അഞ്ചാം ക്ലാസ്സുകാരിയെ സഹപാഠികള്‍ കൂട്ടബലാത്സംഗത്തിന് ഇരയാക്കി; കത്തിച്ച് കൊന്നു... കൊടും ക്രൂരത

ഗുവാഹത്തി: മനസ്സാക്ഷിയെ മരവിപ്പിക്കുന്ന വാര്‍ത്തയാണ് അസമില്‍ നിന്ന് വരുന്നത്. അഞ്ചാം ക്ലാസ്സുകാരിയെ സഹപാഠികള്‍ കൂട്ട ബലാത്സംഗത്തിന് ഇരയാക്കി തീയിട്ട് കൊന്നു. അസാമിലെ ഗുവാഹത്തിയില്‍ നിന്ന് 122 കിലോമീറ്റര്‍ അകലെയുള്ള ലാലുങ് ഗോണില്‍ ആണ് സംഭവം.

സ്‌കൂളിലെ മൂന്ന് സഹപാഠികള്‍ ചേര്‍ന്നാണ് പെണ്‍കുട്ടിയെ അതി ക്രൂരമായി ബലാത്സംഗം ചെയ്തത്. പെണ്‍കുട്ടിയുടെ വീട്ടില്‍ വച്ചായിരുന്നു സംഭവം. സ്‌കൂളില്‍ നിന്ന് മടങ്ങിയെത്തിയ പെണ്‍കുട്ടി വീട്ടില്‍ ഒറ്റയ്ക്കായിരുന്നു.

കൂട്ട ബലാത്സംഗത്തിന് ശേഷം പെണ്‍കുട്ടിയുടെ മേല്‍ മണ്ണെണ്ണ ഒഴിച്ച് കത്തിക്കുകയായിരുന്നു. അതിന് ശേഷം മൂന്ന് പേരും രക്ഷപ്പെട്ടു. വീട്ടില്‍ നിന്ന് പുക ഉയരുന്നത് കണ്ട് പരിശോധിക്കാനെത്തിയവരാണ് പെണ്‍കുട്ടിയെ കണ്ടെത്തിയത്. ഉടന്‍ തന്നെ നോഗോണിലെ സിവില്‍ ആശുപത്രിയില്‍ എത്തിച്ചു. അവിടെ നിന്ന് ഗുവാഹത്തി മെഡിക്കല്‍ കോളേജിലേക്ക് കൊണ്ടുപോകുന്നതിനിടെ പെണ്‍കുട്ടി മരിക്കുകയായിരുന്നു.

90 ശതമാനം പൊള്ളലേറ്റ നിലയില്‍ ആയിരുന്നു പെണ്‍കുട്ടിയെ കണ്ടെത്തിയത്. നാഗോണ്‍ പോലീസ് സൂപ്രണ്ട് ശങ്കര് റായ്‌മെതിയാണ് പെണ്‍കുട്ടിയുടെ മരണമൊഴി രേഖപ്പെടുത്തിയത്. മൂന്ന് സഹപാഠികളെ കുറിച്ചുള്ള വിവരം പെണ്‍കുട്ടി തന്നെയാണ് നല്‍കിയത്. ഇതില്‍ രണ്ട് പേരെ പോലീസ് പിടികൂടിയിട്ടുണ്ട്. മൂന്നാമന്‍ ഒളിവിലാണ്.

English summary

A class V student died after being allegedly gang-raped and then set on fire in Assam’s Nagaon district, 122 km from Guwahati, on Friday.