• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ദിഗ്‌വിജയ് സിങ് ജയിക്കാന്‍ യാഗം; നൂറോളം സന്യാസിമാര്‍ ഒത്തുചേര്‍ന്നു, നേതൃത്വം നല്‍കി മുന്‍ മന്ത്രി

ഭോപ്പാല്‍: മധ്യപ്രദേശില്‍ തിരഞ്ഞെടുപ്പില്‍ ജയിക്കാന്‍ മതപരമായ ആചാരങ്ങളും. ഭോപ്പാലിലെ കോണ്‍ഗ്രസ് സ്ഥാനാര്‍ഥിയും മുന്‍ മുഖ്യമന്ത്രിയുമായ ദിഗ്‌വിജയ് സിങിനെ ജയത്തിന് വേണ്ടിയാണ് സന്ന്യാസിമാര്‍ പങ്കെടുത്ത യാഗം നടന്നത്. മുന്‍ ബിജെപി സര്‍ക്കാരില്‍ മന്ത്രിയായിരുന്ന കംപ്യൂട്ടര്‍ ബാബ എന്ന നാംദേവ് ദാസ് ത്യാഗിയാണ് പൂജയ്ക്കും മതാചാരങ്ങള്‍ക്കും നേതൃത്വം കൊടുത്തത്.

ഒട്ടേറെ സന്യാസിമാര്‍ പങ്കെടുത്തു. ബിജെപി സര്‍ക്കാരിനെ പരാജയപ്പെടുത്തുക എന്ന ലക്ഷ്യത്തോടെയാണ് കംപ്യൂട്ടര്‍ ബാബ ഇപ്പോള്‍ പ്രവര്‍ത്തിക്കുന്നത്. നേരത്തെ ബിജെപി സര്‍ക്കാരിനൊപ്പം നിന്ന വ്യക്തിയാണ്. ദിഗ്‌വിജയ് സിങിനെ ജയത്തിന് വേണ്ടി ഒട്ടേറെ പരിപാടികള്‍ ആസൂത്രണം ചെയ്തിട്ടുണ്ട് കംപ്യൂട്ടര്‍ ബാബയുടെ നേതൃത്വത്തിലുള്ള സന്യാസിമാര്‍....

ഏറെ ശ്രദ്ധിക്കപ്പെടുന്ന മണ്ഡലം

ഏറെ ശ്രദ്ധിക്കപ്പെടുന്ന മണ്ഡലം

ഭോപ്പാല്‍ ഇത്തവണ ലോക്‌സഭാ തിരഞ്ഞെടുപ്പില്‍ ഏറെ ശ്രദ്ധിക്കപ്പെടുന്ന മണ്ഡലമാണ്. കോണ്‍ഗ്രസിന്റെ ശക്തനായ നേതാവും മുന്‍ മുഖ്യമന്ത്രിയുമായ ദിഗ്‌വിജയ് സിങിനെയാണ് കോണ്‍ഗ്രസ് ഇവിടെ മല്‍സരിപ്പിക്കുന്നത്. എന്നാല്‍ ബിജെപി സ്ഥാനാര്‍ഥിയാക്കിയത് മലേഗാവ് സ്‌ഫോടന കേസിലെ പ്രതി സാധ്വി പ്രഗ്യാ സിങ് താക്കൂറിനെയാണ്.

 അതേ നാണയത്തില്‍ തിരിച്ചടി

അതേ നാണയത്തില്‍ തിരിച്ചടി

ബിജെപിക്കു വേണ്ടി സന്ന്യാസിനി മല്‍സരിക്കുന്ന സാഹചര്യത്തില്‍ അതേ നാണയത്തില്‍ തിരിച്ചടിക്കാനാണ് കോണ്‍ഗ്രസ് തീരുമാനം. സന്യാസിയായ കംപ്യൂട്ടര്‍ ബാബയെ രംഗത്തിറക്കിയിരിക്കുകയാണ് കോണ്‍ഗ്രസ്. 7000 സന്യാസിമാരുടെ സമ്മേളനമാണ് മെയ് ഒമ്പതിന് കംപ്യൂട്ടര്‍ ബാബ മുന്‍കൈയ്യെടുത്ത് ഭോപ്പാലില്‍ നടത്തുന്നത്.

 ധര്‍മവും അധര്‍മവും

ധര്‍മവും അധര്‍മവും

സമ്മേളനത്തിന് മുന്നോടിയായിട്ടാണ് ഭോപ്പാലില്‍ മതാചാരങ്ങള്‍ നടന്നത്. ദിഗ്‌വിജയ് സിങിന് പുറമെ അദ്ദേഹത്തിന്റെ ഭാര്യയും ചടങ്ങില്‍ സംബന്ധിച്ചു. സന്യാസിമാര്‍ സിങിനെ ആശിര്‍വദിച്ചു. സയ്ഫിയ കോളജ് ഗ്രൗണ്ടിലായിരുന്നു യാഗം. വ്യാഴാഴ്ച വന്‍ സമ്മേളനമാണ് ഇവര്‍ പദ്ധതിയിട്ടിരിക്കുന്നത്. ധര്‍മവും അധര്‍മവും തമ്മിലുള്ള പോരാട്ടമാണ് തിരഞ്ഞെടുപ്പില്‍ നടക്കുന്നതെന്ന് കംപ്യൂട്ടര്‍ ബാബ പറഞ്ഞു.

13 മഠങ്ങളില്‍ നിന്നുള്ള സന്യാസിമാര്‍

13 മഠങ്ങളില്‍ നിന്നുള്ള സന്യാസിമാര്‍

ഗ്രാമീണ വോട്ടര്‍മാരെ ലക്ഷ്യമിട്ടാണ് കംപ്യൂട്ടര്‍ ബാബയുടെ നീക്കം. ദിഗ്‌വിജയ് സിങിനെ പിന്തുണച്ച് മെയ് ഒമ്പതിന് നടക്കുന്ന റാലിയില്‍ 7000 സന്യാസിമാര്‍ പങ്കെടുക്കുമെന്ന് അദ്ദേഹം പറഞ്ഞു. 13 മഠങ്ങളില്‍ നിന്നുള്ള സന്യാസിമാരാണ് പങ്കെടുക്കുക. നിയമസഭാ തിരഞ്ഞെടുപ്പില്‍ മല്‍സരിപ്പിക്കാത്തതിനെ തുടര്‍ന്നാണ് കംപ്യൂട്ടര്‍ ബാബ ബിജെപിയുമായി അകന്നത്. പിന്നീട് കോണ്‍ഗ്രസിന് വേണ്ടി പ്രചാരണം നടത്തുകയായിരുന്നു.

വോട്ടിങ് മെഷീന്‍ ഹോട്ടലില്‍; അന്വേഷത്തിന് ഉത്തരവ്, വോട്ടെടുപ്പ് കഴിഞ്ഞതിന് പിന്നാലെ

English summary
Computer Baba Prays With Seers for Digvijaya Singh's Victory

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more