'ഡബിള്‍ എ ബാട്ടറി ഈസ് ദി സീക്രട്ട് ഓഫ് മോദീസ് എനര്‍ജി'! മോദിയെ ട്രോളി കോണ്‍ഗ്രസ്!

റാഫേല്‍ വിഷയത്തില്‍ കേന്ദ്രസര്‍ക്കാരിനെ വിടാതെ പിന്തുടര്‍ന്ന് കോണ്‍ഗ്രസ്. റാഫേല്‍ ഇടപാടുമായി ബന്ധപ്പെട്ട് അനില്‍ അംബാനിയുടെ പേര് സഭയില്‍ പറയരുതെന്ന സ്പീക്കറുടെ പരാമര്‍ശത്തെ കഴിഞ്ഞ ദിവസം കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ട്രോളിയിരുന്നു. ഇപ്പോള്‍ ഡബിള്‍ എഎയാണ് മോദിയുടെ ഊര്‍ജ്ജം എന്ന് പരിഹസിച്ചുകൊണ്ടുള്ള വീഡിയോ ആണ് കോണ്‍ഗ്രസ് ഔദ്യോഗിക ട്വിറ്റര്‍ അക്കൗണ്ടില്‍ പങ്കുവെച്ചിരിക്കുന്നത്.

മോദിയുടെ കാര്‍ട്ടൂണാണ് വീഡിയോയില്‍ ഉള്ളത്. ഇദ്ദേഹത്തിന്‍റെ ഊര്‍ജ്ജത്തിന്‍റെ രഹസ്യം ​എന്ന തലക്കെട്ടോടെയാണ് വീഡിയോ പങ്കുവെച്ചിരിക്കുന്നത്. ഡബിള്‍ എ ബാറ്ററിയിടുമ്പോള്‍ വീഡിയോയിലെ മോദി പാവ ചെണ്ടകൊട്ടുന്നതാണ് വീഡിയോയില്‍ ഉള്ളത്. മോദിയെ പരിഹസിക്കുന്ന വീഡിയോ നിരവധി പേരാണ് സോഷ്യല്‍ മീഡിയയില്‍ ഷെയര്‍ ചെയ്തത്.

കഴിഞ്ഞ ദിവസം സഭയിലെ നീണ്ട വാദപ്രതിവാദങ്ങള്‍ക്കിടെയായിരുന്നു അമില്‍ അംബാനിയുടെ പേര് രാഹുല്‍ ഗാന്ധി പരാമര്‍ശിച്ചത്. എന്നാല്‍ ഇത് സ്പീക്കര്‍ സുമിത്രാ മഹാജന്‍ വിലക്കി. അദ്ദേഹത്തിന്‍റെ പേര് പറയുന്നതില്‍ തനിക്ക് വിലക്കുണ്ടോയെന്ന് രാഹുല്‍ ഗാന്ധി ചോദിച്ചപ്പോള്‍ പേര് പരാമര്‍ശിക്കുന്നത് നിയവിരുദ്ധമാകുമെന്നായിരുന്നു സ്പീക്കറുടെ മറുപടി. ഇതോടെ എന്നാല്‍ അദ്ദേഹത്തെ താന്‍ ഡബിള്‍ എ എന്ന് വിശേഷിപ്പിച്ചോട്ടെയെന്നായിരുന്നു രാഹുലിന്‍റെ മറുചോദ്യം.

English summary

Congress discovers the source of PM Modi' power