ബിരുദ പ്രവേശനത്തിന് പ്ലസ്ടു മാർക്ക് മാത്രം പോരാ; കേന്ദ്ര സര്വ്വകലാശാലകളിൽ കോമൺ യൂണിവേഴ്സിറ്റി എന്ട്രന്സ്
ദില്ലി: ബിരുദ പ്രോഗ്രാമുകളിലേക്ക് വിദ്യാര്ത്ഥികളെ പ്രവേശിപ്പിക്കുന്നതിന് കേന്ദ്ര സര്വകലാശാലകള് കോമണ് യൂണിവേഴ്സിറ്റി എന്ട്രന്സ് ടെസ്റ്റ് (സിയുഇടി) നടത്തേണ്ടിവരുമെന്ന് യുജിസി ചെയര്മാന് എം ജഗദേഷ് കുമാര് തിങ്കളാഴ്ച പറഞ്ഞു. സിയുഇടി ജൂലൈ ആദ്യവാരം നടത്താനാണ് സാധ്യതയെന്നും അദ്ദേഹം വ്യക്തമാക്കി. കോമണ് യൂണിവേഴ്സിറ്റി എന്ട്രന്സ് ടെസ്റ്റ് വരുന്നതോടെ 12-ാം ക്ലാസ് ബോര്ഡ് പരീക്ഷയുടെ മാര്ക്കുകള് വിദ്യാര്ത്ഥികളുടെ പ്രവേശനത്തിന്റെ മാനദണ്ഡമാകില്ല.
2022-23 അധ്യയന വര്ഷം മുതല്, ബിരുദ, ബിരുദാനന്തര പ്രോഗ്രാമുകള്ക്കായി നാഷണല് ടെസ്റ്റിംഗ് ഏജന്സി കാമണ് യൂണിവേഴ്സിറ്റി എന്ട്രന്സ് ടെസ്റ്റ് നടത്തുമെന്നാണ് യുജിസി ചെയര്മാന് വ്യക്തമാക്കുന്നത്. എല്ലാ കേന്ദ്ര സര്വകലാശാലകളും അവരുടെ പ്രോഗ്രാമുകളിലേക്കുള്ള പ്രവേശനത്തിന് സിയുഇടി സ്കോറുകള് പരിഗണിക്കേണ്ടതുണ്ടെന്നും അദ്ദേഹം വ്യക്തമാക്കി.
യൂണിവേഴ്സിറ്റി ഗ്രാന്റ്സ് കമ്മീഷന് (യു ജി സി) ധനസഹായം നല്കുന്ന 45 കേന്ദ്ര സര്വകലാശാലകളാണ് രാജ്യത്തുള്ളത്. സിയുഇടി പരീക്ഷയ്ക്കുള്ള സിലബസ് എന് സി ഇ ആര് ടിയുടെ 12ാം ക്ലാസ് മോഡല് സിലബസുമായി പ്രതിഫലിപ്പിക്കുമെന്നും അദ്ദേഹം വ്യക്തമാക്കുന്നു. സിയുഇടിക്കായി സെക്ഷന് 1എ, സെക്ഷന് 1 ബി, ജനറല് ടെസ്റ്റ് എന്നിവയാണ് ഉണ്ടാകുക.
സെക്ഷന് 1 എ, നിര്ബന്ധിതമായി 13 ഭാഷകളിലായിരിക്കും, ഉദ്യോഗാര്ത്ഥികള്ക്ക് ഇഷ്ടമുള്ള ഭാഷ തിരഞ്ഞെടുക്കാം. ഇംഗ്ലീഷ്, ഹിന്ദി, അസമീസ്, ബംഗാളി, ഗുജറാത്തി, കന്നഡ, മലയാളം, മറാത്തി, ഒഡിയ, പഞ്ചാബി, തമിഴ്, തെലുങ്ക്, ഉറുദു എന്നിവയാണ് ഓപ്ഷനുകള്. സെക്ഷന് 1 ബി ഓപ്ഷണല് ആണ്, കൂടാതെ സെക്ഷന് 1 എ യുടെ ഭാഗമായ ഭാഷകള് കൂടാതെ വിദ്യാര്ത്ഥികള്ക്ക് മറ്റൊരു ഭാഷ തിരഞ്ഞെടുക്കാന് അവസരം ഉണ്ടാകും.ഡൊമെയ്ന്-നിര്ദ്ദിഷ്ട വിഷയങ്ങള്ക്ക് കീഴില്, ഒരു വിദ്യാര്ത്ഥിക്ക് ബിരുദ തലത്തില് പിന്തുടരാന് ആഗ്രഹിക്കുന്ന പരമാവധി ആറ് ഡൊമെയ്നുകള് വരെ തിരഞ്ഞെടുക്കാം.
