Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഗുജറാത്തില്‍ അയോധ്യ ക്ഷേത്ര പിരിവിനിടെ സംഘര്‍ഷം; ഒരാള്‍ കൊല്ലപ്പെട്ടു, 40 പേര്‍ അറസ്റ്റില്‍
ഗാന്ധി നഗര്‍: അയോധ്യയില്‍ രാമക്ഷേത്രം നിര്‍മിക്കുന്നതിന് ഫണ്ട് സ്വരൂപിക്കുന്നതിന്റെ ഭാഗമായി വിഎച്ച്പി നടത്തിയ രഥയാത്രയ്ക്കിടെ സംഘര്‍ഷം. ഗുജറാത്തിലെ കച്ച് ജില്ലയിലാണ് സംഭവം. ഒരാള്‍ കൊല്ലപ്പെടുകയും പോലീസുകാര്‍ ഉള്‍പ്പെടെ നിരവധി പേര്‍ക്ക് പരിക്കേല്‍ക്കുകയും ചെയ്തു. മൂന്ന് കേസുകള്‍ രജിസ്റ്റര്‍ ചെയ്തു. 40 പേരെ അറസ്റ്റ് ചെയ്തുവെന്ന് പോലീസ് സൂപ്രണ്ട് മയുര്‍ പാട്ടീല്‍ പറഞ്ഞു. കൊലപാതകം, കലാപമുണ്ടാക്കല്‍, ഗൂഢാലോചന, ആയുധം കൈവശം വെക്കല്‍ തുടങ്ങിയ വകുപ്പുകള്‍ പ്രകാരമാണ് കേസെടുത്തിരിക്കുന്നത്.
വിഎച്ച്പിയാണ് രഥയാത്ര നടത്തിയത്. പോലീസില്‍ നിന്ന് അനുമതി വാങ്ങാതെയായിരുന്നു റാലി. ഒരു മസ്ജിദിന് അടുത്തുകൂടെ ഉച്ചഭാഷിണിയില്‍ മുദ്രാവാക്യം വിളിച്ചു പോയതാണ് സംഘര്‍ഷത്തിലേക്ക് നയിച്ചത്. പ്രകോപനപരമായ മുദ്രാവാക്യങ്ങളാണ് വിഎച്ച്പി പ്രവര്‍ത്തകര്‍ വിളിച്ചതെന്ന് ആരോപണമുണ്ട്. സംഘര്‍ഷമുണ്ടായതോടെ പോലീസ് ഇടപെട്ടു. ലാത്തി വീശി. പോലീസുകാര്‍ക്കും മറ്റുള്ളവര്‍ക്കും പരിക്കേറ്റു. പരിക്കേറ്റ പോലീസുകാരനാണ് ഒരു പരാതിക്കാരന്‍. പ്രതികള്‍ക്കായി പോലീസ് വ്യാപകമായ റെയ്ഡ് തുടരുകയാണ്.
ജാര്‍ഖണ്ഡ് സ്വദേശിയായ തൊഴിലാളിയാണ് കൊല്ലപ്പെട്ടത്. സംഘര്‍ഷം നടന്ന സ്ഥലത്ത് നിന്ന് 200 മീറ്റര്‍ അകലെയാണ് ഇയാളുടെ മൃതദേഹം കണ്ടെത്തിയത്. സംഘര്‍ഷത്തിനിടെയാണോ കൊലപാതകം നടന്നത് എന്ന് പോലീസ് അന്വേഷിച്ചു വരികയാണ്. നിരവധി വിഎച്ച്പി പ്രവര്‍ത്തകര്‍ക്കും പരിക്കുണ്ട്. അയോധ്യ രഥയാത്ര രാജ്യത്തിന്റെ പലയിടത്തും സംഘര്‍ഷത്തിന് കാരണമാകുന്നുണ്ട്. മധ്യപ്രദേശിലെ മൂന്ന് ജില്ലകൡ യാത്രയ്ക്കിടെ കലാപമുണ്ടായി.
അയോധ്യയിലെ രാമക്ഷേത്ര നിര്‍മാണത്തിന് കോണ്‍ഗ്രസ് നേതാവ് ദിഗ്‌വിജയ് സിങിന്റെ വക ഒരു ലക്ഷം രൂപ സംഭാവന നല്‍കി. 111111 രൂപയുടെ ചെക്ക് പ്രധാനമന്ത്രി നരേന്ദ്ര മോദിയുടെ പേരില്‍ അദ്ദേഹം അയച്ചു. ക്ഷേത്രനിര്‍മാണത്തിന് ജനങ്ങള്‍ സംഭാവന നല്‍കിയ ബാങ്ക് അക്കൗണ്ട് വിവരങ്ങള്‍ പരസ്യപ്പെടുത്താന്‍ വിഎച്ച്പിയോട് മോദി ആവശ്യപ്പെടണമെന്നും അദ്ദേഹം പറഞ്ഞു. 44 ദിവസം നീളുന്ന പണപ്പിരിവിന് ജനുവരി 15 മുതലാണ് വിഎച്ച്പി തുടക്കം കുറിച്ചത്. രാഷ്ട്രപതി രാംനാഥ് കോവിന്ദ് 500100 രൂപ സംഭാവന നല്‍കിയിരുന്നു.
