'റാപിഡ് എക്സ്' ഇനി മുതൽ 'നമോഭാരത്'; ഉദ്ഘാടനത്തിന് മുൻപേ പേര് മാറ്റി കേന്ദ്രസർക്കാർ
രാജ്യത്തെ ആദ്യത്തെ സെമി-ഹൈ സ്പീഡ് റീജിയണൽ റെയിൽ സർവീസായ റാപ്പിഡ് എക്സിന്റെ പേര് മാറ്റി. നമോ ഭാരത് എന്നാണ് പുതുക്കിയ പേര്. ഇന്ന് പ്രധാനമന്ത്രി നരേന്ദ്ര മോദി പദ്ധതി ഉദ്ഘാടനം ചെയ്യാനിരിക്കെയാണ് പേരിൽ മാറ്റം വരുത്തിയത്.
സാഹിബാബാദ്, ദുഹായ് എന്നീ ഡിപ്പോ സ്റ്റേഷനുകളെ ബന്ധിപ്പിക്കുന്ന റീജിയണൽ റെയിൽ സർവ്വീസാണിത്. ഈ നഗരങ്ങളെ തമ്മിൽ ബന്ധിപ്പിക്കുന്ന അതിവേഗ ട്രെയിനായതു കൊണ്ട് തന്നെ വെറും 15 മിനിറ്റു കൊണ്ട് ഒരു നഗരത്തിൽ നിന്ന് മറ്റേ നഗരത്തിലേക്ക് എത്തിച്ചേരാനാവുന്ന സംവിധാനമാണ് ഒരുക്കിയിരിക്കുന്നതെന്നും പ്രധാനമന്ത്രിയുടെ ഓഫീസ് അറിയിച്ചു.
അതേ സമയം റാപിഡ് എക്സ് എന്ന പേര് മാറ്റി നമോ ഭാരത് എന്ന പേരിട്ടതിനു പിന്നാലെ കോൺഗ്രസ് രൂക്ഷ വിമർശനവുമായി രംഗത്തെത്തിയിട്ടുണ്ട്. നമോ സ്റ്റേഡിയത്തിന് ശേഷം നമോ ട്രെയിനുകൾ വരുന്നു. അദ്ദേഹത്തിന് അവനവനോടുള്ള ഭ്രമത്തിന് ഒരു പരിധിയില്ല എന്ന് കോൺഗ്രസ് ജനറൽ സെക്രട്ടറി ജയറാം രമേഷ് ഇന്നലെ എക്സിൽ കുറിച്ചു.
ഇന്ന് ഉദ്ഘാടനം ചെയ്യുന്ന സെമി-ഹൈ സ്പീഡ് റീജിയണൽ റെയിലിന്റെ ഇടനാഴിയുള്ളത് ഡൽഹി- ഗാസിയാബാദ്- മീററ്റ് റീജിയണിൽ ആണ്. ഈ ഇടനാഴിയിലൂടെ 160 കിലോമീറ്റർ വേഗതയിൽ വരെ ട്രെയിനുകൾക്ക് സഞ്ചരിക്കാൻ കഴിയുമെങ്കിലും പ്രവർത്തന വേഗത കുറവായിരിക്കുമെന്ന് അധികൃതർ അറിയിച്ചു. ഉദ്ഘാടനത്തിനു ശേഷം ട്രെയിൻ നാളെ മുതൽ പൊതു ജനങ്ങൾക്കായി തുറക്കും. ഇപ്പോൾ സർവ്വീസ് നടത്തുന്നത് 17 കിലോ മീറ്റർ പാതയിൽ മാത്രമാണ്.
സാഹിബാബാദ്, ഗാസിയാബാദ്, ഗുൽധാർ, ദുഹായ്, ദുഹായ് എന്നീ 5 സ്റ്റോപ്പുകളാണ് ട്രെയിനിന് ഉള്ളത്. ട്രെയിനിനുള്ളിൽ സി സി ടിവി ക്യാമറകൾ, എമർജൻസി ഡോർ തുറക്കാനുള്ള സംവിധാനം, ട്രെയിൻ ഓപ്പറേറ്ററുമായി ആശയവിനിമയം നടത്താനുള്ള ബട്ടൺ എന്നീ സുരക്ഷാ സംവിധാനങ്ങളാണ് ഒരുക്കിയിട്ടുള്ളത്.
30,000 കോടിയിലധികം രൂപ ചെലവഴിച്ചാണ് ഡൽഹി- ഗാസിയാബാദ്- മീററ്റ് ഇടനാഴി നിർമിച്ചത്. ഒരു മണിക്കൂറിൽ ഡൽഹിയിൽ നിന്ന് ഗാസിയാബാദ്, മുറാദ്നഗർ, മോദിനഗർ എന്നീ നഗരങ്ങളിലൂടെ സഞ്ചരിച്ച് മീററ്റിലെത്താൻ ജനങ്ങൾക്ക് സൗകര്യമൊരുക്കുകയാണ് പദ്ധതിയുടെ ലക്ഷ്യമെന്ന് പ്രധാനമന്ത്രി നരേന്ദ്ര മോദി പറഞ്ഞു. അതേ സമയം 82.15 കിലോമീറ്റർ ദൈർഘ്യമുള്ള ഡൽഹി-ഗാസിയാബാദ്-മീററ്റ് ഇടനാഴി 025 ജൂണോടെ പ്രവർത്തനക്ഷമമാക്കാനാണ് ലക്ഷ്യമിടുന്നത്.
-
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ
Click it and Unblock the Notifications
Sign in with Google