Click it and Unblock the Notifications
Just In
Don't Miss
-
ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം -
ജാസ്മിനെപ്പോലൊരു കൂതറ മത്സരാര്ത്ഥി ചരിത്രത്തിലില്ല; ഇക്കൊല്ലം ടോക്സിക് റാണി: ശ്രീലക്ഷ്മി -
T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ് -
സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ് -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
വിവാദ ഓര്‍ഡിനന്‍സ് പിന്‍വലിച്ചു
ദില്ലി: കുറ്റവാളികളായ ജനപ്രതിനിധികളെ അയോഗ്യരാക്കണമെന്ന സുപ്രിം കോടതി വിധി മറികടക്കാന്‍ സര്‍ക്കാര്‍ കൊണ്ടുവന്ന ഓര്‍ഡിനന്‍സ് പിന്‍വലിക്കാന്‍ കേന്ദ്രമന്ത്രിസഭാ യോഗം തീരുമാനിച്ചു. ജനപ്രാതിനിധ്യ നിയമ ഭേദഗതി ഒര്‍ഡിനന്‍സ് പിന്‍വലിക്കണമെന്ന കോണ്‍ഗ്രസ് കോര്‍ കമ്മറ്റിയിലെടുത്ത തീരുമാനം പ്രധാനമന്ത്രി രാഷ്ട്രപതിയെ അറിയിക്കും. വിവാദ ഓര്‍ഡിനന്‍സുമായി ബന്ധപ്പെട്ട് പ്രധാനമന്ത്രിയും രാഹുല്‍ ഗാന്ധിയും കൂടിക്കാഴ്ച നടത്തുകയും ഓര്‍ഡിനന്‍സ് പിന്‍വലിക്കുക എന്നത് രാജ്യത്തിന്റെ വികാരമാണെന്ന് രാഹുല്‍ പ്രധാനമന്ത്രിയെ അറിയിക്കുകയും ചെയ്തിരുന്നു.
ക്രിമിനല്‍ കേസില്‍ ശിക്ഷിക്കപ്പെടുന്ന ജനപ്രതിനിധികളെ അയോഗ്യരാക്കണമെന്ന സുപ്രീം കോടതിയുടെ വിധി മറികടക്കാന്‍ വേണ്ടിയാണ് ഓര്‍ഡിനന്‍സ് കൊണ്ടു വന്നത്. ഓര്‍ഡിനന്‍സുമായി ബന്ധപ്പെട്ട് തന്റെ പ്രസ്താവന വിവാദമായതില്‍ രാഹുല്‍ ഗാന്ധി പ്രധാമന്ത്രിയോട് ഖേദം അറിയിച്ചു. ഓര്‍ഡിനന്‍സ് പിന്‍വലിക്കുന്നതാണ് ഉചിതമെന്ന് പറഞ്ഞ രാഹുല്‍ പ്രധാനമന്ത്രിയെ അധിക്ഷേപിക്കാനോ താഴ്ത്തിക്കെട്ടാനോ ശ്രമിച്ചിട്ടില്ലെന്നും വ്യക്തമാക്കി.
രാഹുല്‍ ഗാന്ധിയുടെയും പ്രധാനമന്ത്രിയുടെയും കൂടിക്കാഴ്ചയ്ക്ക് ശേഷമാണ് കോണ്‍ഗ്രസ് കോര്‍കമ്മറ്റി യോഗം ചേര്‍ന്നത്. ഓര്‍ഡിനന്‍സ് പിന്‍വലിക്കുന്ന കാര്യത്തില്‍ യുപിഎ ഘടകകക്ഷികളെ കൂടെ വിശ്വാസത്തിലെടുത്തുവേണം അന്തിമ തീരുമാനം എടുക്കാനെന്നാണ് കോര്‍കമ്മിറ്റിയിലുയര്‍ന്നു വന്ന പൊതു അഭിപ്രായം. ഇപ്പോള്‍ രാഷ്ട്രപതിയുടെ പരിഗണനയിലുള്ള ഓര്‍ഡിനന്‍സിന് നേരത്തെ അദ്ദേഹവും അതൃപ്തി രേഖപ്പെടുത്തിയിരുന്നു.
