ഇന്ത്യന്‍ മുജാഹിദ് തീവ്രവാദ സംഘടനയല്ലെന്ന് കോണ്‍ഗ്രസ് നേതാവ്

പനാജി : ഇന്ത്യന്‍ മുജാഹിദ് തീവ്രവാദ സംഘടനയല്ലെന്ന് വെറും പ്രാദേശിക സംഘടന മാത്രമാണെന്നും എഐസിസി ന്യൂനപക്ഷ സെല്‍ ചെയര്‍മാന്‍ ഖുര്‍ഷിദ് അഹമ്മദ് സയ്യിദ്.

ഇന്ത്യക്കാരായ മുസ്ലീമുകളൊന്നും തന്നെ തീവ്രവാദ പ്രവര്‍ത്തനങ്ങളില്‍ ഏര്‍പ്പെടുന്നില്ലെന്നും .മുസ്ലീം ഭീകരസംഘടനകളില്‍ അംഗമാകുന്നത് ലോകത്തിന്റെ മറ്റിടങ്ങളില്‍ നിന്നുള്ള മുസ്ലീങ്ങളാണ് അദ്ദേഹം പറഞ്ഞു.

ഇന്ത്യന്‍ വംശജരോ ഇന്ത്യാക്കാരോ തീവ്രവാദത്തിന്റെ ഭാഗമാകുന്നില്ല. ഇക്കാര്യം മറ്റു ചില രാജ്യങ്ങളെ നിരീക്ഷിച്ചാല്‍ മനസ്സിലാക്കാമെന്നും അടുത്ത കാലത്തെങ്ങും ഇന്ത്യാക്കാര്‍ ഇക്കാര്യത്തില്‍ ആശങ്കപ്പെടേണ്ടതില്ലെന്നും ഇന്ത്യന്‍ മുസ്ലീങ്ങളുടെ അടിസ്ഥാന തത്വങ്ങള്‍ വേറെയാണെന്നും സയ്യിദ് പറഞ്ഞു.

അതേസമയം ഇന്ത്യയില്‍ അടുത്ത കാലത്ത് നടന്ന 10 ഭീകരാക്രമണങ്ങളുമായുള്ള ഇന്ത്യന്‍ മുജാഹിദ്ദീന്റെ ബന്ധത്തെക്കുറിച്ചുള്ള ചോദ്യത്തിന് അതെല്ലാം ചില സംഘടനകള്‍ നടത്തിയതാണെന്നും ഇതിന് ഭീകരത എന്ന് അര്‍ത്ഥമില്ലെന്നും പറഞ്ഞു.

English summary

All India Congress Committee's minority cell chairman Khurshid Ahmed Saiyed has said that the Indian Mujahideen is only a "sectarian outfit" and its members are not terrorists