കോയമ്പത്തൂര് 'മരിച്ചു', ഇനി കോയംപുത്തൂര്... അടിമുടി മാറ്റം, ഇംഗ്ലീഷ് തുടച്ചുനീക്കി തമിഴ്നാട്
ചെന്നൈ: തമിഴ്നാട്ടില് സ്ഥലങ്ങളുടെ പേരുകള് അടിമുടി മാറ്റാന് സംസ്ഥാന സര്ക്കാര് തീരുമാനിച്ചു. പേരുകളിലെ ഇംഗ്ലീഷ് സ്പര്ശം ഇല്ലാതാക്കുകയാണ് സര്ക്കാര്. ശരിയായ തമിഴ് പേരിലാണ് ഇനി സ്ഥലങ്ങള് അറിയപ്പെടുക. ഒട്ടേറെ നഗരങ്ങളുടെയും ഗ്രാമങ്ങളുടെയും പേരുകള് മാറ്റിയിട്ടുണ്ട്.
ഇതിലൊന്നാണ് കോയമ്പത്തൂര്. ഇനി കോയമ്പത്തൂര് എന്നല്ല അറിയപ്പെടുക. പകരം കോയംപുത്തൂര് എന്നാകും. വെല്ലൂര് ഇനി വേലൂര് ആകും. ഷോളിങ്കനല്ലൂര് സോളിങ്കനല്ലൂര് ആയി മാറും. മൈലാപൂര് ഇനി അറിയപ്പെടുക മയിലാപൂര് എന്നാകും. വിശദാംശങ്ങള് ഇങ്ങനെ...
മൊത്തം 1018 സ്ഥലങ്ങള്
ഏപ്രില് ഒന്നിന് പുറത്തിറക്കിയ വിജ്ഞാപനത്തിലാണ് സര്ക്കാര് ഇക്കാര്യം അറിയിച്ചത്. കഴിഞ്ഞദിവസമാണ് ഇതുസംബന്ധിച്ച വിവരം മാധ്യമങ്ങള്ക്ക് ലഭിച്ചത്. മൊത്തം 1018 സ്ഥലങ്ങളുടെ പേരുകളാണ് മാറ്റുന്നത്. ചില പേരുകളില് വലിയ മാറ്റമില്ല. പക്ഷേ തമിഴ് ഉച്ഛാരണം വരുമെന്ന് മാത്രം. ചരിത്രപരമായ പല സ്ഥലങ്ങളുടെയും ഉച്ഛാരണത്തില് മാറ്റംവരും. എഴുതുമ്പോഴുള്ള മാറ്റമാണ് പ്രകടമാകുക.
വിലുപുരം ഇനി വിഴുപ്പുറം
പല പേരുമാറ്റങ്ങളും തമിഴ്നാട്ടിലെ സോഷ്യല് മീഡിയയില് ട്രോളുകള്ക്ക് ഇടയാക്കിയിട്ടുണ്ട്. പലരും തമാശയായിട്ടാണ് പുതിയ മാറ്റത്തെ കാണുന്നത്. വിലുപുരം എന്ന സ്ഥലത്തിന്റെ പേര് വിഴുപ്പുറം എന്നാക്കി മാറ്റിയിട്ടുണ്ട്. ടിരുവാരൂര് എന്നത് തിരുവാരൂര് എന്നായി.
തൂത്തുക്കുടി
ടൂട്ടികോറിന് എന്ന് എഴുതിയിരുന്ന തൂത്തുക്കുടിയുടെ പേര് തൂത്തുകുടി എന്നാക്കി. ഔദ്യോഗിക രേഖകളില് ഇനി ടുട്ടികോറിന് എന്ന് എഴുതില്ല. പുതുകോട്ട എന്നത് പുതുക്കോട്ടൈ എന്നാകും.
സര്ക്കാര് തീരുമാനം ഇങ്ങനെ
സ്ഥലങ്ങളുടെ പേരുമാറ്റത്തിന് തമിഴ്നാട് സര്ക്കാര് ഏറെ കാലമായി ശ്രമിച്ചുവരികയായിരുന്നു. ജില്ലാ കളക്ടര്മാരില് നിന്ന് നിര്ദേശങ്ങള് ക്ഷണിച്ചിരുന്നു. ഈ നിര്ദേശങ്ങള് സംബന്ധിച്ച് പഠിക്കാന് വിദഗ്ധദ സമിതിയെ നിയോഗിച്ചു. ഇവരുടെ നിര്ദേശങ്ങള്ക്ക് മുഖ്യമന്ത്രി എടപ്പാടി പളനിസ്വാമിയുടെ അധ്യക്ഷതയില് ചേര്ന്ന മന്ത്രിസഭാ യോഗം അനുമതി നല്കിയതോടെയാണ് വിജ്ഞാപനം ഇറക്കിയത്.
എഗ്മോര് ഇനി എഴുമ്പൂര്
എഗ്മോര് ഇനി എഴുമ്പൂര് എന്നാണ് എഴുതുക. സൈദാര്പേട്ട് ഇനി സൈതാര്പേട്ടൈ എന്ന് വിളിക്കും. ഗുഡലൂര് എന്നത് കൂടലൂര് എന്നായി മാറും. മുത്തുപ്പേട്ടിനെ മുത്തുപ്പേട്ടൈ എന്നാണ് വിളിക്കുക. പല പേരുകളിലും കാര്യമായ മാറ്റമില്ല. എന്നാല് എഴുതുമ്പോള് അക്ഷരങ്ങളില് മാറ്റമുണ്ടാകും.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google