അര മാർക്ക് കുറഞ്ഞു, മുഴുവൻ മാർക്ക് നേടാനായില്ല, ഒൻപതാം ക്ലാസ് വിദ്യാർത്ഥി ആത്മഹത്യ ചെയ്തു !!!
നെല്ലൂര് സ്വദേശിയായ ധമംല്ലൂരി വിജയ് (14) ആണ് മരിച്ചത്.
വിജയവാഡ: പൊതുപരീക്ഷയില് മുഴുവന് മാര്ക്കും നേടാന് കഴിയാത്തതില് മനംനൊന്ത് ഒന്പതാം ക്ലാസ് വിദ്യാര്ത്ഥി ട്രെയിനിന് മുമ്പില് ചാടി മരിച്ചു. നെല്ലൂര് സ്വദേശിയായ ധമംല്ലൂരി വിജയ് (14) ആണ് മരിച്ചത്. കഴിഞ്ഞ ദിവസം വന്ന റിസല്ട്ടില് വിജയ്ക്ക് പത്തില് 9.110 പോയിന്റാണ് ലഭിച്ചത്.
സ്കൂളിലെ ഏറ്റവും മിടുക്കനായ വിദ്യാര്ത്ഥിയായിരുന്നു വിജയ്. എല്ലായിപ്പോഴും മുഴുവന് മാര്ക്ക് നേടിയാണ് പാസ്സായിരുന്നത് എന്നാല് ഈ വര്ഷം ചില വിഷയങ്ങളില് 2 മാര്ക്ക് കുറഞ്ഞിരുന്നു. ഇതില് കുട്ടി വിഷമത്തില് ആയിരുന്നെന്ന് രക്ഷിതാക്കള് പറയുന്നു.
വിജയ് ആയിരുന്നു സ്കൂളിന്റെ റാങ്ക് പ്രതീക്ഷ. ഈ പേര് പറഞ്ഞ് സ്കൂള് അധികൃതര് കുട്ടിയെ സമ്മര്ദ്ദത്തിലാക്കാറുണ്ടായിരുന്നത്രേ. മാര്ക്ക് കുറഞ്ഞതോടെ അധ്യാപകര് ചീത്ത പറയുമെന്ന് പേടിച്ചാണ് വിജയ് ട്രെയിനിന് മുമ്പില് ചാടി മരിച്ചതെന്നും ബന്ധുക്കള് ആരോപിയ്ക്കുന്നുണ്ട്.