സുഷമാ സ്വരാജിന്റെ വിയോഗത്തിൽ അനുശോചിച്ച് കോൺഗ്രസ്; മരണ വാർത്ത ഞെട്ടിക്കുന്നതെന്ന് രാഹുൽ ഗാന്ധി

ദില്ലി: അന്തരിച്ച മുതിർന്ന ബിജെപി നേതാവും മുൻ മുഖ്യമന്ത്രിയുമായിരുന്ന സുഷമ സ്വരാജിന് ആദരാഞ്ജലി അർപ്പിച്ച് കോൺഗ്രസ്. സുഷമാ സ്വരാജിന്റെ മരണവാർത്ത വേദനിപ്പിക്കുന്നു, കുടുംബാംഗങ്ങൾക്കും പ്രിയപ്പെട്ടവർക്കും ഒപ്പം ദുഖത്തിൽ പങ്കുചേരുന്നുവെന്ന് കോൺഗ്രസ് ട്വീറ്റ് ചെയ്തു.

സുഷമാ സ്വരാജിന്റെ വിയോഗം ഞെട്ടലുണ്ടാക്കി എന്നാണ് രാഹുൽ ഗാന്ധി പ്രതികരിച്ചത്. പ്രഗത്ഭയായ രാഷ്ട്രീയ നേതാവും പ്രാസംഗികയുമൊക്കെയായിരുന്നു സുഷമാ സ്വരാജ്. രാഷ്ട്രീയത്തിന് അതീതമായ സൗഹൃദങ്ങൾ കാത്തുസൂക്ഷിച്ച വ്യക്തിയായിരുന്നു. കുടുംബാംഗങ്ങളുടെ ദുഖത്തിൽ പങ്കുചേരുന്നുവെന്നും രാഹുൽ ഗാന്ധി ട്വീറ്റ് ചെയ്തു.

We are saddened to hear about the untimely demise of Smt Sushma Swaraj. Our condolences to her family and loved ones. pic.twitter.com/T9wg739c8i

— Congress (@INCIndia) August 6, 2019

സുഷമാ സ്വരാജ് മികച്ച ഭരണാധികാരിയും, പൊതുപ്രവർത്തകയുമായിരുന്നുവെന്ന് മുൻ മുഖ്യമന്ത്രി ഉമ്മൻ ചാണ്ടി പ്രതികരിച്ചു. കേരളത്തിന് വേണ്ടി അവർ ചെയ്തിട്ടുള്ള കാര്യങ്ങൾ എക്കാലവും സ്മരിക്കുമെന്നും ഉമ്മൻ ചാണ്ടി കൂട്ടിച്ചേർത്തു. ഇറാഖിൽ അകപ്പെട്ടു പോയ നഴ്സുമാരെ തിരികെയെത്തിക്കാൻ നടത്തിയ ഇടപെടലുകൾ ഇന്നും ഓർക്കുന്നുവെന്നും ഉമ്മൻചാണ്ടി പ്രതികരിച്ചു.

I’m shocked to hear about the demise of Sushma Swaraj Ji, an extraordinary political leader, a gifted orator & an exceptional Parliamentarian, with friendships across party lines.

My condolences to her family in this hour of grief.

May her soul rest in peace.

Om Shanti 🙏

— Rahul Gandhi (@RahulGandhi) August 6, 2019

ചൊവ്വാഴ്ച രാത്രി 11 മണിയോടെയാണ് ഹൃദയാഘാതത്തെ തുടർന്ന് സുഷമാ സ്വരാജിന്റെ അന്ത്യം. ഏറെ നാളായി ആരോഗ്യപ്രശ്നങ്ങൾ അവരെ അലട്ടിയിരുന്നു. അനാരോഗ്യം മൂലമാണ് 2019ലെ ലോക്സഭാ തിരഞ്ഞെടുപ്പിൽ നിന്നും വിട്ടുനിന്നത്. 2016ൽ വൃക്കമാറ്റിവയ്ക്കൽ ശസ്ത്രക്രിയയ്ക്ക് വിധേയയായിരുന്നു.

English summary

Congress leaders reaction on Sushma Swaraj's demise