• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഞാന്‍ ബിജെപി കോണ്‍ഗ്രസ് വോട്ടര്‍മാരുടെയും മുഖ്യമന്ത്രിയാണ്... ശത്രുത മറക്കാമെന്ന് കെജ്‌രിവാള്‍!!

ദില്ലി: സത്യപ്രതിജ്ഞ ചെയ്ത് അധികാരമേറ്റതിന് പിന്നാലെ വോട്ടര്‍മാരെ കൈയ്യിലെടുത്ത് അരവിന്ദ് കെജ്‌രിവാള്‍. തിരഞ്ഞെടുപ്പ് കഴിഞ്ഞു. നിങ്ങള്‍ ആര്‍ക്കാണ് വോട്ടു ചെയ്തതെന്ന കാര്യത്തില്‍ പ്രസക്തിയില്ല. നിങ്ങള്‍ എന്റെ കുടുംബത്തിന്റെ ഭാഗമാണ്. പാര്‍ട്ടി നോക്കിയല്ല ഞാന്‍ പ്രവര്‍ത്തിക്കുന്നത്. കോണ്‍ഗ്രസിനും ബിജെപിക്കും വോട്ടു ചെയ്തവര്‍ക്കും ഞാന്‍ മുഖ്യമന്ത്രി തന്നെയാണെന്നും കെജ്‌രിവാള്‍ പറഞ്ഞു.

പ്രചാരണത്തില്‍ രാഷ്ട്രീയമുണ്ടാകും. എനിക്കെതിരെ എതിരാളികള്‍ പറഞ്ഞ കാര്യങ്ങളില്‍ ഞാന്‍ അവരോട് ക്ഷമിക്കുന്നു. ഞാന്‍ അത്തരം കാര്യങ്ങള്‍ പറഞ്ഞിട്ടുണ്ടെങ്കില്‍ ക്ഷമിക്കണമെന്ന് നിങ്ങളോട് അപേക്ഷിക്കുകയാണ്. നമുക്ക് ദില്ലിയുടെ വികസനത്തിനായി ഒരുമിച്ച് പ്രവര്‍ത്തിക്കാം. കേന്ദ്ര സര്‍ക്കാരുമായും നമുക്ക് ഒരുമിച്ച് പ്രവര്‍ത്തിക്കാമെന്നും കെജ്‌രിവാള്‍ പറഞ്ഞു. സത്യപ്രതിജ്ഞാ ചടങ്ങിലേക്ക് ഞാന്‍ പ്രധാനമന്ത്രി നരേന്ദ്ര മോദിയെ ക്ഷണിച്ചിരുന്നു. എന്നാല്‍ അദ്ദേഹം തിരക്കുകള്‍ കാരണമായിരിക്കും വരാതിരുന്നതെന്നും കെജ്‌രിവാള്‍ പറഞ്ഞു.

ഇവിടെ നിന്ന് ഞാന്‍ പറയുകയാണ്, എനിക്ക് എല്ലാവരുടെയും ആശീര്‍വാദം വേണം. നരേന്ദ്ര മോദിയുടെയും അനുഗ്രഹം ആവശ്യമാണെന്നും കെജ്‌രിവാള്‍ പറഞ്ഞു. കെജ്‌രിവാള്‍ എല്ലാ കാര്യവും സൗജന്യമാക്കുകയാണെന്ന് എല്ലാവരും പറയുന്നു. എന്നാല്‍ ലോകത്തിലെ പല നല്ല കാര്യങ്ങളും സൗജന്യമാണ്. ഒരമ്മയുടെ സ്‌നേഹം പോലെ. ഞാന്‍ ദില്ലിയിലെ ജനങ്ങളെ ഇഷ്ടപ്പെടുന്നു. ഈ സ്‌നേഹം സൗജന്യമാണ്. ഞാന്‍ വിദ്യാര്‍ത്ഥികളില്‍ നിന്ന് പണം ഈടാക്കട്ടെ. രോഗികളില്‍ നിന്ന് മരുന്നിനും ചികിത്സയ്ക്കും പണം വാങ്ങട്ടെ. ഞാനങ്ങനെ ചെയ്താല്‍ വലിയ നാണക്കേടാവില്ലേയെന്നും കെജ്‌രിവാള്‍ ചോദിച്ചു.

കെജ്‌രിവാളിനൊപ്പം ആറു പേരാണ് സത്യപ്രതിജ്ഞ ചെയ്തത്. മനീഷ് സിസോദിയ, സത്യേന്ദര്‍ ജെയിന്‍, ഗോപാല്‍ റായ്, കൈലാഷ് ഗെലോട്ട്, രാജേന്ദ്ര പാല്‍ ഗൗതം, ഇമ്രാന്‍ ഹുസൈന്‍ എന്നിവരാണ് സത്യപ്രതിജ്ഞ ചെയ്ത് മന്ത്രിമാരായി അധികാരമേറ്റത്. ദില്ലിയിലെ ജനങ്ങളുടെ വിജയമാണ് ഇതെന്ന് കെജ്‌രിവാള്‍ പറഞ്ഞു. എന്നെ എഎപിയുടെ മുഖ്യമന്ത്രിയായി ആരും കാണേണ്ട. ഞാന്‍ ബിജെപിയുടെയും കോണ്‍ഗ്രസിന്റെയും എല്ലാവരുടെയും മുഖ്യമന്ത്രിയാണെന്നും കെജ്‌രിവാള്‍ പറഞ്ഞു.

ദില്ലി തരംഗം യുപിയിലേക്കും.... ബിജെപിയെ വീഴ്ത്താന്‍ കെജ്‌രിവാള്‍ ഫോര്‍മുല, നയിക്കുന്നത് പ്രിയങ്ക!!

English summary
cm for bjp congress voters too says kejriwal
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X