രാജസ്ഥാനില്‍ സ്പാനിഷ് യുവതിക്കും സുഹൃത്തിനും നേരെ ആക്രമണം

പുഷ്‌കര്‍: സ്‌പെയിനില്‍ നിന്നെത്തിയ യുവതിയെയും യുവാവിനെയും ഒരു സംഘം ആളുകള്‍ ആക്രമിച്ചു. രാജസ്ഥാനിലെ പുഷ്‌കറിലാണ് സംഭവം. ഇരുവരേയും അജ്മീറിലെ ആശുപ്ത്രിയില്‍ പ്രവേശിപ്പിച്ചു.

തദ്ദേശിയരായ ഒരു കൂട്ടം യുവാക്കള്‍ യുവതിയെ പീഡിപ്പിക്കുകയായിരുന്നു. അത് തടയാന്‍ ശ്രമിച്ച സുഹൃത്തിനെ കല്ലുകൊണ്ട് ഇടിച്ച് പരിക്കേല്‍പ്പിക്കുകയായിരുന്നു. രാഝസ്ഥാനിലെ ഹോട്ടലില്‍ താമസിക്കുന്ന ഇരുവരും പുഷ്‌കറിലെ പ്രാദേശിക ക്ഷേത്രം സന്ദര്‍ശിക്കാന്‍ ബൈക്കില്‍ പോകുമ്പോഴാണ് ആക്രമണം ഉണ്ടായത്.

മദ്യപിച്ചത്തിയ തദ്ദേശിയരീായ ഒരു കൂട്ടം യുവാക്കള്‍ യുവതിയെ ആക്രമിച്ച് ബാഗ് തട്ടിപ്പറിക്കാന്‍ ശ്രമിക്കുകയും വസ്ത്രങ്ങള്‍ കീറുകയും ചെയ്തു. തടയാന്‍ ശ്രമിച്ച് സുഹൃത്തിനെ കല്ലുകൊണ്ട് തലയ്ക്ക് അടിച്ച് വീഴ്ത്തുകയായിരുനെന്ന് അജ്മീര്‍ എസ്പി നിതിന്‍ദീപ് ബാലഗന്‍ പറഞ്ഞു.

രണ്ട് ദിവസം മുമ്പാണ് പുഷ്‌കറിലെ ഹോട്ടലില്‍ ഇവര്‍ താമസിക്കാന്‍ വന്നത്. തിങ്കളാഴ്ചയാണ് ബൈക്ക് വാടകയ്ക്ക് എടുത്ത് ഇരുവരും അരവല്ലി ഹില്ലിലേക്ക് പോയത്്. അവിടെയുള്ള അജയപാല്‍ ക്ഷേത്രത്തില്‍ എത്തിയപ്പോഴാണ് അപകടം ഉണ്ടായത്. ഇവര്‍ താമസിച്ചിരുന്ന ഹോട്ടലിലെ മാനേജറാണ് ഇരുവരെയും ആശുപത്രിയിലെത്തിച്ചത്. സംഭവത്തിന്റെ ആഘാതത്തില്‍ നിന്ന് യുവതി മോചിതനാകാത്തതിനാല്‍ പോലീസ് ഇതുവരെ മൊഴി രേഖപ്പെടുത്തിയിട്ടില്ല.

English summary

Two tourist couples were injured in an alleged attack by local goons at Ajaypal tourist spot in Ajmer on Monday evening. A woman in the group was molested while her male friend was also attacked.