Click it and Unblock the Notifications
Just In
Don't Miss
-
മോഹന്ലാല് സിനിമകള് പ്രണവ് അധികം കണ്ടിട്ടില്ല; കാണാന് പറഞ്ഞപ്പോള് വേണ്ടെന്ന് പറഞ്ഞു; വിനീത് -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
T20 World Cup: പന്തുള്ളപ്പോള് സഞ്ജു എന്തിന്? പഠാന്റെ ലോകകപ്പ് ടീമില് സഞ്ജുവും രാഹുലുമില്ല -
അരക്കപ്പ് വെണ്ടക്കയില് കിടിലന് പക്കവട: റെസിപ്പി വളരെ എളുപ്പം -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ദില്ലിയില്‍ വര്‍ഗ്ഗീയ ലഹള, നിരോധനാജ്ഞ പ്രഖ്യാപിച്ചു
ദില്ലി: കിഴക്കന്‍ ദില്ലിയിലെ ത്രിലോക് പുരിയില്‍ ഇരുവിഭാഗം ജനങ്ങള്‍ ചേരിതിരിഞ്ഞ് ഏറ്റുമുട്ടിയതിനെ തുടര്‍ന്ന് നിരോധനാജ്ഞ പ്രഖ്യാപിച്ചു.
ഇരുവിഭാഗവും തോക്കു ഉപയോഗിക്കുന്നതിനാല്‍ പോലിസ് മേഖലയില്‍ കനത്ത സുരക്ഷാവലയമാണ് ഒരുക്കിയിട്ടുള്ളത്. വിവിധ കേസുകളിലായി 70ഓളം പേരെ ഇതിനകം അറസ്റ്റ് ചെയ്തിട്ടുണ്ട്.
ദീപാവലി ദിവസമാണ് പ്രശ്‌നങ്ങളുടെ തുടക്കം. ഇരുവിഭാഗവും പരസ്പരം കല്ലെറിയുന്നതോടൊപ്പം പോലിസുകാരെയും ആക്രമിക്കുന്നുണ്ട്. സാരമായി പരിക്കേറ്റ 50ഓളം പേര്‍ ഇപ്പോള്‍ വിവിധ ആശുപത്രിയില്‍ ചികിത്സയിലാണ്. ഇതില്‍ 13 പേര്‍ പോലിസുകാരാണ്. പരിക്കേറ്റ അഞ്ചു പേരുടെ ശരീരത്തില്‍ വെടിയുണ്ടയുടെ പാട് കണ്ടെത്തിയതിനെ തുടര്‍ന്ന് അക്രമികള്‍ക്കായി പോലിസ് വ്യാപകമായ തിരച്ചില്‍ തുടരുകയാണ്.
അതേ സമയം പോലിസ് നടത്തിയ വെടിവെപ്പിലാണ് ജനങ്ങള്‍ക്ക് പരിക്കേറ്റതെന്ന് ഇരുവിഭാഗവും ആരോപിക്കുന്നു. പള്ളിയ്ക്കു മുന്നില്‍ സ്ഥാപിച്ച ദേവീ രൂപം എടുത്തുമാറ്റണമെന്ന് ആവശ്യപ്പെട്ടതാണ് പ്രശ്‌നങ്ങളുടെ തുടക്കം എന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്.
ദീപാവലി ആഘോഷങ്ങളുടെ ഭാഗമായുള്ള രൂപം എടുത്തുമാറ്റണമെന്ന ആവശ്യം ശക്തമായപ്പോള്‍ അവിടെ എത്തിയ മുന്‍ ബിജെപി എംഎല്‍എ സുനില്‍ കുമാര്‍ വൈദ്യ എരിതീയില്‍ എണ്ണയൊഴിക്കുന്ന രീതിയിലുള്ള പ്രസംഗം നടത്തിയെന്ന ആക്ഷേപവുമുണ്ട്.
ഇത് താത്കാലികം മാത്രമാണെന്നും ദീപാവലി ആഘോഷത്തോടെ ഈ രൂപം മാറ്റുമെന്നും അറിയിച്ച അദ്ദേഹം വലിയ വാശിയാണെങ്കില്‍ ഇവിടെ അമ്പലം തന്നെ പണിയുമെന്ന മുന്നറിയിപ്പ് നല്‍കിയതും പ്രശ്‌നങ്ങള്‍ സങ്കീര്‍ണമാക്കി. പള്ളിക്കു തൊട്ടു മുന്നില്‍ അമ്പലം പണിയാന്‍ പോകുന്നുവെന്ന വാര്‍ത്ത അതിവേഗം പരന്നു.
ഇതേ സമയം പുറത്തുനിന്നെത്തിയ 500ഓളം ആളുകള്‍ പരിസരത്തുള്ള വീടുകളിലേക്കും സ്ഥാപനങ്ങളിലേക്കും വ്യാപകമായ കല്ലേറും നടത്തിയതോടെ സ്ഥിതിഗതികള്‍ വഷളായി. പോലിസ്, റാപ്പിഡ് ആക്ഷന്‍ ഫോഴ്‌സ്, സെന്‍ട്രല്‍ റിസര്‍വ് പോലിസ് അംഗങ്ങളെ പ്രദേശത്ത് വിന്യസിപ്പിച്ചിട്ടുണ്ട്.