സി ഇ യു ടി സ്കോറുകളുടെ അടിസ്ഥാനത്തില് സര്വകലാശാലകള്ക്ക് ജനറല് സീറ്റുകളിലേക്കും സംവരണ സീറ്റുകളിലേക്കും ഉദ്യോഗാര്ത്ഥികളെ പരിഗണിക്കാം. നിലവിലുള്ള പ്രവേശന, സംവരണ നയങ്ങളെ ഇത് ബാധിക്കില്ല. ബോര്ഡുകളില് നിന്നുള്ള വിദ്യാര്ത്ഥികള്ക്ക്, പ്രത്യേകിച്ച് വടക്കുകിഴക്കന്, ഗ്രാമീണ മേഖലകളില് നിന്നുള്ളവര്ക്ക് ഇത് തുല്യ അവസരങ്ങള് നല്കുമെന്ന് അദ്ദേഹം പറഞ്ഞു. സി ഇ യു ടി രക്ഷിതാക്കള്ക്കും വിദ്യാര്ത്ഥികള്ക്കുമുള്ള സാമ്പത്തിക ഭാരം കുറയ്ക്കുമെന്ന് പ്രതീക്ഷിക്കുന്നു, കാരണം ഉദ്യോഗാര്ത്ഥികള് ഒരു പരീക്ഷ മാത്രമേ എഴുതൂ.
-
ഡൽഹിയിലും ഉത്തരേന്ത്യയിലും ശക്തമായ ഭൂചലനം; റിക്ടർ സ്കെയിലിൽ 5.9 തീവ്രത -
ഏപ്രിൽ മാസം രാജയോഗം, ബിസിനസ്സ് തുടങ്ങും, പുതിയ ഫ്ളാറ്റ് വാങ്ങുന്നതിന് അവസരം, ധനജ്യോതിഷം -
'16 കൊല്ലമായി ചെയ്യുന്ന ജോലി പോയി';ബെംഗളൂരുവിലെ മുൻ ഒറാക്കിൾ ജീവനക്കാരൻ പറയുന്നു..അവസരമാക്കി മാറ്റാം' -
സ്വർണം 1 പവന് 2 ലക്ഷമല്ല, 4 പവൻ 2 ലക്ഷത്തിന് വാങ്ങാം: അൽപം കാത്തിരിക്കൂ, സ്വർണം കുത്തനെ ഇടിയുമെന്ന് വിദഗ്ധൻ -
വിഷുവിന് രാജാക്കന്മാരെ പോലെ വാഴാന് പോകുന്ന രാശിക്കാര്; നിങ്ങളുമുണ്ടോ? -
തൊഴില്പരമായി ധാരാളം മത്സരങ്ങള് നേരിടും, വിലപ്പെട്ട രേഖകള് നഷ്ടപ്പെടാം, രോഗങ്ങള്ക്കു സാധ്യത, നാൾഫലം -
ചന്ദ്രൻ രാശിമാറുന്നത് വെറുതെയല്ല; ഈ രാശിക്കാരുടെ പ്രണയത്തിൽ പുരോഗതി, ഒപ്പം സമ്പത്തും ആഡംബരവും -
'ഒന്നും പറയാതിരുന്നതിന് കാരണം ആ ഭയം';വീണ്ടും വീഡിയോയുമായി കിച്ചു സുധി..'ഇനി കാണാൻ അനുവദിക്കുമോയെന്ന അറിയില്ല'' -
'മഞ്ജു വാര്യർ ദിലീപിന് മെസേജ് അയച്ചു, നൽകിയത് വളരെ മോശം മറുപടി..'; പക്ഷെ നടൻ പറഞ്ഞത് മറ്റൊന്ന് -
സ്വര്ണവില കുത്തനെ താഴേക്ക്; ആഭരണം വാങ്ങുന്നവര് അറിയേണ്ട കാര്യം, രൂപ കുതിച്ചു, പവന് വില -
'വല്ലാത്ത തിളപ്പ് എടുക്കല്ലേ സഖാവെ,പിഷാരടിയെ തടഞ്ഞത് എന്തിനെന്ന് അന്വേഷിക്ക്';അഖിൽ മാരാർ -
മഞ്ജു വാര്യരും ദിലീപും വീണ്ടും ഒന്നിച്ചൊരു സിനിമ? നടൻറെ വാക്കുകൾ..മഞ്ജുവിൻ്റ മറുപടി ഇങ്ങനെ
Click it and Unblock the Notifications
Sign in with Google