കൊവിഡ് കാലത്ത് വീണ്ടും ഇരുട്ടടി; വാണിജ്യ സിലിണ്ടറിന്റെ വില വര്ദ്ധിപ്പിച്ചു, പുതുക്കിയ വില അറിയാം
ദില്ലി: രാജ്യത്ത് വാണിജ്യ ആവശ്യങ്ങള് ഉപയോഗിക്കുന്ന പാചകവാതക സിലിണ്ടറിന്റെ വില വര്ദ്ധിപ്പിച്ചു. 19 കിലോ തൂക്കം വരുന്ന ഒരു സിലിണ്ടറിന് 73 രൂപ 50 പൈസയാണ് ഇപ്പോള് കൂട്ടിയിരിക്കുന്നത്. എന്നാല് ഗാര്ഹിക ആവശ്യത്തിന് ഉപയോഗിക്കുന്ന സിലിണ്ടറുകള്ക്ക് വില വര്ദ്ധിച്ചിട്ടില്ല.
ഇന്ന് വില വര്ദ്ധിച്ചതോടെ ഒരു വാണിജ്യ സിലിണ്ടറിന് 1623 രൂപയായി. കൊവിഡ് കാലത്ത് പ്രതിസന്ധി നേരിടുന്ന ഹോട്ടലുടമകള്ക്ക് വില വര്ദ്ധനവ് കനത്ത തിരിച്ചടിയാകുമെന്ന കാര്യത്തില് സംശയമില്ല.
എല്ലാ മാസവും ഒന്നാം തീയതിയില് എല്പിജി സിലിണ്ടറുകളുടെ വില സാധാരണഗതിയില് എണ്ണ കമ്പനികള് പരിഷ്കരിക്കും. ഏറ്റവും പുതിയ പരിഷ്ക്കരണത്തോടെ, രാജ്യതലസ്ഥാനമായ ദില്ലിയില് ഒരു വാണിജ്യ 19 കിലോഗ്രാം എല്പിജി സിലിണ്ടറിന് ഇപ്പോള് 1,623 രൂപ വിലവരും, മുംബൈയില് ഇത് 1,579 രൂപയാകും. കൊല്ക്കത്തയില് 1,629 രൂപ നല്കേണ്ടിവരുമ്പോള് ഏറ്റവും വലിയ തുക ഈടാക്കുക ചെന്നൈയിലാണ്. 1,761 രൂപ.
Recommended Video
കഴിഞ്ഞ മാസത്തിന്റെ തുടക്കത്തില് ഗാര്ഹിക ആവശ്യങ്ങള്ക്കുള്ള സിലിണ്ടറിന്റെ വില വര്ദ്ധിപ്പിച്ചിരുന്നു. 25.5 രൂപയായിരുന്നു ജൂലായ് 1ന് വര്ദ്ധിപ്പിച്ചത്.