്ഷേത്രത്തില്‍ പുരോഹിതരുടെ ഇരിപ്പിടമായ അകാല്‍ തഖ്തിനുമുന്നില്‍ വാളും കുന്തവും വടികളുമായെത്തിയ ഇരുവിഭാഗം സിഖുകാരും തമ്മില്‍ ഏറ്റുമുട്ടുകയായിരുന്നു.
1984ലെ സിഖ് വിരുദ്ധ കലാപം ഐക്യരാഷ്ട്രസഭയുടെ നിരീക്ഷണത്തില്‍ അന്വേഷിക്കണമെന്ന ആവശ്യം ശിരോമണി ഗുരുദ്വാര പ്രബന്ധ കമ്മിറ്റി കഴിഞ്ഞ ദിവസം ഉന്നയിച്ചതിന്റെ പശ്ചാത്തലത്തിലായിരുന്നു സംഘര്‍ഷം.
സിഖുകാര്‍ക്കു പ്രത്യേക രാഷ്ട്രം ആവശ്യപ്പെടുന്ന അകാലിദള്‍ വിഭാഗം തലവന്‍ സിംരഞ്ജിത്ത് സിംഗ് മാനിന് യോഗത്തില്‍ ആദ്യം സംസാരിക്കണമെന്ന് പറഞ്ഞു. എന്നാല്‍ സുവര്‍ണ ക്ഷേത്രത്തിന്റെ ചുമതല വഹിക്കുന്ന ഗുരുദ്വാര പ്രബദ്ധക് കമ്മിറ്റിക്കാണ് ആദ്യം സംസാരിക്കാന്‍ അര്‍ഹതയെന്ന് സംഘടനാ നേതാക്കള്‍ വാദിച്ചു.
തുടര്‍ന്ന് അകാല്‍ തഖ്ത് തലവന്‍ ഗുര്‍ബച്ചന്‍ സിംഗ് പ്രസംഗിക്കുമ്പോള്‍ സിംരഞ്ജിത്ത് സിംഗ് മൈക്ക് പിടിച്ചെടുക്കാന്‍ ശ്രമിച്ചു. സംരഞ്ജിത്ത് അനുകൂലികള്‍ ഖലിസ്ഥാന്‍ അനുകൂല മുദ്രാവാക്യവും വിളിക്കാന്‍ തുടങ്ങിയതോടെ തര്‍ക്കം മൂര്‍ച്ചിച്ചു. മതചിഹ്നമായി സിഖ് മതക്കാര്‍ കൊണ്ടു നടക്കുന്ന കൃപാണും മറ്റുമൊക്കെ ഉപയോഗിച്ചായിരുന്നു പിന്നെ ഏറ്റുമുട്ടല്‍. ഒടുവില്‍ പൊലീസ് ഇടപെട്ട് ക്ഷേത്രത്തിന് ചുറ്റും സുരക്ഷാ വലയങ്ങള്‍ തീര്‍ത്തു.
സ്വതന്ത്ര്യാനന്തരം ഇന്ത്യ കണ്ട ഏറ്റവും വലിയ ആഭ്യന്തര സൈനിക നടപടിയായിരുന്നു ഓപ്പറേഷന്‍ ബ്ലൂ സ്റ്റാര്‍. ഖലിസ്ഥാന്‍ എന്ന സ്വതന്ത്ര്യ രാഷ്ട്രത്തിനുവേണ്ടിയുള്ള ഈ പ്രക്ഷോഭം 1984 ജൂണ്‍ ഒന്നിന് തുടങ്ങി ആറിന് അവസാനിച്ചു. പഞ്ചാബിലെ സുവര്‍ണക്ഷേത്രത്തില്‍ കടന്ന സിഖ് ഭീകരരെ നേരിടാനായിരുന്നു സൈനിക നടപടി. സൈനികരടക്കം അറുന്നൂറ് പേര്‍കൊല്ലപ്പെട്ടെന്നാണ് ഔദ്യോഗിക കണക്ക്.
