'ഷാരൂഖ് ഖാന് മാത്രം വന്നു, മാധുരി ദിക്ഷിത് രണ്ടാംനിര നടി' കോണ്ഗ്രസ്-ബിജെപി അംഗങ്ങളുടെ പോര്
ജയ്പൂര്: രാജസ്ഥാനില് സുപ്രധാന ചര്ച്ച അന്താരാഷ്ട്ര ഇന്ത്യ ഫിലിം അക്കാദമി (ഐഐഎഫ്എ) അവാര്ഡ് ചടങ്ങുമായി ബന്ധപ്പെട്ടാണ്. ഈ പരിപാടിക്ക് വേണ്ടി 100 കോടി രൂപ സര്ക്കാര് ചെലവഴിച്ചുവെന്ന വാര്ത്ത വന്നതോടെയാണ് ചര്ച്ചകള്ക്ക് ചൂടുപിടിച്ചത്. ചെലവ് ചോദ്യം ചെയ്ത് പ്രതിപക്ഷമായ കോണ്ഗ്രസ് നിയമസഭയില് ബഹളമുണ്ടാക്കി. തിരിച്ചടിച്ച് ഭരണകക്ഷിയായ ബിജെപിയും രംഗത്തുവന്നു. ആകെ ബഹളമയം.
ഈ ചര്ച്ച ചൂടുപിടിച്ചപ്പോഴാണ് ഷാരൂഖ് ഖാനും മാധുരി ദിക്ഷിതും ക്ഷേത്രങ്ങളിലേക്കുള്ള ഫണ്ടും ടൂറിസവുമെല്ലാം വിഷയമായത്. പ്രതിപക്ഷ നേതാവ് ടിക്കറാം ജുല്ലി ഓരോ വിഷയങ്ങള് ചൂണ്ടിക്കാട്ടി നിയമസഭയില് കത്തിക്കയറി. പ്രതിരോധിക്കാനാകാതെ ബിജെപി കുരുങ്ങി. അതിനിടെയാണ് മാധുരി ദിക്ഷിതിനെ ടിക്കറാം ജുല്ലി പരാമര്ശിച്ചതും ബിജെപിക്ക് പിടിവള്ളിയായതും...
കഴിഞ്ഞാഴ്ചയായിരുന്നു ഐഐഎഫ്എ രാജസ്ഥാനില് നടന്നത്. 100 കോടി രൂപ ഇതിന് വേണ്ടി സര്ക്കാര് ചെലവഴിച്ചു എന്നാണ് പുറത്തുവന്ന വിവരം. ഇത് ചോദ്യം ചെയ്ത് കോണ്ഗ്രസ് എംഎല്എമാര് സഭയില് രംഗത്തുവന്നു. ''ഏതെങ്കിലും ക്ഷേത്രങ്ങള്ക്ക് 100 കോടി രൂപ നിങ്ങള് അനുവദിച്ചോ, ഖാതു ശ്യാംജി ക്ഷേത്രം, ഗോവിന്ദ് ദേവ് ക്ഷേത്രം... തുടങ്ങി എത്ര അമ്പലങ്ങള്. ഏതെങ്കിലും ഒന്നിന് 100 കോടി കൊടുത്തോ എന്ന് ജുല്ലി ചോദിച്ചു.
ഐഐഎഫ്എ ചടങ്ങിന് 100 കോടി അനുവദിക്കാന് സര്ക്കാരിന് യാതൊരു മടിയുമുണ്ടായില്ല. 7 ലക്ഷം രൂപയുടെ പാസ് സൗജന്യമായിട്ടാണ് വിതരണം ചെയ്തത്. എല്ലാം നികുതി കൊടുക്കുന്നവരുടെ പണമല്ലേ. മിസ്റ്റര് മുഖ്യമന്ത്രി, നിങ്ങളുടെ ആള്ക്കാള് ഫോട്ടോ എടുക്കുന്ന തിരക്കിലായിരുന്നു. ഐഐഎഫ്എ കൊണ്ട് രാജസ്ഥാന് എന്താണ് കിട്ടിയത്...
ടൂറിസ്റ്റ് കേന്ദ്രങ്ങള് സന്ദര്ശിച്ചോ
ചടങ്ങിന് വന്ന ഏതെങ്കിലും ഒരു താരം രാജസ്ഥാനിലെ ടൂറിസ്റ്റ് കേന്ദ്രങ്ങള് സന്ദര്ശിച്ചോ. ഷാരൂഖ് ഖാന് അല്ലാതെ വന്നവരെല്ലാം രണ്ടാംനിര താരങ്ങളാണ്. മുന്നിര താരങ്ങളൊന്നും വന്നില്ല. അമിതാഭ് ബച്ചനും വന്നില്ല..'' ജുല്ലി കത്തിക്കയറി. ഈ വേളയിലാണ് ബിജെപി അംഗങ്ങള് നടി മാധുരി ദിക്ഷിത് പരിപാടിയില് സംബന്ധിച്ച കാര്യം ചൂണ്ടിക്കാട്ടിയത്.
''മാധുരി ദിക്ഷിത് രണ്ടാംനിര നടിയല്ലേ. അവരുടെ പ്രതാപ കാലം കഴിഞ്ഞു. ദില്, ബേട്ടാ സിനിമകള് ഇറങ്ങിയ കാലത്തായിരുന്നു മാധുരി ദിക്ഷിത് തിളങ്ങി നിന്നത്. ഇന്ന് കാലം മാറിയെന്നും'' ജുല്ലി തിരിച്ചടിച്ചു. എല്ലായിടത്തും ഐഐഎഫ്എയുടെ ബോര്ഡുകളാണ് കണ്ടത്. രാജസ്ഥാന്റെ പ്രതാപം സൂചിപ്പിക്കുന്ന ഒരു ബോര്ഡ് പോലും വച്ചില്ല. സംസ്ഥാനത്തിന് യാതൊരു ഗുണവും കോടികള് ചെലവഴിച്ച് നടത്തിയ പരിപാടിയിലൂടെ ലഭിച്ചില്ലെന്നും ജുല്ലി കുറ്റപ്പെടുത്തി.
ഐഐഎഫ്എ പരിപാടിയുടെ പ്രാധാന്യം ചൂണ്ടിക്കാട്ടിയാണ് ബിജെപി അംഗങ്ങള് രംഗം ശാന്തമാക്കാന് തന്ത്രമിട്ടത്. ഇത്തരം പരിപാടികള് രാജസ്ഥാനില് സംഘടിപ്പിക്കുന്നത് സംസ്ഥാനത്തിന് നേട്ടമാണ്. ലോകത്തെ വന്കിട നഗരങ്ങളിലാണ് സാധാരണ ഇത്തരം ചടങ്ങുകള് നടക്കാറ്. സംസ്ഥാനത്തിന്റെ ടൂറിസം മേഖലയ്ക്ക് പരിപാടിയിലൂടെ ഗുണം ഭാവിയില് കിട്ടുമെന്നും മുതിര്ന്ന ബിജെപി അംഗം ബാല്മുകുന്ദ് ആചാര്യ പറഞ്ഞു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google