Click it and Unblock the Notifications
Just In
Don't Miss
-
മലയാളത്തിലെ പ്രമുഖ നടനുമായുള്ള വിവാഹ വാര്ത്ത; എന്റെ വീട്ടുകാരേക്കാള് ഉത്കണ്ഠ വേറെ ചിലര്ക്ക്! -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
IPL 2024: 24 ബോളില് 49! അശ്വിന് എന്തിന് ടീമില്? യൂട്യൂബ് ചാനലില് ശ്രദ്ധിക്കൂ, രൂക്ഷവിമര്ശനം -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കോഗ്നിസന്റ് 12000 ജീവനക്കാരെ പിരിച്ചുവിടുന്നു; സാമ്പത്തിക അച്ചടക്കം നടപ്പാക്കാന്‍ തീരുമാനം
വാഷിങ്ടണ്‍: അമേരിക്കന്‍ രാജ്യാന്തര ഐടി കമ്പനിയായ കോഗ്നിസന്റ്‌സ് കടുത്ത സാമ്പത്തിക അച്ചടക്ക നടപടികള്‍ സ്വീകരിക്കാന്‍ തീരുമാനിച്ചു. 12000 ജീവനക്കാരെ പിരിച്ചുവിടാനാണ് തീരുമാനം. കമ്പനിയുടെ വളര്‍ച്ച ശക്തിപ്പെടുത്തുക എന്ന ലക്ഷ്യത്തോടെയാണ് ജീവനക്കാരുടെ എണ്ണം കുറയ്ക്കുന്നതെന്ന് അധികൃതര്‍ പറഞ്ഞു.
ഇടത്തരം, മുതിര്‍ന്ന വിഭാഗങ്ങളില്‍പ്പെടുന്ന ജീവനക്കാരെയാണ് പിരിച്ചുവിടുന്നത്. ഇതില്‍ 5000 പേരെ കമ്പനി പുനര്‍ വിന്യസിക്കും. ലോകത്താകമാനമുള്ള ജീവനക്കാരില്‍ രണ്ട് ശതമാനം പേരെ വെട്ടിക്കുറയ്ക്കാനാണ് കമ്പനിയുടെ തീരുമാനം.
സാമ്പത്തിക പ്രതിസന്ധി നേരിടുന്ന കമ്പനിയല്ല കോഗ്നിസന്റ്‌സ്. കാരണം കഴിഞ്ഞകാല കമ്പനിയുടെ വരുമാനത്തില്‍ ഇടിവ് സംഭവിച്ചിട്ടില്ല. കഴിഞ്ഞ ജൂലൈ-സപ്തംബര്‍ പാദത്തില്‍ 425 കോടി ഡോളറാണ് വരുമാനം. ഒരു വര്‍ഷം മുമ്പ് ഇതേ കാലയളവിലെ വരുമാനവുമായി താരതമ്യം ചെയ്യുമ്പോള്‍ 5.1 ശതമാനം വര്‍ധനവാണിത്. ഇക്കഴിഞ്ഞ ജൂണില്‍ അവസാനിച്ച പാദത്തില്‍ കോഗ്നിസന്റ്‌സിന്റെ വരുമാനം 414 കോടി ഡോളറായിരുന്നു.
സാമ്പത്തിക അച്ചടക്കം വരുത്തി വളര്‍ച്ച ത്വരിതപ്പെടുത്തുക എന്ന ലക്ഷ്യത്തോടെയാണ് പുതിയ പിരിച്ചുവിടല്‍ തീരുമാനം. ഉയര്‍ന്ന ശമ്പളം വാങ്ങുന്നവരാണ് പിരിച്ചുവിടുന്നതില്‍ കൂടുതലും. അതേസമയം, താരതമ്യേന ശമ്പളം കുറവുള്ളവരെ പുനര്‍വിന്യസിക്കും. ജോലിയില്‍ മികച്ച കാര്യക്ഷമത പുലര്‍ത്തുന്നവരെ മാത്രമാകും പുനര്‍വിന്യസിക്കുകയെന്ന് കമ്പനി മേധാവി പറഞ്ഞു. കമ്പനിയുടെ ഡിജിറ്റല്‍ കണ്ടന്റില്‍ മാറ്റങ്ങള്‍ വരുത്താനും തീരുമാനിച്ചിട്ടുണ്ട്.
