Click it and Unblock the Notifications
Just In
Don't Miss
-
മലയാളത്തിലെ പ്രമുഖ നടനുമായുള്ള വിവാഹ വാര്ത്ത; എന്റെ വീട്ടുകാരേക്കാള് ഉത്കണ്ഠ വേറെ ചിലര്ക്ക്! -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
IPL 2024: 24 ബോളില് 49! അശ്വിന് എന്തിന് ടീമില്? യൂട്യൂബ് ചാനലില് ശ്രദ്ധിക്കൂ, രൂക്ഷവിമര്ശനം -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
മുതിര്‍ന്ന നേതാവ് അശോക് തന്‍വാര്‍ പാര്‍ട്ടി വിട്ടു; ഹരിയാണ കോണ്‍ഗ്രസിന് വന്‍ തിരിച്ചടി
ദില്ലി: ഹരിയാണയില്‍ നിയമസഭാ തിരഞ്ഞെടുപ്പിന് ദിവസങ്ങള്‍ മാത്രം ബാക്കിനില്‍ക്കെ കോണ്‍ഗ്രസില്‍ വന്‍ കൊഴിഞ്ഞുപോക്ക്. പാര്‍ട്ടിയുടെ മുന്‍ സംസ്ഥാന അധ്യക്ഷന്‍ അശോക് തന്‍വാര്‍ രാജിവച്ചു. ഭിന്നതകള്‍ പരിഹരിച്ച് തിരഞ്ഞെടുപ്പിന് ഒരുങ്ങിയ കോണ്‍ഗ്രസില്‍ സീറ്റ് ലഭിക്കാത്തവരുടെ നേതൃത്വത്തില്‍ നടക്കുന്ന ആഭ്യന്തര പോരാണ് ഇപ്പോള്‍. ഒട്ടേറെ പേര്‍ ബിജെപിയില്‍ ചേര്‍ന്നിരിക്കുകയാണ്. അതിനിടെയാണ് അശോക് തന്‍വാറിന്റെ രാജി.
അശോക് തന്‍വാറിനെ സംസ്ഥാന അധ്യക്ഷ പദവിയില്‍ നിന്ന് കഴിഞ്ഞമാസമാണ് മാറ്റിയത്. കോണ്‍ഗ്രസ് അധ്യക്ഷ സോണിയാ ഗാന്ധിക്ക് നല്‍കിയ നാല് പേജുള്ള രാജികത്ത് അദ്ദേഹം ട്വിറ്ററില്‍ പോസ്റ്റ് ചെയ്തു. കോണ്‍ഗ്രസ് നിലനില്‍പ്പ് പ്രതിസന്ധി നേരിടുകയാണെന്നും ആഭ്യന്തര കലഹമാണ് ഇതിന് കാരണമെന്നും അശോക് തന്‍വാര്‍ രാജിക്കത്തില്‍ വിശദീകരിച്ചു.
ഏറെ നാള്‍ ആലോചിച്ച ശേഷമാണ് രാജിവയ്ക്കുന്നത്. കോണ്‍ഗ്രസിനെ തകര്‍ക്കുന്ന ശക്തികളോടാണ് എന്റെ പോരാട്ടം. ഒരു വ്യക്തിയോടല്ലെന്നും തന്‍വാര്‍ പറഞ്ഞു. ഹരിയാണ നിയമസഭാ തിരഞ്ഞെടുപ്പില്‍ സീറ്റ് നല്‍കിയതില്‍ അഴിമതി നടന്നിട്ടുണ്ടെന്ന് കഴിഞ്ഞദിവസം അശോക് തന്‍വാര്‍ ആരോപിച്ചിരുന്നു. താന്‍ രാജിവെക്കാനുള്ള കാരണം എല്ലാവര്‍ക്കും അറിയാമെന്നും അദ്ദേഹം പറഞ്ഞു.
കഴിഞ്ഞാഴ്ച കോണ്‍ഗ്രസിന്റെ ഒട്ടേറെ സമിതികളില്‍ നിന്ന് തന്‍വാര്‍ രാജിവച്ചിരുന്നു. കടുത്ത വേദനയോടെയാണ് തീരുമാനമെടുത്തതെന്നും അദ്ദേഹം പറഞ്ഞു. തിരഞ്ഞെടുപ്പില്‍ ടിക്കറ്റ് കൊടുത്തതില്‍ ക്രമക്കേടുണ്ടെന്ന് ആരോപിച്ച് ദില്ലിയിലെ സോണിയാ ഗാന്ധിയുടെ വസതിക്ക് മുമ്പില്‍ അശോക് തന്‍വാര്‍ പ്രതിഷേധിച്ചിരുന്നു. ഭൂപീന്ദര്‍ സിങ് ഹൂഡയുമായുള്ള തര്‍ക്കമാണ് അശോക് തന്‍വാറിനെ അധ്യക്ഷ പദവിയില്‍ നിന്ന് മാറ്റിയത്. പിന്നീട്് കുമാരി സെല്‍ജയെ ഹരിയാണ കോണ്‍ഗ്രസിന്റെ അധ്യക്ഷയായി നിയമിക്കുകയായിരുന്നു.
