ദേശീയഗാനത്തിനിടെ എംഎല്എയുടെ ഫോണ്വിളി! സാധാരണക്കാരാണേല് കാണാരുന്നു പൂരം...
ബംഗാളിലെ ഹൗറയില് നടന്ന കായകമേളയ്ക്കിടെയാണ് ദേശീയഗാനം വച്ചപ്പോള് തൃണമൂല് എംഎല്എ വൈശാലി ഡാല്മിയ ഫേണില് സംസാരിച്ചത്. സംഭവത്തില് എംഎല്എയ്ക്കെതിരെ നടപടിയൊന്നും സ്വീകരിച്ചിട്ടില്ലെന്നത് ശ്രദ്ധേയം.
കൊല്ക്കത്ത : ദേശീയ ഗാനത്തിനിടെ എഴുന്നേറ്റ് നില്ക്കാത്തതിന്റെ പേരില് രാജ്യാന്തര ചലച്ചിത്രമേളയ്ക്കിടെ ആറ് പേരെ അറസ്റ്റ് ചെയ്ത സംഭവം ആരും മറന്നിട്ടുണ്ടാവില്ല. തീയെറ്ററില് ദേശീയ ഗാനം വച്ചപ്പോള് എണീക്കാതെ സെല്ഫി എടുത്തതിന്റെ പേരില് കേസെടുത്തതും നമുക്ക് ഓര്മയുണ്ട്. ദേശീയഗാനത്തെ അധിക്ഷേപിച്ച് ഫേസ്ബുക്ക് പോസ്റ്റിട്ടതിന് നാടകകൃത്തും എഴുത്തുകാരനുമായ കമല് സി ചവറയെ അറസ്റ്റ് ചെയ്തത് കഴിഞ്ഞ ദിവസം. ഇതൊക്കെ കാണുമ്പോള് ഈ രാജ്യസ്നേഹവും ദേശീയഗാനവുമൊക്കെ സാധാരണക്കാര്ക്ക് മാത്രമാണോ ബാധകമെന്ന് തോന്നിപ്പോകും.
പൊതുപരിപാടിയില് ദേശീയഗാനം വച്ചപ്പോള് എംഎല്എ ഫോണില് സംസാരിച്ചത് ഇന്ത്യയില് തന്നെയാണ്. കോല്ക്കത്തയിലാണ് സംഭവം. ബംഗാളിലെ ഹൗറയില് നടന്ന കായികമേളയ്ക്കിടെയാണ് ദേശീയഗാനം വച്ചപ്പോള് തൃണമൂല് എംഎല്എ വൈശാലി ഡാല്മിയ ഫേണില് സംസാരിച്ചത്. സംഭവത്തില് എംഎല്എയ്ക്കെതിരെ നടപടിയൊന്നും സ്വീകരിച്ചിട്ടില്ലെന്നത് ശ്രദ്ധേയം.
ഇതൊന്നും ആരും കാണുന്നില്ലേ
ബേലൂര് പോലീസ് സംഘടിപ്പിച്ച് ഫുട്ബോള് മേളയിലാണ് സംഭവം. മത്സരം ആരംഭിക്കുന്നതിന് മുമ്പ് ഇരു ടീമുകളും മൈതാനത്ത് എത്തിച്ചേരുകയും ദേശീയഗാനം ആലപിക്കുകയുമായിരുന്നു. ഇതിനിടെയാണ് എംഎല്എ ഫോണില് സംസാരിച്ചത്.
മറ്റുള്ളവര് ഒപ്പം ആലപിച്ചു
സഹകരണമന്ത്രി അരൂപ് റോയ്, കായിക മന്ത്രി ലക്ഷ്മി രത്തന് ശുക്ള, കൗണ്സിലര്മാര്, പോലീസ് ഉദ്യോഗസ്ഥര് എന്നിവര് സന്നിഹിതരായിരുന്ന വേദിയില് വച്ചാണ് എംഎല്എ ഫോണില് സംസാരിച്ചത്. മറ്റുള്ളവര് ദേശീയ ഗാനം ആലപിക്കുകയായിരുന്നു.
എന്താ കൊമ്പുണ്ടോ
എംഎല്എ വൈശാലി ഡാല്മിയ ഐസിസി മുന് പ്രസിഡന്റ് ജഗ്മോഹന് ഡാല്മിയയുടെ മകളാണ്. വൈശാലി ഫോണില് സംസാരിക്കുന്നതിന്റെ ദൃശ്യങ്ങള് പ്രാദേശിക മാധ്യമങ്ങളാണ് പുറത്തുവിട്ടത്. ഇപ്പോള് ഇത് സമൂഹമാധ്യമങ്ങളിലൂടെ പ്രചരിക്കുന്നുണ്ട്. ക്യാമറ ഫോക്കസ് ആകുന്നത് കണ്ട് ഫോണ് കട്ട് ചെയ്യുന്നതും വീഡിയൊയില് കാണാം.
കോടതി ഉത്തരവിന് ശേഷം ആദ്യം
രാഷ്ട്രീയ നേതാക്കള് ദേശീയഗാനത്തെ അപമാനിക്കുന്നത് ഇത് ആദ്യമായല്ല. ദേശീയഗാനത്തിനിടെ ഫോണില് സംസാരിച്ചതിന് ജമ്മുകശ്മീര് മുന് മുഖ്യമന്ത്രി ഫറൂഖ് അബ്ദുള്ളയ്ക്ക് വന് വിമര്ശനം നേരിടേണ്ടി വന്നിരുന്നു. എന്നാല് ദേശീയ ഗാനം സംബന്ധിച്ച കോടതി ഉത്തരവിന് ശേഷം ഇതാദ്യമായാണ് ഒരു രാഷ്ട്രീയ നേതാവ് ദേശീയഗാനത്തെ അപമാനിക്കുന്നത്.
രാഷ്ട്രീയക്കാര്ക്ക് ബാധകമല്ലേ
തീയെറ്ററില് ദേശീയഗാനം വച്ചപ്പോള് എണീറ്റു നില്ക്കാത്തതിന്റെ പേരില് രാജ്യാന്തര ചലച്ചിത്ര മേളയ്ക്കിടെ ആറു പേരെയാണ് കേരളത്തില് അറസ്റ്റ് ചെയ്തത്. തമിഴ്നാട്ടിലും സമാനമായി അറസ്റ്റ് രേഖപ്പെടുത്തിയിരുന്നു. ദേശീയഗാനത്തെ അപമാനിക്കുന്ന തരത്തില് ഫോസ്ബുക്ക് പോസ്റ്റിട്ടതിന് നാടകകൃത്തും എഴുത്തുകാരനുമായ കമല് സി ചവറയെ അറസ്റ്റ് ചെയ്തത് ഞായറാഴചയാണ്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google