കോയമ്പത്തൂര് ആര്യവൈദ്യ ഫാര്മസി എംഡി പിആര് കൃഷ്ണകുമാര് അന്തരിച്ചു
കോയമ്പത്തൂര്: കോയമ്പത്തൂര് ആര്യവൈദ്യ ഫാര്മസി എംഡി പിആര് കൃഷ്ണകുമാര് (69) അന്തരിച്ചു. ന്യൂമോണിയ ബാധിച്ച് കോയമ്പത്തൂരിലെ ആശുപത്രിയില് ചികില്സയിലായിരുന്നു. ആര്യവൈദ്യ ഫാര്മസി സ്ഥാപകന് പിവി രാമവാര്യരുടെ മകനാണ് കൃഷ്ണകുമാര്. 1951ല് കോയമ്പത്തൂരിലാണ് ജനിച്ചത്. രാമനാഥപുരത്തെ രാജമന്ദിരത്തിലായിരുന്നു താമസം. അവിവാഹിതനാണ്.
പിതാവിന്റെ മരണ ശേഷം 1994ലാണ് ആര്യവൈദ്യ ഫാര്മസിയുടെ നടത്തിപ്പ് കൃഷ്ണകുമാര് ഏറ്റെടുത്തത്. ആയുര്വേദ രംഗത്തെ സമഗ്ര സംഭാവനകള് പരിഗണിച്ച് 2009ല് രാജ്യം അദ്ദേഹത്തിന് പത്മശ്രീ നല്കി ആദരിച്ചിരുന്നു. കോയമ്പത്തൂര് ആയുര്വേദിക് ട്രസ്റ്റ് മാനേജിങ് ട്രസ്റ്റി, ആര്യവൈദ്യന് രാമവാര്യര് എജ്യുക്കേഷണല് ഫൗണ്ടേഷന് ഫോര് ആയുര്വേദയുടെ ചെയര്മാന് തുടങ്ങി ഒട്ടേറെ പദവികള് വഹിച്ചിരുന്നു. കസ്തൂരി വാരസ്യാര്, ഗീത വാരസ്യാര്, രാജന് വാര്യര്, ദുര്ഗ വാരസ്യാര്, അംബിക വാരസ്യാര് എന്നിവര് സഹോദരങ്ങളാണ്.
കൊടും തണുപ്പിലും യുദ്ധത്തിന് തയ്യാര്; ചൈനയെ ഞെട്ടിച്ച് ഇന്ത്യന് സൈന്യത്തിന്റെ പ്രഖ്യാപനം,തിരിച്ചടി