Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
'പശുക്കള്‍ അവര്‍ക്ക് അമ്മമാരും അമ്മായിമാരും സഹോദരിമാരും' മോദിക്കും യോഗിക്കുമെതിരെ കോണ്‍ഗ്രസ് പരിഹാസം
കൈസര്‍ഗഞ്ച്: രാജ്യത്ത് രാഷ്ട്രീയ പ്രസംഗങ്ങളിലെ വ്യക്തി അധിക്ഷേപം ഓരോ ദിവസം കഴിയുമ്പോഴും വഷളായിക്കൊണ്ടിരിക്കുകയാണ്. കൈസര്‍ഗഞ്ച് ലോക്സഭ മണ്ഡലത്തില്‍ നിന്ന് മത്സരിക്കുന്ന കോണ്‍ഗ്രസ് നേതാവ് വിനയ് കുമാര്‍ പാണ്ഡെ കഴിഞ്ഞ ദിവസം പ്രധാന മന്ത്രി നരേന്ദ്ര മോദിക്കെതിരെയും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെതിരെയും നടത്തിയ പരാമര്‍ശം ഇതിനുദാഹരണമാണ്. മോദിയുടെയും യോഗിയുടെയും കുടുംബാഗങ്ങള്‍ക്കെതിരെയാണ് വിനയ് വ്യക്തിപരമായി ആക്രമിച്ചത്. മോദിയുടെയും യോഗിയുടെയും അമ്മായിമാര്‍, സഹോദരിമാര്‍, അമ്മമാര്‍ എന്നിവരെ പാണ്ഡെ പശുക്കളുമായി താരതമ്യം ചെയ്തു.
''നമ്മള്‍ ദൂരയാത്ര ചെയ്യുമ്പോള്‍ വഴിയോരത്ത് അലഞ്ഞ് തിരിഞ്ഞ് നടക്കുന്ന പശുക്കളെ കാണും. ഇവര്‍ കര്‍ഷകര്‍ക്ക് വലിയ തലവേദനയാണ്, കര്‍ഷകര്‍ക്ക് മാത്രമല്ല യാത്രക്കാര്‍ക്കും പ്രശ്‌നം തന്നെ. കാറില്‍ പോകുന്നവര്‍ പറയും നോക്കൂ, അത് മോദിയുടെയും യോഗിയുടെയും സഹോദരിമാരാണ്, അവരുടെ അമ്മായിമാരാണ്, അമ്മമാരാണ്.'' ഇതായിരുന്നു പാണ്ഡേയുടെ വാക്കുകള്‍. ഈ പരാമര്‍ശമാണ് ഇന്ന് സോഷ്യല്‍ മീഡിയ കൂടുതല്‍ ചര്‍ച്ച ചെയ്യുന്നത്.
രാഷ്ട്രീയ നേതാക്കള്‍ എതിരാളികള്‍ക്കെതിരെ നടത്തുന്ന വ്യക്തിപരമായ പരാമര്‍ശങ്ങളും പരസ്പരം ചെളി വാരിയെറിയലുകളും 2019 ലെ ലോക്‌സഭാ തിരഞ്ഞെടുപ്പില്‍ കൂടുതലാണ്. രാംപൂരിലെ ബിജെപി സ്ഥാനാര്‍ഥിക്കെതിരെ സമാജ് വാദി പാര്‍ട്ടി നേതാവ് അസംഖാന്‍ നടത്തിയ കാക്കി അടിവസ്ത്ര പരാമര്‍ശം ഏറെ വിവാദങ്ങള്‍ക്ക് വഴിതെളിച്ചിരുന്നു. ഇതേ തുടര്‍ന്ന് ഏപ്രില്‍ 15 മുതല്‍ 18 വരെ മൂന്ന് ദിവസത്തേക്ക് പാര്‍ട്ടിയുടെ പ്രചാരണത്തില്‍ നിന്ന് ഖാനെ തിരഞ്ഞെടുപ്പ് കമ്മീഷന്‍ വിലക്കി.
കൂടാതെ കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധിയെ ഉമാഭാരതി കള്ളന്റെ ഭാര്യയെന്ന് വിളിച്ചതും വിവാദമായിരുന്നു. പ്രിയങ്കയുടെ ഭര്‍ത്താവ് റോബര്‍ട്ട് വാദ്രയെതിരെ എന്‍ഫോഴ്‌സ്‌മെന്റ് ഡയറക്ടറേറ്റ് അന്വേഷണം നടത്തിയതെന്നാണ് ഉമാഭാരതി ഇത്തരമൊരു പരാമര്‍ശമുയര്‍ത്താന്‍ കാരണം.
